諗住放工買日本士多啤梨比佢, 佢好鍾意食
再同佢傾下, 大家都要改善下
2個讚
內疚都無咩用，而家一人一步，返屋企傾下大家心事，以後互相尊重，你做老公又大方少少就算啦，懷孕初期係幾辛苦嘅，生理同心理上都係。
吾駛咁擔心你地會互say sorry大家係着緊對方,大肚係好多轉變,情緒真係高高低低,有咩事吸啖大氣冷靜下,我個時有產前抑鬱,比老公話完大住肚衝左出左係咁跑,嚇到佢死死下,個時我都吾知點解好似痴左咁,後尾一齊坐低傾番彼此之後就小心處理情緒問題,我唸你氹佢好好,氹完佢都傾下大家既感受會有好大幫助
陀BB真的好辛苦，我剛剛生完，我要教訓下你，我覺得由陀到生是一萬年，你要忍耐一下，對佢好是應份的
1個讚
我明白上面好多媽媽的睇法
我都明大肚到生呢段時間係好辛苦, 好偉大
所以屋企未請到工人, 所有家務都係我做, 我都冇所謂
只係我希望有時唔好小小野就發脾氣, 或者係親人面前奚落我
我就日日都受氣, 好似個波咁, 受得多氣都會爆
Btw, 剛剛lunch己打左電話比佢, 大家傾左半個鐘, 都冇野了
我都會學識改善自己情緒, 盡量比到開心嘅氛圍比佢
2個讚
Agree大肚唔係大曬
互相尊重都係必須 唔關大唔大肚事
產前產後抑鬱唔係淨係女人有
男人都可以有
講出黎等佢知道當刻問題都好
不過盡量淨係講個下既問題 唔好帶埋其他野一次鬧啦
1個讚
大肚的確唔係大曬
單方面忍耐遲早爆煲
不過佢大住肚, 你太激烈刺激佢就唔好。
等一方冷靜落黎傾, 有溝通好過默不作聲。
1個讚
同意大肚唔係大曬…
你自己都有情緒架嘛 冇人係點比人發脾氣都忍得到嘅…
不過你地大家都肯say sorry 傾返 真係好抵讚
以後bb出左世仲有無限嘅嗌交位
真係要諗諗點樣令大家冷靜d~
1個讚
ok啦，同佢講返咪得囉，大家都有唔啱
欣賞你會自我檢討
同意大肚唔係大曬
係，大肚係有好多樣唔舒服唔方便，少少發下脾氣當情趣ok的，但唔好當應份
你太太做得好好呢，知道自己發完脾氣，都識得sorry返你，既然大家都有下台階，今晚返去大家互相氹返就無事啦，最緊要識互相尊重
1個讚
翻去攬住佢 同佢講你都係激動左 下次會注意翻 咁就sweet晒
大肚婆情緒唔可以太波動架,
我本身3月果陣有左6週就係咁樣流產左,
同老公鬧完交一星期就出事,
去醫生到CHECK真係一個星期前開始胎生長慢左
SIZE比照時細一週照唔到心跳就自然流產左
我老公知道就都喪喊,
到事後我老公同我講返, 原來我當時既情緒好差(係我自己唔覺)
我淨係感覺當時自己咩都做唔到, 洗衫掠衫呢D家務又唔敢做,
夜晚又訓唔到, 精神好差
所以兩公婆盡量互相體諒下, 做男人既係要蝕底D架喇, 收工買D野氹下老婆啦,
包你家宅安康 
(女人好易氹)
但事後可以拎返出黎檢討下, 下次就盡量唔會再發生啦
BB真係會感受到媽咪嘅情緒咖
有朋友之前就係成日都同老公嘈交
結果情緒太激動 就小產咗 真係大家都好後悔～
所以作為老公可以嘅話 真係盡量忍讓啦～
大家都有情緒爆煲嘅時侯 不如試下其他嘅解決方法啊 例如真係行開下俾自己冷靜下啊
嘈都解決唔到問題嘅～
不過覺得你好好啊 會自己諗反件事 你老婆都一定會開心有個咁好嘅老公～
大肚婆係會情緒化，男人確係要忍下。我都覺得你可以試下落街行吓，你一出去佢已經會喊知道唔岩，咁你又順便買d野回家tum佢，又開心返
大肚婆同生完後三年，都會受荷爾蒙影響，好容易就會發脾氣
千其唔好道歉呀！
唔好提起！！
佢道左歉就當close file la!
你又再道歉佢下次咪又變本加厲
唔鬧都鬧左 胎氣唔動都動左
好過你一直死忍
你同佢各自知自己錯
各自提自己下次唔好再脾氣差 咪算
利申：女人 有時會食住個勢上
男人唔鬧下我 我會變本加厲
如果佢真係觸及底線都有必要俾個warning 佢，如果你驚有下次嘅，不如下次就直接講，“我唔想好似上次咁鬧你，我地冷靜一日再講”。
我尋日睇到，話孕婦喊得多，bb 喺肚中血含氧量會跌，會對氣管有影響，我無深究係咪真
大肚唔係大晒 都要互相尊重 不過你話完佢都知錯就ok啦 氹返佢大家關係又更升一步
1個讚