亞仔依家就來2歲，好想多一個小朋友一齊成長，男女我都冇所謂，但老公覺得要照顧多過好辛苦，要重新黎過。
我地有自住地方，有兩個單位收租，不過依家係比兩邊屋企當家用，每月儲唔係好多錢，約6k。
老公就覺得依家咁最舒服開心，但係我成日見仔仔自己同公仔玩，出街又撩其他小朋友玩，我地又唔多同佢差唔多大嘅親戚朋友，一係就大好多。點先可以說服到佢
有冇sis都係咁？
佢覺得我宜家呢個時候仲諗生仔係痴線
，但大家都明女人越老就越難生，我唔想兩個年紀差太遠
你生多一個連錢都無得儲喎，加上老公又唔想
我贊成你老公，一個夠曬數
你地4大長老就係無最好退休計畫所以要你同老公供養，如果唔想你小朋友第日都係咁，勸你生一個算啦
唔使供養你地，你嘅小朋友以後先有機會生多d小朋友
1個讚
如果有朋友剛剛生左BB，可以帶佢玩下個BB，係佢旁邊說佢話：
BB真係好可愛
都唔係好難湊啫
阿仔大左可以幫手。
兩公婆，最好唔好硬性手段，軟性笑笑咁講下就好，希望佢肯軟化
如果我係你仔仔，我會唔想要，大個左單位留曬俾我，唔想多一個人分
1個讚
個人意見，對大嗰個有d唔公平
照顧小朋友最主要係大人嘅責任
小朋友預佢地玩得埋已經好好
6個讚
有三個物業都係儲得6k，生多個唔止駛呢個數wo?
佢都話如果有左佢係開心嘅，佢都鐘意，但佢唔會比呢個意外發生，佢太理性
生一個算，你家庭環境算係咁，香港有咩事仲可以有足夠資金幫個仔做啲打算，但兩個真係唔同計法。其實佢哋再大啲，最親近嘅應該會係自己同學或朋友，好少仲會痴住兄弟姊妹玩
係嘅，我都係自己湊，咁細個自己照顧到自己都好好了
1個讚
真係會用多好多嗎？我生大呢個感覺唔係洗左好多錢，買得最多係衫同玩具，都係我自己想買，唔係咩必需品。
理性係好事
你老公係理性，打點好曬先生多個，呢個係有責任心嘅表現呀
好過生咗先算
你地點為退休做準備？
儲都幾多得幾多，主要都係嗰兩個單位收租
幫手，並唔係父母放棄照顧小朋友既責任，只是哥哥多一份對弟妹的愛，係額外的，哥哥從中得益其實不少。
而且我經驗，生兩個，我呢個headcount完全可以release出來，因為佢地兩個玩，我就唔需要倍玩，佢地buddy玩既傾既，同爸爸媽媽既倍玩，chemistry可以好唔同，當然當中一定有吵鬧，但就是學習、成長的一種過程，其實佢地自己都會有得益。
當然生一個有生一個既好，每種選擇都有佢益處，不是絕對好或絕對不好。
3個讚
依家要供養4大長老，老實講你地真係無資源生多個
兩個小朋友讀書皮費根本無可能6K咁少，淨係校車都4-5千啦
係你家庭2個ok
但樓主家庭我覺得根本無資源生多個，都已經唔係教養問題
每個月儲6K… 點養多個小朋友？ 難聽d講，兩個小朋友一齊病睇醫生都無咗1K啦
原來校車要咁貴…不過我係自己接送嘅
咁仲有冇d嘢係好貴，等我再諗清楚
始終我小朋友未返學我真係唔清楚
贊同！樓主老公咁樣先好。
我小朋友之前有個同學，有一個妹妹，佢媽媽想生最少五個，但老公反對。後來上小學，佢又生，佢老公話供兩個讀私校已每個月冇錢剩，要問屋企借。點知佢哋最後生咗四個，啲小朋友讀讀下又要轉返津校，間屋600尺，住兩大四小仲有兩個工人，有一個工人要去第二度訓。
個媽媽話而家煩到爆炸。
你自己接送都要車錢
兩個小朋友返學後又要比車錢
返小學就全日制，學校要訂飯盒，6000… 真係無可能夠