我地兩個都有結婚打算的，今日同佢討論完關於生唔生小朋友。
本身佢係一個多慮既人，喜歡事情起佢掌控之下，凡事都有計劃
我就係比較無深思熟慮，做左先，船到橋頭自然直亦樂觀既人， 有咩問題只要盡力就得la~ 咁樣
一直都知道佢對小朋友不感興趣，無話特別想要小朋友，而我就非常希望有小朋友，最好三個。好想見到小時候既佢，好想有同佢的愛情結晶品
今日討論中佢講：「如果有BB，會覺得非常大既負擔，因為一個生命係好大既責任。 除非我有幾千萬身家，可以確保佢無事(應該係指讀到國際學校，衣食無憂之類)
如果唔係唔希望有。 無錢既話生佢岀黎捱苦做咩？ 一陣指責自己點解生佢岀黎點算？」
我聽到果一刻真係呆左同好唔開心。 我認同生BB 係好大責任，但我唔覺得有錢就可以解決問題，重要既係父母既教導同相處。 就算有錢都會有其他問題，唔需要咁擔心、諗咁多囉⋯(重點係佢平時唔！係！負面既人，都正面既， 佢無覺得社會/父母欠左佢既想法既)
結論都係無結論， 達不到共識
(不過我心中暗暗失落，我唔想格硬迫佢做爸爸)
係咪男人後生同成熟想法會唔同？ 有無人經歷過另一半思想變左，由拒絕變喜歡小朋友？
要睇你有幾愛佢
真係認定係佢都冇得介意架啦
兩個都認定咗咁就雙方都要讓下步
畀啲時間 日常生活係咁以講下有一個小朋友會點大家想像下
有時真係唔使咁絕對
話唔定你覺得一個小朋友都ok
又話唔定佢突然間會開始鍾意小朋友
但如果過咗一段時間你都覺得佢對小朋友冇興趣
咁你就要好好諗下
我有個朋友就係咁樣分歧分咗手
冇耐搵到個拍拖一年即刻結婚生返兩件
想知道你地邊個搵錢能力高一點?
達唔到共識真係唔好生。 辛苦既只有自己
我同我先生本身想生，但之後因為社會環境，我個人嘅諗法變咗同你男友好似。
的確唔係有錢就解決到所有問題，但係喺本身父母都一定會好好教同相處嘅情況下，我覺得有冇錢真係差好遠…我希望我可以提供小朋友一個及早多去外國生活嘅機會，如果要佢自己儲錢去外國，起碼都要佢廿幾歲先做到，到時唔知香港變成點，佢仲走唔走到。
即使佢大個唔怨我都好，我都唔想自己首先有虧欠佢嘅諗法。
兩個人相處就係不斷地磨合，希望你地坦誠溝通，最後會有一個大家都滿意嘅結論:)
我應該係偏向你男朋友嘅想法，我覺得咁先對朋友自負責任
生3個真係太多，我覺得你可以嘗試以一個小朋友為目標，不過講真，我覺得你對養一個小朋友認知太少，先會覺得生3個最好 我生之前打算生兩個up，依家… 一個夠曬數啦
但我身邊認知生3個嘅，淨係自住層樓都6千萬左右，有幾個工人有司機，3個小朋友n全部讀國際學校
環境差d嘅係雙職父母，老婆一個月6萬無走雞，老公就自顧比老婆搵得多d，住私樓
男友啫又未結婚，結左婚好多時候想法又唔同左架喇～不過你倆都極端左啲啲，男方：錢係要有充裕既至少住屋唔使愁，養家仲要有返啲流動資金但又未必要去到幾千萬掛
女方：香港地生三個要正常養都幾金架⋯⋯生少啲囉
都未結婚。
如果你一定要生三個，最好都係搵個真心樂意肯照顧你三母子既人。
唔係盞大家痛苦。
唔係應該結婚前傾清楚
(雖然就算目標唔啱都唔會分開)
上面既sis都講得啱！ 我講得太堅定要3個，其實我完完全全咁未湊過小朋友，唔覺得湊係辛苦事。
話唔定生左一個都灑手擰頭
只不過當時感覺係，唔明佢點解對有下一代咁負面，咁唔想要
哇， 果d係超有錢人!!! 香港地都係無財政壓力先可以生咁多⋯⋯
我覺得雙方對生下一代既共識好重要(可能係我想有小孩所以好重要
)
Just like 人地話夫婦Sex關係都要夾咁樣
明白！ 的確最近一年令好多好多 (我身邊20尾至30幾)既情侶都決定唔要下一代。
我有d大陸朋友(佢地係學歷較高，政治清醒既一群) 都係抱住單身主義，唔拍拖唔結婚唔生仔，唔想下一代繼續俾人收割⋯⋯
但有一位朋友係覺得，正宗香港人唔生 咁咪只淨返大陸人既後代？
男友
所以要聽佢意見多點嗎？
其實情況可以好極端
d大陸人係香港拎曬福利生3個都有
不過真係完全兩個世界嘅生活
如果你鐘意小朋友，一個都ok呀，我相信你男朋友應該可以慢慢接受生一個，你一開波就話生3個，比我都驚啦
哈哈 都係呀⋯⋯如果2邊中和下就啱啱好
唔係咁講
但你有無諗過，如果生3個小朋友，作為一個有承擔有要求嘅男人/爸爸，經濟壓力有幾大呢？
我覺得你男朋友嘅顧慮係負責任嘅表現呀
所以我話窮有窮養 (但講真，點窮都無得好似大6人咁食盡哂福利
) 而家社會對中收入的人很不友好lo!!
哈哈當我講生三個果時，咁啱身邊有family 經過：2個細路仔一邊大聲尖叫，一邊衝落電梯(!)甩sing馬嬲咁
我男友指住問：are you sure!!!
可以窮有窮養
但你真心覺得做窮人好開心？
仲要想一家都窮？講緊係一家5口喎
同埋做父母如果財政麻麻，小朋友大個係財政上要照顧自己屋企，又要照顧埋兩老，好辛苦㗎（呢d就叫做係家累）