我老婆由有左一開始已經好緊張，
小小野都發脾氣，有時對佢好地地
佢都會串下你，潤下你咁，我好多時都忍
但今朝本來好地地，佢冇啦啦搵佢阿媽撻我
跟住我突然火起
話佢：大肚婆唔係大曬，有時都要尊重下人！
之後我控制唔到，一直話佢，點解咁鍾意落我面
特別係佢屋企人面前，但佢冇聲出，係度喊。
跟住車佢返工，我都話左佢一陣。
返到公司之後，佢都whatsapp我，話sorry
會改下，尊重下我。
但而家我冷靜返，覺得過唔到自己個關，點解會發咁大脾氣，加上佢又大肚，
越諗越原諒唔到自己，覺得對唔住佢同bb
又會驚之後又會咁，又發左佢脾氣，
會影響到佢同bb
同姖講番啦，如果開唔到口咪 share 依個 post 俾姖睇
大肚婆唔喊得架 媽媽傷心時bb第一個feel到
Bb會同媽媽一齊喊
4個讚
其實佢以前一直都係咁發脾氣
有試過同佢講返
佢都話會改下
但到真係發生, 佢都係會咁
加上佢而家大肚,可能仲大火
其實我好想忍, 但去到某個位真係忍唔住
係, 我好內疚, 覺得好對唔住佢地
好驚有咩影響
如果你忍唔到，試下自己行開一陣。等姖由開片 mode 平靜返
1個讚
互相尊重響段婚姻入面好重要，有事攞出黎講好過屈響個心變心病。
成世人溜溜長，兩公婆互相發下脾氣總會有，最緊要之後大家知錯改過。你老婆都同你sorry左，即係佢都知自己果下有唔岩，所以今次發脾氣都唔係你錯晒，你又唔洗咁自責喎。你都同佢sorry返 (順便讚佢有自省能力)咪和好如初囉。
講真成件事我又唔覺因為大肚所以個爸爸就一定錯晒就乜都要忍讓，有BB唔代表可以亂發脾氣(生果時除外XDDD)，都要講道理啫，媽媽成日發脾氣BB都會好燘架XDD
7個讚
咁的確大肚唔係大晒, 兩公婆更需要互相尊重.
我覺得唔關大唔大肚, 影唔影響BB…
有BB 大住個肚係辛苦, 理應得到更多呵護及體諒, 但唔代表可能打橫行.
如果你自問一直都好忍讓, 只係一時失控, 咁佢都講左SORRY, 你咪又講返SORRY 話一時火起囉~
兩公婆, 邊到有得計. 最緊要大家都有下台階
申利, 我係女人
5個讚
ok, 我會試下, 起碼減少發脾氣風險
係, 我都同佢講返SORRY, 亦都同佢講自己咁樣好內疚,
佢叫我唔好諗咁多, 冇事的
雖然鬧得好金，不過有時有d嘢係要講出嚟，我自己都大過肚，大肚係會好易精神緊張，但係好易會愈發愈變咗習慣，成日咁緊張同埋發脾氣，對BB都唔係好嘢嚟，試下同佢講佢咁發脾氣同緊張BB會Feel到，唔好以為胎教係無用，我個時好盡力保持心境開朗，仲要返工更加成日易爆炸，咁BB出世真係開心果嚟，大家都好湊D，不過收工返去攬返佢，買件佢鍾意食嘅嘢平心靜氣講返，每次佢發脾氣個時你都再提返佢對BB唔好㗎咁樣，加油爸爸，做爸爸都好大壓力㗎
係, 我都講返SORRY
希望之後都冇野到順利生,
係，其實而家係好驚影響到bb,
想佢健健康康
我都諗緊放工氹返佢，等佢心情好d,開心d
所以爸爸提供一個安心開心嘅環境，但係媽媽都要努力，解釋比佢聽為BB好情緒控制都要下苦功，做父母大家一齊成長
感覺你地都係太緊張BB, 所以令到你地好大壓力.
記住太緊張都會對BB唔好, 更何況鬧交.
但你地都互相sorry左, 證明大家都冇事啦…
你之後盡量陪老婆產檢啦…大家一齊迎接小生命.
買返件cake/糖水氹番佢
不過亦都同佢講唔好再喺屋企人面前落你面
你就唔應該發脾氣啦！好在你老婆好人，仲會同你say sorry，俾著其他女人走左去喇！女人有bb已經好辛苦，比起你個d辛苦十萬倍呀！女人生細路係用自己條命去搏架，爸爸應該忍讓一下，改下脾氣。第時細路出世仲多野煩，你到時又日日發脾氣咩？小朋友一係會長期處於唔開心下成長，一係會學左你發脾氣。做爸爸就要成熟d，唔可以好似細路仔咁發脾氣，有時d說話可以心平氣和咁講出來。仲有，你應該珍惜你有個好老婆，你咁話佢佢都仲同你say sorry，真係好難得。
氹下好快冇事啦！
不過我覺得如果佢真係亂發脾氣，過咗你底線，你係要講，如果唔係佢下次又係咁，甚至更差，你終會有一次忍不住爆呀，咁樣更加唔好！
你要係大家冷靜咗之後，重申再同佢一次你係接受唔到D乜，但記住都要一邊 reassure 佢你係好愛佢呀，知佢辛苦呀等等，但希望下次佢唔好點，因為你都有feeling㗎等等。
2個讚
互相尊重好重要ge，唔可以長期一邊食曬
講出來都好過收埋收埋
但都要安撫返佢情緒啊
1個讚
咁事實大肚唔係大曬！有時候你嘅忍讓會比對方得串進呎！既然老婆都say sorry，好好傾番你點解會咁樣發脾氣！
1個讚