小朋友幼稚園程度已經可以做到3文2語
小朋友英文程度，唔需要同家長有掛勾喎
我覺得你想法真係比較奇怪
我地真係想得太多
我真係看不透點解會有家長擔心自己英文差而唔想小朋友英文好
我睇到樓主個句真係O晒嘴
我幼稚園個時，媽咪都跟我本書學唔少英文生字。我未生小朋友，但都會諗假如自己程度唔夠，都會努力去學/惡補，而樓主就話小朋友學完返黎都唔識得同佢講…
追晒post, 覺得唔係幾溝通到
1個讚
我阿媽冇點讀書，甚至冇係香港讀書唔多識香港啲中小學。由於冇舊生分冇首名，計劃插班龍幼，搵定 back up 私小，聯絡埋牧師，先敢去玩大抽獎。升中都係，孟母三遷，遷去多學校嘅地區，返中學教會攞定水泡中學。佢真係做功課做得好長遠。宜家見身邊朋友，都係行同一條路，龍幼考龍小，研究埋邊啲 000 直屬津、插班直/龍，諗埋搬屋，呢啲小朋友讀幼稚園佢地已經諗曬。
我聽得最多都係“自己英文唔好，會讀唔掂英小/小朋友英文會唔好”，未聽過自己英文唔好所以唔想仔女好？？
我真心地覆咗好多內容，依家可以收檔
你無需要識講，小朋友識講咪得囉！大把內地媽媽個仔女考到英文小學，香港都有大把本地媽媽英文麻麻但仔女讀全港數一數二嘅學校，唔同又溝通唔到又讀唔掂書？
最多到時候個小朋友英文追唔上咪請補習。大把媽媽都咁做，不論叻差。
我唔係唔想佢英文好，我意思係我知私校要再補習/學好多野，我擔心自己配合唔到
所以話我地想得太多
咁樓主有自己想法我明，免費幼稚園同私下都只係個人選擇
但去到怕小朋友識英文自己唔識英文呢個位就真係…
唔洗你配合。好嘅補習老師唔需要你擔心、唔需要你參與，自動同你幫仔女溫書。我父母都冇高中畢業，我一樣讀到書。佢地冇學過嘅野，為左幫我溫書都學埋一份。大把 FT 內地媽媽唔識英文，都照樣俾仔女補習學英文，得閒自修幾句英文，從來冇配合唔配合。
你會唔會諗太多？我自己同其他家長都唔係科科讀書叻，冇擔心過小朋友會唔得。唔通我中文唔合格，我唔俾仔女讀中文？
relax！你係要注重學業，但呢個年代，大把資源，你有錢請好補習，就一定冇問題。小朋友幼稚園同初小英文底子打得好，你就唔洗擔心。英文默書測考自己溫，甚至唔洗溫，靠實力。
BTW，就算你讀寶校，都一樣要讀英文架喇！既然都係必修科目，咁點解唔幼稚園打好基礎呢？
我好慶幸自己生左2個，佢地相差幾年但感情好好，好玩得埋。有時我同老公夜晚行街，留他們兩個及姐姐在家，佢地玩得好開心唔會悶。
我自己都有兄弟姊妹，如果我要搵人幫手睇住小朋友，會搵自己家人幫手，真係有幾多個朋友會幫你？會肯請假幫自己？
感覺樓主係為生而生
咁其實應該為咩生？
上面已講過生多個要考慮好多野
唔想再重覆
樓主其實大家無惡意
都明白你想襯後生生多個bb，大b同細b年紀唔好差太遠
但依家個問題其實你老公都不贊成依家財政唔適合生住，我地唔想盲撐你，只係分析緊一d你以後要面對但依家未清楚嘅現實比你知
其實最後生唔生都係你地兩公婆事，窮養富養小朋友亦唔關我地事，只不過你依家講件事出黎，大家作為過來人只係理性討論件事
你「想生」其實唔係一件理性嘅事
1個讚
係，因為我真係太想要多個
咁我都知我係唔理性，所以我只係諗，冇真係做d咩，我一定會好好諗清楚先
1個讚
按我親戚個領養例子，咁香港通常領養到嘅小朋友都唔係“健全”，唔多唔少都有特別需要。佢領養左個有 SEN 嘅小朋友，按道理佢應該對個小朋友讀書方面冇咁重視，最緊要開心長大，呢個係連佢自己都一開始有講。但升小學嗰年，佢就算有舊生分都入唔到，抽獎又唔中，不斷叩門又搵非常強大嘅人士寫信最後入讀。之後就開始不斷補習，中英數常都補，呈分更加搏殺。
另一個親戚，一開始生又係話唔俾佢幼稚園已經谷，結果幼稚園一日返兩間，升小特登搬出去住近啲，讀升中勁又多人認同係谷嘅母校。
好多人係 BB 出世未讀幼稚園嗰陣，都係話希望佢健康快樂，但之後都開始谷個小朋友，讀書、興趣班嘅錢倒水一樣。中文就家長好多都可以自己搞，英文小朋友一定要學 phonics，你唔識教一定要去學，數學你未必識教，又要外判，你為左顯示仔女唔係死讀書，一體一藝興趣班，到呈分，邊科補習可以多幾分，你都衝到埋去。中學要考 DSE，為左考得最好，所有科都補，就算去大型補習社，一科起碼 $700，6-7 科 $5000 走唔甩。呢啲係家長完全預料唔到，亦冇諗過會變成咁。
你宜家覺得輕鬆只係因為 “時辰未到”，等你仔仔入左幼稚園讀 K2 之後再生都未遲。大家只係唔想你衝動而生，傷夫妻感情又教子大壓力。個細係因為你而生，如果到時候有乜唔順利，你老公就好容易會將壓力、責怪推俾你。
1個讚
你親戚為左領養嘅小朋友都咁緊張，完全係視如己出，我好佩服
我都佩服，可能因為佢試左十年以上，好恨有小朋友，所以都當個小朋友如珠如寶。
華人社會好難唔緊張成績。畀著係啲校內老師同補習老師，唔係自己仔女，都一樣緊張。
1個讚
生兩個、洗錢最勁係上小學開始呢
返學補習學野、唔講錢、又要諗接送問題呢？除非佢兩個學嘅野一樣。淨係接送、有工人都可以令你一頭煙…
我有朋友第一個好湊、生左第二個、點知第二個勁難湊、晚晚兩個鐘醒一次、又成日喊、佢頭三個月顧住個細、覺得自己忽略咗個大好內疚、搞到抑鬱。
仲有、大少少、有計劃安排小朋友出國嗎？一個同兩個學費已差好遠
同埋有兩個小朋友仲要咁細
請工人難道比一個細嘅大好多