男人一係好早就想要小朋友
一係就好似城城(正面例子)或者d娶大陸婆嘅阿叔(反面例子)咁，45打後先會想要
我有朋友一畢業就結婚，佢老公一路話二人世界，佢堅持好小女人咁俾老公話晒事，後尾離左婚，依家開始擔心做高齡產婦
本身我都係
生細路經濟負責真係好大。。冇錢其實生完好頭痛
考慮清楚係好事，你同男朋友結婚前有討論都好
生三個有好多嘢要考慮。好似樓上啲人講，除非你諗住咩都用政府，否則駛費真係好甘。
現實啲咁諗，所有嘢乘三，唔係咁易負擔。學費，國際學校一個月萬零兩萬，仲有學嘢呢？人哋買校服一千蚊，你要三千。簡單如買鞋，買$500一對唔過份呀，你乘三就變咗千五。買玩具，一買要買三份，閒閒地入一轉玩具斗斗城唔見一千。
唔講錢，logistic都會煩咗，去旅行，唔可以一間房，租車要租七人車，如果冇外援一齊去，你想一對一睇實啲細路都唔得。
仲有好多好多倒子，如果你老公唔係咁想生，真係玩死你自己架ja.
1個讚
如果白手興家生3個，自己有學識都會有點要求，好難接受天生天養過屋邨式生活，就算我無學識都明白，人望高處水向低流。
生仔好痛，人口多屋細會住得好燥，香港地要住得舒適不是容易，住好校網區更加，生一個或三個由邊個湊又是一個問題，如你做ftm經濟壓力由一個揹飛，你估個個是陳豪，成長過程憂心生病、性格是否合群、誤交損友行差踏錯等等。
好多事可衝動，生仔三思要好好盤算，無回頭路可走。
我同我老公都係咁
不過我係你先生既角度，我老公係你既角度
結婚前真係最好了解對方對於生仔嘅睇法，
如果呢一part得唔到共識，婚後會好多問題
男友同老公係兩回事，有啲人只適合做男友做唔到老公
婚後一條船，大家理念目標唔一致（唔只生仔）捱到最後可能都係要跳船
仲弊
生一個得唔得？
你一黎話生三個，可能真係嚇怕一個唔係太想要小朋友既人。
你見我舊post,我都等到阿仔七歲，作為獨仔的c6先開始開少少綠燈可以追多個！
呢d嘢一定一定要有共識
1個讚
首先要同男友有共識，你地一個唔想有，一個想要三個，差異好大。
唔好諗窮有窮養，我覺得呢個真係窮生孩子自我安慰既說話。我細個屋企好窮，又生得多，真係冇乜資源。我本來讀地區一線小學(到依家都仲係地區number 1)，老師話我有音樂同畫畫天份，叫我試下學樂器同畫畫，但屋企冇錢比我學，之後因為上左樓仲夾左我轉校去一間新校，乜支援都冇。因為間小學好新，升中時根本冇乜人派到去一線中學，最top果d學生都係上到二線中學。我已經係band 1學生(果時分5個band)，但因為考慮到車錢兼要照顧屋企(父母都要返工)，結果都係揀返屋企附近既垃圾中學，雖然到最後都上到大學，但我學習路途真係好崎嶇…話雖冇得咁就怪父母，但貧窮經歷好影響我生小朋友既決定，如果預左冇錢支援佢，真係唔好生，或者唔好生咁多。
窮仲要生得多，令到一直到中學為止，好多學校課外活動我都冇得參與。好似家政學會成日要科水買食材，我想報都冇報，報左中文學會，因為唔洗錢。同學去海洋公園，我搵藉口唔去，其實都幾影響社交。所以一上到中六我就即刻搵兼職賺零用錢，根本冇乜時間同同學出去。
但窮都有好處，我大學g/l係全批，即刻減輕負擔。收到錢仲要支援黎緊考大學既細佬補習，所以我又要繼續做兼職。
窮人可唔可以成材？當然得，但恐怕都係少數同靠彩數。我好彩家中兄弟姐妹都大學畢業，依家叫個個都搵到餐食，又有專業人士。但好老實講，細個窮大，對我個人社交同性格發展有好大影響。我依家算係小康之家，但細個養成既自卑感到依家都仲存在。
依家應該好少好似我以前咁窮既情況，但呢個世代環境普遍有改善，窮養定義都提高左，我以前冇錢學課外活動冇錢參加同學聚會冇錢補習叫好窮，可能依家參加得一個課外活動、冇得去旅行已經叫窮。如果係打算要小朋友，請你努力為家庭環境做好準備，對小朋友真係可以影響一生。
12個讚
非常同意Happiese，唔夠資源，最受影響係小朋友。呀女個同學有2個妹，但佢唔想咁，話好想比個妹人地。
1個讚
我同我男朋友一樣都係咁 
我係極唔鐘意小朋友唔會生
但我男朋友就覺得生左先算啦…
咁佢有好多朋友都係生左小朋友
但真係全部窮養…有D係自己搵到錢, 但唔會放錢俾小朋友教育上…
例如想入間好學校, 都要去上興趣班掛?
但佢地係連入間好學校都冇呢個打算…求其讀屋企樓下屋村學校就算 
但我男朋友竟然覺得冇問題
唔知你地經濟能力如何，家庭背景又係點…而家咁既環境你話要生3個，真係有啲嚇人
另一角度諗，你男友係一個負責任既人，想像下而家既環境…結婚，買唔買樓？如果租/買樓之後是但一個突然無左份工，可以頂到幾耐？兩邊家用再加自己屋企開支又點分配？
以上既我只係講你地兩個人既生活
生一個…知唔知由產檢到生要幾錢？比邊個湊？如果比屋企人湊要計埋你地兩公婆既心理質素…姐姐/姨姨唔岩可以換，屋企人湊就唔係咁，你承受到嘛？跟著小朋友讀邊啲學校…學乜野…玩乜運動…駛唔駛補習…小朋友越大，要既開支越多
可能你覺得我好誇張，但現實環境確實係咁…
同你男友拎個共識，儲多啲錢，生一個得唔得？我朋友一個女，私校，一個月一萬鬆啲係基本（學費、校車、音樂、補習、游水），仲未計學校有機會既交流團，屋企又會去下旅行咁…
窮有窮養…除非你住公屋拎綜援，否則邊有窮養？
2個讚
我老公都類似係咁，話佢自己都係咁大乜乜乜
好彩佢而家見到香港咁都無再堅持生
1個讚
其實你男朋友講得岩…
當然父母既教導同愛心好重要，但香港地冇錢養細路係害左佢
你諗下冇錢俾佢讀國際學校 or去外國留學，姐係要讀公立要考dse，你睇下呢幾日新聞，郁啲就話要取消考題
係香港做窮學生真係好辛苦，你仲要話生三個…
1個讚
生小朋友好多考量，資源用響適當地方就好，讀唔讀名校我都覺得問題不大。因為眼見啲根本自己都唔係咩高學歷但夾硬要個細路讀名校，谷到佢地有情緒病，攪到尾又留班又無自信都係要轉讀返普通學校，咁咪仲衰。有啲普通學校出身既小朋友仲叻過所謂名校生又有，小朋友本身叻就叻架啦，有需要同天份時咪俾多啲資源繼續發展囉。每個人都有唔同價值觀念，你覺得啱唔代表適合人地，可能人地比較注重小朋友快樂成長多啲呢。
只要唔好似啲港豬港女乜都只講錢、唔讀名校國際學校屋企唔有錢就讀唔到書咁好多外國讀書/國際學校出身一事無成既大有人在架
樓主如果一定要有下一代，一定係分手揀一個喜歡小朋友嘅，有共同目標。否則結婚對象一定係現時男朋友嘅話，建議唔好諗噤多，就算佢肯唔戴套，唔代表佢想要。
我認識嘅人入面暫時有2pair因為女性朋友想要，小朋友出世後老公從來冇自動自覺幫手湊，亦好唔願意放時間喺小朋友身上。幾年後女人身心俱疲，男人話「要小朋友係因為你想要我配合你咋」，結果離婚收場。當然離婚唔會只係小朋友問題，不過好多時係小朋友出世後引申嘅問題～錢，一講錢就一定傷感情⋯⋯
改變人哋諗法好難，唯有改變自己諗法。
我老公識我前離過一次婚，有過無數個女朋友。
佢話佢之前從來無諗過要小朋友都唔鐘意。但係識我個時佢踏入四十，可能時間到啦，所以佢都改變左諗法想有下一代，我地好快就bingo。我諗時間係最大嘅因素，男人真正成熟覺得可以為一個bb負責任既年紀比女人真係遲好多。
其實街見好多生3個或以上既都係大陸人/南亞人士 
香港人真係一個起兩個止
我都好中意好中意小朋友, 但覺得生一個真係夠哂數
TO樓主:
依家社會咁, 生小朋友真係要諗清諗楚
如果你男朋友唔中意小朋友唔想生, 到時你生左只會辛苦你自己
的確係會有男士見到BB後會變得喜歡小朋友, 但呢啲情況少之有少…
如果你男友堅持唔要而你又好想要, 就要再諗真一下接下來要點
因為我怕你地如果婚前同意左都係唔要小朋友, 過幾年後你又想要, 會後悔
香港無得窮養，因為空間係基本需要，亦好貴。除非有綜緩公屋。
不如移左民先，離開左香港大概可以窮養。當然窮亦好難移民…
咁樣真係要好好考慮下洗唔洗分開！
好多人話生左之後老公乜都唔理，最後仲加句「係你自己話要生之嘛」
真係好hurt！但係如果大家諗法唔一樣，可能就係咁既結果！
唔生，你會後悔！生，佢可能會怪你一世！
所以老夫少妻其實有呢個好處
我同我未婚夫同年, 都佢想生我都生唔出了
不過而家咁既環境 我都傾向唔生既