大把後生，唔至失業，係大好前途賠上左，用幾年甚至十幾年時間，被判監
有D永遠只能停留在2019年𥚃…
佢哋犠牲既太多太多
佢哋為左乜，唔係為自己，係為香港
我一諗到佢哋，就好慚愧
4個讚
謝謝你的回覆。唱歌從來唔係搞事，黑警係不應入商場捉人，呢個係我一路都去和你sing嘅原因。
如果你睇返我之前所寫，我一直都係講，而家和你sing嘅aim變成引黑警入場，令店鋪拉閘，然後即走。我上星期六仲見到和你sing嘅人一見到黑警入場就好開心咁笑。抱歉，呢個真係唔係我參加和你sing嘅aim。又或者，只能說，道不同不相為謀吧，讓相同理念嘅人去延續和你sing好了。謝謝你
我相信香港大部份人，就算深黃都要好努力養家嘅 
如果經濟壓力令你覺得好抑壓，就抽離一下個社會先，乜都唔理一排，到你ready 先再加入啦
我經濟完全冇問題的，老公收入亦完全冇受影響，我唔使返工，樓亦一早供完。兩邊父母都比我和老公有錢，所以不用供養他們，所以我是屬於沒壓力的。謝謝你的關心和意見。
我之前講的，有經濟困難的，都是身邊的淺黃，曾一起去參加和理非活動嘅朋友。我今晚講咁多，唔係覺得唱歌有錯，唔係覺得唱歌令經濟差，唔係覺得正苦冇問題，唔係覺得黑警可以去捉人，唔係覺得搵食一定比自由民主公義重要⋯⋯ 只是見到其他人，有感而發，或者咁講，想話俾好多仲係好熱血嘅人知，其實有呢D人存在，世界和政治都很難以二元去劃分，我純粹想大家去了解一下，思考一下，睇吓有冇嘢要adjust。因為有好多人已慢慢流失中⋯⋯
不過觀乎回覆，近一面倒的批評，歪曲我的說話和原意，或者在抗爭的路上，要思考的只得我一個吧。我諗過埋今晚，我都唔再回應了
你竟然覺得去唱歌嘅目的係引啲差佬入商場？！？！
黃絲去商場唱歌玩狗, 店鋪搞到關門, 好多人飯碗不保，今日年青人是否太急進, 行得太前, 非也!
香港人已經太遲鈍了, 早期銅鑼灣書店, 近的反送中, 來緊國歌法, 23條…迫近燃眉
好快言論自由"無", 一國兩制"滅", 亞洲金融中心"亡", 美國一流金融才俊"逃" !
香港無法集資, 金管局外幣儲備不足, 港元與美元"脫" , 港元貶值, 物業大跌…
請珍惜今天你還有YOUTUBE, GOOGLE, FACEBOOK, TWISTER, WHATSAPP,
不過, 樓主想像一下, 如果我地未來只能用微信,微博, 抖音, 騰訊視頻…
香港成街都係AI人面識別, 港紙數碼化, 不能使用現金, 用一分一毫都受到港共政府的關注!
不是夢想, 指日可待, 香港還有很多狗奴才, 人家比舊骨頭, 就好開心地不斷擺尾, 我指是藍蛆蟲
不是樓主, 請勿誤會!
2個讚
好抱歉樓主身邊既淺黃朋友因為呢d事(和你sing?不是他們本意?(影響生計?可能/或者/就黎/已經?割蓆?
其實好似你咁講,道不同不相謀,頂唔順既真係唔好挽強
好慶幸我身邊既深黃淺黃朋友們依然維持初心,行街唱歌文宣一樣不落
1個讚
我反而又另一個體會，其實個問題在於「無力」
由上年過百萬人出去遊行，到而家得個少少人（斷商場計真係一百人都唔知有冇）唱下歌仔都出幾隊防暴咁拉，我地既空間已經少到不能再少。
同埋留意在場鬧狗既，多左好多中老年人，被票控既亦多左好多年上年紀既（我訪問過其中一個），啲後生去哂邊呢？拉哂等緊上庭囉，或者被禁足。
其實係好多野可以做的…但而家已經冇得做，唯有係小小的自由空間做啲叫冇咁易比人拉既事，就係唱歌舉牌（雖然事實都係比人拉）呢啲真係冇用到極既事。
每次出去感覺好似一螻蟻被困在一間好細既房入面，冇門冇窗，絕望中唯有圍住唱首歌，垂死的掙扎。
樓主大家唔係想話你的，而係係呢間房入面，大家個心仲未死，點都好都想做啲野，其實個場地唔重要，因為警方既人力物力技術，去邊到攪，攪啲咩，都一樣。
其實大家好比心機去諗點做，但係做左成年，冇幾多個人喇已經…
流失唔係因為失去咩初心，而係無力感。
4個讚
也謝謝你的回覆。我唔介意大家話我，如果我怕，就唔會開post。或者係我識嘅人唔夠決心，好似喺呢度嘅人，冇人有我嗰種淺黃朋友（我指流失的人）
其實，我相信係自己一廂情願，以為自己用自己的方式去為抗爭出力，想講吓某些人嘅實況和看法，出發點係集思廣益，就被當作是本末倒置。或者我嘅想法，同大家眼中嘅抗爭，根本沾不上邊吧
係，唔係看見希望才堅持，係堅持才看見希望
3個讚
「我相信係自己一廂情願，以為自己用自己的方式去為抗爭出力，但其實同大家眼中嘅抗爭，根本沾不上邊吧」
我覺得樓主唔駛咁沮喪，其實冇話邊種抗爭先有用，邊D係冇出力，就算簽聯署、做twitter都係出力，都有佢用處，一人出一D力，得到成效比自己估計既多
其實係，而家真係咩都試下咁解。
我見過訪問個婆婆
婆婆話自己冇能力，老啦，咩都唔識，只有每次出嚟，想俾D後生知道，佢哋並不孤單
我哋所有人都係摸著石頭過河…
香港人大型抗爭，除左67暴動工聯會土製菠蘿外
係得佔中同反修例
世事既野，有加就有減，你眼見淺黃離場，但我見到既係好多港豬醒覺（當你去食個飯都被票控，或者個仔明明放工返屋企被人拉左）, 當然我地都希望越來越多黃人，但冇咁理想的，一定係有啲人走一啲人落場，冇辦法，而家呢個時勢真心拉少幾個，輸少當贏留返條命已經好好了。
2個讚
其實真係多左中老年鬧，有個勁大陸口音女人鬧到我想叫佢小心啲，而家師奶都拉架呀嬸嬸。
謝謝你。我去黃店、捐錢、買糉券買飯券、上tweeter、簽咗大部分聯署、和你sing、之前嘅遊行幾乎全部都有去⋯⋯ 不過我再重新睇一次D回覆，我相信，同路人嘅門檻對我嚟講實在太高，我攀不上。
我去睡了，明天就不再回應了。衷心謝謝所有人的回覆，請你們繼續努力！加油！
其實大家無需鬥黃
你既意見唔少手足都有反映
其實點解要搞太古廣場同朗豪坊?
https://lih.kg/2014610
- 分享自 LIHKG 討論區
手足亦有作出檢討:
而攬炒方面:
只要支持五大訴求 想光復香港就係同路人就係手足 每個活動係唔同既手足諗出嚟 有啲活動tg亦有投票決定 要明白冇大台同有大台既分別 樓主手足兄弟爬山 各自努力 齊上齊落 集思廣益令場運動革命更好
1個讚
之後仲會有和理非活動
而點解要發展到依家和你sing程度就要問下同狗互相合作既藍商 保安(放班癲狗咬人)
1個讚
大家討論，想分享返自己睇法同資訊，唔好嘢嘢話批鬥，咁好難傾落去。
連去唱個歌咁溫和都冇自由，實屬可悲，咁好快黑警要我地跪住行都要照做！從來個心態係就算明知香港會死都要爭扎，兄弟爬山，手足自己衡量過風險，自己分析個活動鬼唔鬼，策略上值唔值得去先行動。我唔覺得啲個運動去到呢個地步，啲人唔成熟到人地出個日程表乜都唔諗就衝出去！我明見到有人送頭好心痛，但有時未必好似你諗完全冇回報或者冇正面影響！我本來夠以為條條例啲過硬，點知啲後生衝立會制止左！
我只係想話俾你聽語係完全對地產商冇影響！新城市有啲吉舗舖租開價平左一大截！同埋唔好話攬炒對經濟有影響，有人冇野做好慘云云，第一肺炎同支那經濟下行先係主因，第二個經濟環境過分傾斜，而家推倒從來，有咩唔好？以新城市為例，佢之前入晒啲名牌店，趕走晒啲民生舖。而家啲名店炒人就慘，之前啲民生舖俾人趕走唔慘？洗牌啫。唔做奢侈品條數係細左，但有冇諗過呢D啲錢係唔該賺嘅呢？
我都想黎緊嘅活動喺策略上，付出少少成效大，如果諗到啲咩好橋，咪掉出黎討論，我都想大家成功，但而家手足肯出黎，我只有感激，唔割。
2個讚