因為你有兩個物業收租（雖然係比4大當家用），自己又有自住物業，所以我覺得30萬cash flow完全無問題，唔係少
我覺得你應該未體會到小朋友返學後會洗幾多錢，不如上網了解下，同時要plan定小朋友係一路讀免費幼稚園定係私校（講真兩者真係好遠），你依家呢個財政生一個小朋友仲可以選擇下讀私幼/免費幼稚園，生兩個就基本上無得選擇
其實講到尾，就係睇下你點幫小朋友選擇以後條路
私幼vs免費幼稚園出黎嘅程度係差好遠好遠，呢個程度已經係去到小學好難追
如果唔讀PN只讀幼稚園，程度就差3年，計埋PN就4年
小朋友頭個4年，為以後學習其實打咗好多底，因為6歲前係學習語言黃金時間
我讚成你講，真係好睇想比D乜個小朋友 & 6歲前係學習語言黃金時間。但係我唔讚同你講私幼同免費既程度差好遠。
其實我覺得好多私幼都係不斷谷，不斷教快D，沒家長配合，出黎一樣唔係特別好。況且好多入得私幼既家長會多補習多學野，所以你讀免費都可以谷，不過唯一比唔到係英文語境，所以免費幼稚園學生學英文係會慢D。
而且一味咁谷係咪好，就見仁見智，但我讚成6歲前可以比多D資源學語言，但唔一定要入私幼，佢係ftm又會有多D時間自己培養小朋友。
而且比較好的私幼都難入呀，入左好似York，英藝嗰D，咁就真係寧願入免費，自己再外補英普。
除非佢係要小朋友一定要私幼or國際學校等，如果唔係的話，我覺得絕對有能力養第二個呀。
咁第二胎生完戶口得返20萬 因爲坐月+陪月又係一條數
我以兩者都無私補去做比較
私補得，家長又係財力+腦力+忍受力缺一不可
入到好私幼/免費幼稚園，又點會有人想小朋友入呢兩間呢
我覺得入得呢類私幼，可能真係其他幼稚園無offer
我地諗住讀普通免費幼稚園架咋
其實我唔係好重視佢學術成績，淨係想佢開開心心，我諗住遲啲比佢學嘢，都係學運動類/佢鐘意嘅。
咁呢一年都會再儲嘅
講真，香港直資，私小競爭咁大，齋讀私幼，沒額外私補其他林林總總的根本都唔會爭得入，除非小朋友先資聰慧過人。
所以家長真係要諗清楚想點行，要加入戰局的，齋讀私幼遠遠不足，純粹想培養佢語言的，我覺得好多私幼都太谷，剝削左小朋友既學習興趣，佢地的唯一優點係提供到語境，咁家長可以諗辨法點樣彌補。
如果你地大把身家就得，否則小朋友一定要面對升學呢個問題
你一日係香港，無可能係香港免費教育制度下令小朋友開心地學習
我覺得我同你想得太多
樓主話想只想小朋友係免費幼稚園+小學+中學開開心心
我唔係私幼果邊路線都係普通學校較適合
我地學歷唔高，身邊都冇人讀私校，所以冇諗過
咁我覺得你真係可以認真坐低同老公傾下，心中想要幾多個小朋友。如果真係想要2個的話，就唔好諗太多啦，去馬吧，過多幾年有錢先再生，你又未必有心有力，相隔太遠又玩得沒咁埋。
係啊，係咪我太天真
依家冇呢啲家長
小朋友係獨立嘅個體
人地小朋友讀乜，同你小朋友讀乜完全無關係喎
唔係好重視佢學術成績《呢樣野，我可以好肯定咁講，10 個家長，9 個家長到呈分嗰一刻，平日幾話唔重視，都加操。考小學嗰一刻，你都不得不面對。除非你考到龍校唔愁升中，否則冇可能唔重視學術成績。你呢一刻唔諗，只係因為佢未讀幼稚園，未需要考小學，一到考小學，你啲壓力就出曬黎。 我親戚領養小朋友之前，經常話點解我阿媽谷到我星期六日都要溫書，結果個小朋友呈分，補習仲多過我當年！
如果你到 K2 要準備考小學嗰一刻都唔覺得辛苦/自行夠曬分入心儀學校，咁到時候生多個都未遲，除非你依家已經接近 40 唔等得。相隔兩個小朋友建議避開考小+呈分呢個組合，你會壓力爆燈。
如果你小朋友 9 年後，唔讀直屬、龍校，呈分完全覺得輕鬆，完全唔諗學業嘅話，我畀個大 like 你。
你係同現實脫軌
唔係叫你死谷爛谷小朋友，但香港免費教育就係死谷爛谷小朋友，要小朋友開心學習，一定係讀私校同IS（如果不外補）
免費教育下嘅學校，先至係超多功課
係呀，我就係知仲要配合好多野
不過就算我地唔生多個，都讀唔到呢啲學校架
始終要多好多錢，同環境配合，如果返學佢全英文，返到黎我都唔識講
而家呢個世代生一個小朋友要考慮好多野
我當你有足夠金錢去供養
一開始去私家定公立生
讀邊間幼稚園小學中學都要做足功課計劃過
唔係樓主諗到咁簡單
同意。
除非一開始考到龍校，否則唔可能諗學術呢一關。但入龍校都要學術過關。
官津唔一定多功課，但呢個世界冇不勞而獲，冇免費午餐，你要升中好，就冇得唔讀書。想唔愁升中又唔理學術，一係就放棄 Band 1、2 中學，一係就讀 IS，一係就報漢鼎、弘立、復臨、方方樂趣、弘信、青衣地利亞。