我有朋友攞綜援，照生
她已經俾哂最好的個仔
但係個仔都開口埋口叫她「綜援婆」
4個讚
BK名人無話可說講過, 佢個仔讀書一般, 預左佢讀唔上, 求期搵份工就夠。
公平兼殘忍D講, 呢個社會總會有人做基層工作,
但都未開波(DSE都未考), 就已預左讀唔上, 完全無上進心, 點脫貧?
當然, 無話可說即使係基層, 不過點都唔算好窮嗰類, 但呢種思維模式其實好令人滴汗,
正常父母望都望一代比一代好, 點會想仔女行返自己舊路
幾皮話窮係謙虛，當然錢無人嫌多，幾萬唔夠洗都正常
但依家大家應該講緊真窮
1個讚
我覺得教子女人窮志不窮好重要
我有啲媽媽朋友個仔4，5歲嗰時就幫佢報10項補習班+興趣班
話佢個仔想學先幫佢報喎
話驚佢唔比佢學，個仔條路唔好行嗰時會埋怨父母點解無資源比佢地學
其實我唔同意咁樣富養法，小朋友一個星期10堂嘢真係會有興趣?
咁細個學咁多嘢就真係代表日後會有康莊大道咩？
而家好多嘢k1至小學啲嘢越學越深，個個覺得贏在起跑線，但其實大學讀啲嘢越嚟越簡單
我記得我10幾年前讀u嗰時，啲professor話佢大學年代上堂無note, 學生自己搵料，到咗而家，個個餵埋比佢食咁
我覺得好諷刺
我會喺自己有嘅資源盡力協助佢地，但條路點行，無論窮或富，都要自己行
2個讚
所以我話如果3餐都搞唔掂，又要出去搵錢無時間教小朋友就真係唔好生，辛苦自己辛苦小朋友
佢地未上樓前應該真係窮，旅行都無去過咁滯，上樓後有閒錢可以坐廉航去旅行，其實算脫貧
但你講得啱，今時今時如果父母覺得讀唔到書就出黎做嘢就真係好不求上進，好多人當時都係因為呢個原因去咗做咗警察
呢個係唔識分配資源
其實同暴發戶一樣，唔識有智慧地洗錢
洗錢其實都係一門大學問
2個讚
生唔緊要，富定窮盡量比個細路過得開心，有幾多愛比幾多愛佢。
但如果只為左有人養/ 有仔送終真係唔應該生
5個讚
有啲父母比咗錢仔女學好多好多嘢，但成效不大嘅話
父母會擔憂自己比嘅嘢係咪唔夠
仔女又會怨父母唔夠資源比佢地
無諗過仔女自己資質，同埋比嘅嘢啱唔啱嘅問題
父母窮，但識教，仔女又上進識諗嘅我認為無問題
父母有錢，但唔識教，仔女又唔上進嘅，就根本無用
係， 我覺得對一個小朋友最基本都要有一張床，一個食飯枱先好生小朋友呀佢都要活動嫁
住劏房，一拉成個電飯煲冧落黎，真心接受唔到 
1個讚
呢句真
1個讚
所以做人父母真係要考牌
我有見到有家長對小朋友勁去興趣班，其實係當托兒
1個讚
我覺得好多咁細個去興趣班係為咗滿足父母啫
有個媽媽朋友個仔，成日讚佢3歲幾4歲開始就不停就拎田徑比賽冠軍
其實真心問，咁又點? 跑快啲可以讀神科咩
1個讚
拎cert考神校，都係一個策略
我以前有同學係咁，小學就諗讀到中三就算… 佢阿媽就係鄉下16歲就生佢…我同事應該真係中三就冇讀，之後唔知點
可憐人必有可恨處,
以前窮人反而會搏命供仔女讀書改變命運,
而家資訊發達左, 政府/NGO資源又多左, 反而仲係有咁多人安於現狀,
跨代貧窮某程度自己有責任
1個讚
係呀，點去洗錢好重要
有錢洗，都要精明地去洗，錢用黎洗，唔係用黎浪費，要用得其所
通常呢類家庭，d家庭都唔會覺得自己有問題
只會「哭窮」
識唔識教又另外一個issue, 窮都唔一定會識教同學識珍惜
1個讚
我都記得, 所以佢當年好似去沖繩定泰國, 事前準備都講左大半年,
又難怪佢地想當差, 中學畢業人工已等同甚至多過大學生, 付出與收獲不成正比, 真係幾爽