多做善事，運程會好返D
五年前，我在人生谷底
一家大小都過得好辛苦
我好怕血的，但逼左自己去捐血
捐＄捐物資…
之後越來越順利
3個讚
好憎D師傅話小孩尅父母
我睇D師傅不會這樣説
頂多話冇咁夾、硬頸、倔強嗰D
聽左冇咁唔舒服
你咁聽完，心裏一定有條刺
反而0 2 事件，找人看下風水好
陽光入屋嗎
1個讚
認同
前女老細就係信到十足
以前有野間屋真係冇陽光入屋，間屋我爸仲住緊，現在都係感覺好陰，不過我爸又冇乜野。我現在間屋下午幾光的，但洗手間就冇陽光入。
其實師父講完個心係有小小唔舒服，不過生得佢出，就算點都會錫佢的，但可能冇之前對佢期望咁大
咁佢點做？自己仔女冇理由一兩句說話改變到對佢地的愛
蘇文x講過犯太歲沖太歲年份容易有大變動
變動=搬屋買樓結婚生仔
佢話所以大部分仔女都係同父母相沖，好正常
前老細迷信某神棍cfu話佢流產左果個仔先係最孝順，變左明明佢兩個女都好乖同精靈可愛都周圍同人講師傅果樣野，個心唔舒服
1個讚
寡婦命既女人同長命既男人係有緣無份，短命既男人同夫緣好既女人都結不成婚。
如果你子女緣不好，呢幾年大運不好，你既真命天子命盤裡面會有相同信息。
我都係所謂的剋父剋夫剋男人，end up 父母離異、爸爸早死、我早婚早離婚。再睇下佢地各自條命，本來都係應有此劫。
如果仔女係黎「攞債」，就當還左係了斷。
當年係你屋企既先人，遇得上都係因為你地有淵緣，就算真係轉世，佢而家係人唔係邪靈，亦係一個化解前嫌既機會。
衰運會過的，我行左三十年，都快完了。
1個讚
剋既意思其實都係唔順利咁解，始終生死有命富貴由天，邊有話邊個剋得住邊個
以我自己屋企既情況為例，講到尾其實係自己行衰運個時走去生仔，跟住自己情緒唔好，加埋環境唔好教出黎既細路實係倔強，倔強既人自然多挫折。
1個讚
試下長開燈？
或者放D嘢擺下？
我細個就因為比個三九唔識七既所謂師傅話我剋父母，所以我細個時阿爸好唔鐘意我，我響呢個陰影底下生活左廿幾年，但我可以話你知依家最照顧屋企同比得最多家用果個係我，所以真係唔好乜都信所謂命理。做阿媽生得個女出一定會錫佢，但到我同阿媽鬧交時，佢都爆響口講話我剋父母，果下真係真心難過真心hurt，你自己都注意下唔好比呢d意見影響到。
至於𠝹爛浴簾，行為好似「激d」，但可能亦只係情緒發洩，始終只係小朋友，疏導下佢啦。
我好鐘意聽靈異嘢，但老實講，比起信玄學，我覺得更多嘢只係巧合或心理作用。徒勞無功呢d事成日都會發生。我兩公婆好努力儲左好多錢，因為股票市場大跌，將賺左果d錢sit晒，我都可以話努力左好耐一轉眼冇晒到頭來得個吉，其實只不過係順應返個市道，我地自己冇做好反應而有咁結果，所以「運滯」總有原因。
我反而有興趣點解你廿幾年前有親人自殺你媽咪會搵靈媒？又點解覺得佢地會「搞」你地？純粹好奇心，可能有d無禮，如果覺得被冒犯我講聲唔好意思先，唔想勾起件事可以唔講。
你好堅強
我見阿女的命盤都麻麻，個心都有D噏，自責自己當年開刀生點解唔幫佢選一個好D的時辰
我冇睇我先生的命盤，只睇左個女同我的，因為我老公唔記得自己幾點出世，我又費事問奶奶
希望你行完三十年衰運，之後會有好日子，加油
其實那親人是阿姨，我媽媽同佢好好感情，阿媽驚阿姨自殺死之後會好慘，就想睇下有咩幫到佢，當年做左好多塲法事，咁之後可能想知佢情況點樣，那個靈媒在大陸的，佢反而好少提阿姨的情況，但就話有靈體跟著阿媽，佢仲講到那個靈體的名字，竟然係好多年前夭折左的姊妹，佢不滿自己死後墓碑都冇一個，但阿姨死就有咁多塲法事
其實我婆婆都有去，但佢就冇咩怪事發生，反而我屋企就怪事連連，搞左兩年先冇事
多謝你既分享。
講得出另一姊妹既名都幾得人驚…你婆婆聽到有冇跟進，幫果位姊妹做法事？
有呀！唔記得有冇做法事了，但就安左個靈位比佢，不過安左之後都仲有怪事㗎，個靈媒話係跟左我媽好多年的了，最後係屋企貼左符之類就好似好D
1個讚
我親家姐係我細個就自殺，結果原來佢跟左我十七年，直到上年我係廟度買個牌位俾佢日日有人裝香，我定時燒個衣包俾佢。
另外我媽小產既細路都有跟我，我都岩岩買左個牌位俾佢地。
答應買、入 form 到真係上左位，每做一個步驟個人都明顯感覺到自己輕鬆左同順利左
1個讚
你是否感覺有不妥然後看師父先知有靈體跟？還是純粹覺得運氣不好？
我之前生活都幾順，一直工作順利，閒時去下旅行，生個女前仲升左職。生左個女之後，我因為想全職照顧佢就辭職做FTM。點知三年後老公生意有問題，仲犯官非，不過最終都冇事，但就自住樓都賣掉，咁我就出返來工作，我好努力工作都有D成績，生活亦開始好轉，點知又來個疫情，公司要摺，我即將失業，我真係覺得好攰。
可能真係行正十年衰運，而分水嶺就係生左小朋友後。不過所有事情都係大人決定，我知唔關小朋友事
1個讚
咁你心態好好丫，一個大運十年，捱多幾年就過。
我係工作出左d 問題（我自己覺得小事）但日日想自殺，睇完醫生咪去廟度問健康同事業。兩支都叫我送陰，再問聖杯，咪問出個訴求來。其實都一次過解左我個心結。等多兩年我就轉下個運，會開始好。
請問點幫沒有出世嘅弟/妹立牌位?謝謝。
我係灣仔北帝廟搞，都係去華人廟宇委員會入張 form, 下一輪係六月底截
謝謝你