OHH…其實我真係無諗過
ummmm
你講得啱
雖然我好多野覺得唔重要
但佢可能覺得重要，所以俾自己好多壓力
佢一個好好好既優點係非常負責任
我要起佢角度諗多d先得
1個讚
我都明白香港人唔生，就會被滅絕。
但係我又覺得，唔可以因為怕絕後，就要佢承擔一個比較壞嘅時代…
雖然有啲人會話，如果佢唔出世，就揀都冇得揀，但我始終覺得我帶得佢嚟呢個世界，我都要對佢有一個交代。就好似我父母當年生我係因為對香港未來有憧憬，諗住所有野都會一直好好。而我當然都唔會有怨言，仲多謝佢地帶我嚟添!!
但如果香港咁，我唔留多條後路俾個小朋友，會覺得啲對佢唔住。佢將來可以選擇守護呢度/離開，但只少有得揀。
不過都係我個人諗法咋～我以前拍拖都係話要生三個，老公都係咁講，不過依加就…我都唔知，有排都未到高齡…再儲下錢計下數先…
4個讚
香港地好多男仔都冇乜責任心
一個肯對家庭負責任嘅男仔應該會係一個好老公+好爸爸
（不過未必係一個好情人
）
1個讚
我諗你生完一個先講啦
如果你男友肯生一個，話唔定你自己怕怕。香港地，真係冇窮有窮養（上一代成日咁諗），除非你唔介意自己小朋友好似大陸人乜都跟政府平養同學係腥港人。而家呢代同我地唔同，加上最近社會問題，唔生好正常，如果唔係早幾年生左，我諗我未必想生。
4個讚
如果你男友係有能力搵錢既人，你覺得佢會俾自己小朋友過你口中既"窮有窮養"既生活?
我唔係好識講說話，但覺得你要考慮多d去面對返現實環境，你一黎就話生3個，如果經濟support唔到咪即係拖佢後腳? 我冇惡意，希望有人明我意思。
4個讚
我都係好想生小朋友同鍾意小朋友的人，但我諗嘢同你男友一樣。「窮人生仔正xx」你冇聽過？依家的香港已經冇「窮有窮養」呢支歌仔唱，呢個想法都唔係太負責任。錢當然唔係萬能，但貧賤夫妻百事哀，小朋友就活受罪。你諗吓點解有錢人的仔女通常讀名校而唔會出現響band3學校？唔通真係同錢一啲關係都冇？
7個讚
“但我唔覺得有錢就可以解決問題”
係HK生小朋友, 有錢唔可以解決到問題, 但冇錢就會有更多問題lor 
4個讚
如果係外國都可能得
但係hk真係唔得…除非你想你下一代做低下階層…
香港地窮人向上流既機會太少
3個讚
衰d講句, 如果2公婆收入唔多, 真係生一個都嫌多呀
3個讚
其實你你男朋友比你成熟，諗野諗得全面。
生小朋友容易，養大佢俾到佢有好條件同環境成長係完全唔容易。
樓主可能你諗得太少，感覺你係樂天單純，好簡單嘅女仔。
你男朋友係一個有負責，會去認真衡量分析嘅男人
5個讚
唔太清楚你地環境
但覺得可以plan住生一個先
同時儲定教育基金準備定送個小朋友出國讀書
鍾意係一回事
俾唔俾到最好既你小朋友又係另一回事
覺得你男朋友會係有責任感既好爸爸
唔知你地幾歲
但男人年紀大左總會想有下一代既
Plan下先囉
這是最大問題。
你看郭富城，佢後生一定冇會想生，到年纪大了就唔同。是timing，但女人有時又真係好難等的！
有些人就是太有計畫，什麼都想控制到！
但可惜，生和養小孩就最不能常想着控制、計劃。
幾時出世、有幾聰明、性格如何，全不能控制。想做父母要有此心理準備。
我諗經過2019年
好多香港人都唔會想再帶生命來香港受苦
除非似你男友或樓上咁多位講
資源充足
有後路
因為你男友提到既國際學校同優越家庭環境，係黑暗既社會真係好重要，至少到小朋友懂事，了解到社會咁黑暗，佢都仲有條件揀抽離（俗啲講做港豬）/去第個地方發展。你兩個政見點都好，你唔會預測到小朋友到時點睇政治，而家好多香港人都感到痛苦呀…
佢唔理既，點都會受苦，生活無不是政治，班官就搞緊DSE啦。
唔一定要自己討厭世界，但都可以試幻想下當一個生命來臨，佢會有咩諗呢，分享篇新聞你睇丫：
其實生兒育女，某程度上都係個一廂情願既行為，因為小朋友冇得揀，咁當然父母努力既可帶好多快樂比佢地，但我都好明白點解好多人唔想生
加油呀好好溝通，我反而覺得唔係1個定3個問題，要傾好生同唔生果條line，做唔到某一方要求就1個都唔好生，唔係第時後悔呀，個生命一世架
5個讚
如果佢係呢類人同呢種諗法其實都好低機會會打算生小朋友，我覺得無論生小朋友定相處都好，唔好有一個佢大d會改變諗法，會因為自己而改變嘅諗法，一個人嘅觀念唔係一日而起，所以都唔會突然改變。有少數係遇到d好差嘅事件先改變諗法。唔知你地會唔會諗住結婚，唔傾好都真係唔好結婚住，因為真係太多人結咗婚之後一個生一個話唔生搞到好唔開心，一個會覺得我結婚前都講咗唔生，另一個就會諗身邊d朋友都生幾個，點解我仲未有bb。生bb係非常大嘅一件事，關係到3個人嘅人生，認真考慮係正確。
5個讚
唔好再諗咩平有平養
你帶一個生命黎呢個個世界
有責任比一個好嘅環境佢
香港咁樣仲要窮，你想佢第日點吖
5個讚
睇下星期日檔案最近既貧2代。或者你會明佢多啲。
我好少睇呢啲節目。果日岩岩睇到。
你男友是個謹慎的人。雖然佢唔明你心態。但養1個小朋友不是相像中咁簡單的。
1個讚
似乎你男友想法比你長遠.
現今生孩子已不是提供衣食住行和教育咁簡單. 社會環境是否適合孩子成長呢？ 別說經濟不好的家庭,連很多生活富裕的孩子也會埋怨父母為何要把他們生出來, 因覺得人生没意義.
2個讚
其實你男友講得好啱！
3個讚
我同你男朋友諗法差唔多。我有呢個諗法係見到太多現實例子， 因為父母窮， 興趣班都讀唔起/學唔長， 小朋友叻都被埋沒。嚴重嘅連興趣都冇， 因為培養興趣都要錢。
人哋細個嘅experience 係窮小朋友廿幾歲先感受到，話題少過人， 嗰種感覺都幾難受
最終都係想小朋友好， 只係無奈冇能力， 咪唔生囉
建議你諗吓想過點嘅生活？
例如： 想一年去3 次旅行，你負擔到3 個小朋友每年去3 次（或者最少一次） 旅行嗎？
想小朋友培養興趣，你負擔到3 個小朋友嘅興趣班嗎？
2個讚