今晚嘅和你Sing... (如有連登仔,歡迎進入)

我想藉呢個機會講吓自己嘅睇法。

今晚個和你sing,有咁多個商場,其實係點定嘅呢?如果要去,點解唔揀SHK和黨鐵商場先?

另外,今晚我見連登都有人講,點解仲要搞太古廣場(和太古集團)和朗豪坊?我之前喺金鐘中過TG,太古廣場嘅staff俾我入去休息,仲幫我用水沖眼呀!有咁多藍到黑嘅商場,點解唔去,次次都去啲相對地係幫過我地嘅商場和地產集團?(對唔住,我得人恩果係會千年記的)

仲有,以前去和你sing,大家係互相鼓勵,宣示五大訴求決心,提升士氣,當時我仲好記得,大家都係好憎好憤怒有癲狗入商場。點解搞搞下變咗要引佢地入商場先開心?大家最初入商場唱歌個初心係乜?

你話攬炒,我之前已經講過,幾個月前同今曰已經係兩個世界,你地所謂嘅攬炒,而家只係會炒著水浸眼眉嘅小市民 (乜顏色都有)。地產商?你死佢都未死。至於癲狗,仲開心添,嘆住冷氣呃OT。

我上個周未仲有去和你sing,但成個感覺已完全唔同晒,覺得在場有部分人根本係柴娃娃咁,一見到癲狗入商場、搞到市民受驚就喺度笑,然後通商場跑。

而我有大部分淺黃嘅朋友,亦已經話唔會再去Sing。我亦想問,喺呢種經濟環境和情緒氣氛,繼續入商場攬炒仲係咪最好方法?咁樣做點樣可以推進五大訴求?係咪應該諗吓再落去應該點做?

我只係想講,幾個月前咁做,唔代表幾個月後一樣可以咁做。我只係feel到,淺黃嘅人(尤其有養家壓力的)開始慢慢流失⋯⋯

以上係我個人經驗和意見,不喜歡的可隨便插。如果自由表達意見的自由都冇,咁仲上forum做乜?

9個讚

如果真心黃就唔應該介意攬炒,而家係同暴政對抗,一搞到自己就割蓆,咁永遠咪脫離唔到暴政嘅統治?

8個讚

同意

不過我認同去多D藍到黑嘅商場,儘量唔好搞到黃店

1個讚

剛剛成堆冰怪入咗荃灣廣場,跟住所有鋪頭落閘,
好樂於見到嘅畫面。
佢哋成堆好似黑社會咁,問人仲乜嚟商場。
玩攬炒不及佢哋~

4個讚

其實從來攬炒唔係我哋控制
如果係,之前大半年已經攬炒左啦
係個疫情令市道收皮,正苦無能,仲想乘機宜家繼續推惡法
咁嚟緊國歌法,國教、23條,就為左搵食,算啦,唔好反啦,由佢過,因為要搵食?
係咪咁?

8個讚

同埋我覺得黃營嘅人應該互相支持,如果有黃絲面對經濟困難,黃店老闆應該請佢地做嘢,儘量減低攬炒對自己陣營嘅人嘅影響,而中資同藍店又可以大蝕本

3個讚

不過都同意商場都係要唸唸,唔好攪到自己人

2個讚

而家活動感覺宣傳不足,有少少伏咁,唔想太少人出攪到有起事無太多人掩護手足走,同埋真係要識散

商場關門真係要㪚

你要搞清楚,經濟唔好係因為疫情,冇得做生意係黑警濫暴!唔好blame the victims!我公司都係做零售嘅,冇生意咪叫佢減租囉,市好果陣咪又係同地產商打工?賺到仲要分成俾佢。而家佢地引狗入塲,自己攞嚟。

7個讚

我都覺得揀商場方面要諗諗,有啲場對市民好好,唔好搞到佢哋生意啦。咁樣先會令啲商場明白其實佢哋對市好係有回報既

1個讚

大致上同意,特別係唔好攪黃嘅商場,
但乜都唔做,no noise,對家又會唔會以為我地好恰,踩多幾腳,
兄弟爬山吧!

1個讚

其實…基本上冇乜黃商場:sweat_smile:
係有D商場有比較好既保安

1個讚

贊成呀!經濟唔好當然係疫情啦,唔通唱歌有咁大威力?冇得做生意當然係黑警入場啦,唔通係因為客人去shopping?我從來冇blame the victim,請理解。

我只係一直問初心啫。如果而家和你sing個aim係引黑警入場(即係明知有活動,黑警就列隊歡迎因為可以呃OT,我地就因為要引黑警而去唱),咁請問同半年前入去唱歌嘅初心係咪已經有扭曲?

至於同唔同地產商打工,呢個我冇意見。我只係想講,地產商嘅資本係天文數字,想攬炒,不如炒咗啲好明顯針對抗爭嘅店先會唔會好D,成效大D?同埋我開post亦主要想講,今日個和你sing係咪伏?連登都有好多人話,去赤柱?九龍城?如果唔係伏,咁點解係咁安排?目的係咩?我對今晚呢個行動有意見,想大家思考一下,之後做好D,對準D目標,係咪都唔可以?只係能夠盲撐,唔可以表示唔認同?唔盲撐就要俾人批鬥?唔撐係就等於割蓆?咁同亡國班藍屍有乜分別?

同意應該去賣港商場,唔好去曾經支持示威者嗰啲,不過見過連登有討論話有啲商場好難走,好容易做成困獸鬥,但太古保安之前試過頂住黑警,都算幫過我地,同意唔好攪

疫情之後,係想重振士氣再和你Sing
但商場任D狗入嚟,唔係我哋初心有變,係人地越嚟越打橫嚟行
我哋初心想和平抗爭,但事實係連和平唱歌都唔容許囉

狗一直有mon post,之前三罷已經係,其實冇邊樣野佢哋唔mon post
至於伏唔伏,係因為冇大台,其實任何一個行動,就算真連登搞,狗都可以怖處,大家出嚟係要自己思考點進同退

2個讚

你既意見好值得參考,希望你地再考慮清楚,唔好唔去,而家黑警心態亦同之前唔同晒,以前唱歌無問題,而家唱歌都拉,想唔想引佢地都會嚟,問題係點解唱歌都犯法。唔好理人地點樣,只要自己初心無變,再去影響其他人,唱歌已經係成本好低既抗爭,希望你地堅持

6個讚

呢個係我出post的其中一個論點。如果去唱歌等同去攬炒(雖然我至今去唱歌都係想同同路人互相支持,和重申五大訴求),咁點解唔係策略性去做?而係俾人感覺漁翁撒網式 (今晚係18個商場)。點解18個當中,得一個係黨鐵?藍到黑嘅新世界,又只係得一個?當中算係相對好嘅朗豪坊、太古等就成日入圍。究竟邊個決定去邊嘅呢? 我只係想提出呢個疑問

呢個問題應該得搞手答到你
如果你想針對你唔中意的商場,可以只去嗰個sing
你有冇諗過18區係實質虛之?
如果只寫一個、三、四個商場,D警力可以幾強勁
呢個我估計je

2個讚