我點解寫咁大篇嘢，係我好難過見到一班之前同我一齊唱歌嘅淺黃已越走越遠⋯⋯ 所以我先寫出嚟，希望大家可以思考一下，有冇D更因時制宜嘅抗爭模式。唔好一有人有其他意見，一唔啱聽就批鬥人，話人割蓆呢？ 咁究竟係邊個割邊割蓆呢？黃係咪只能容納深黃呢？咁我呢D淺黃咁多個月嘅堅持，算係咩呢？
1個讚
重點係將經濟差變左抗爭做成咁
市道好，無所謂，可以去抗爭
市道差就唔好搞啦，要養家
個問題係政府推惡法，就係襯宜家社會經濟已經元氣大傷，佢哋仍然往死𥚃打
不如問下佢地有冇收手? 有冇俾我哋市民喘息空間
27/5已經國歌法嚟緊
1個讚
想請問吓佢地越走越遠既原因係咩？係理念唔同咗？定覺得抗爭無用？
其實太古都藍到黑。太古係因航金主，佢地主席仲入左香港再出殯
1個讚
當然，一方面係實際時間問題，因為失業/減薪，上有高堂，下有妻兒，所以要搵多些part time幫補，所以有很活動已不能出席，令團火越來越弱。
另外亦一些會反問，疫情已經炒咗全世界，而家嘅商場唱歌攬炒，其實係咪重有意思呢？自己繼續喺商場玩狗，搞到商店落閘，呢種咁嘅抗爭模式，仲係咪之前自己覺得啱嘅理念呢？抑或只係一種宣洩、當中冇一個人係得益嘅呢？（除咗黑警有OT，係最大得益者）。繼續咁做，我地最原嘅訴求，究竟有冇寸進呢？
上面有位人話：「市道好，無所謂，可以去抗爭。市道差就唔好搞啦，要養家」我順便講埋。
我唔知呢位人兄有冇錢，使唔使養父母，養子女。抑或係高薪厚職，公務員，有家底，住屋企食屋企。在我而言，作為一個人，係要有爭取自由民主公義嘅意志。但人，有好多身份，亦係人地嘅子女，人哋嘅父母，所以亦有佢地自身嘅責任。
再講多一步，亦是我近來思考很多的。黃，點先叫黃？黃嘅scope係咪可以好闊嘅呢？黃嘅人係咪都可以有唔同背景和負擔嘅呢？我會尊重前線勇武不顧一切的付出，但事實就係話俾我地知，好多人都唔可能無底線咁抗爭。有家要養的，想有穩定工作有乜問題呢。
商場唱歌當然冇咁大威力可以令經濟變成今日咁差，但係疫情已經咁差，係咪都總要開飯呢？抗爭係好貼地唔嘅事，但漸漸變得理想化、浪漫化。只要唔係不顧一切去抗爭，一提吓要生活，就會被批鬥。或者深黃從來都唔當有負擔嘅淺黃係黃，下下都被批鬥，剩係覺得你割蓆、縮沙，所以我都adjust緊自己，管理自己嘅期望，因為都好心淡
1個讚
純粹剛剛入左尼度好開心，同聲同氣，唔洗響亡國睇d廢話。
3個讚
但佢唔比狗入，仲教手足邊度冇狗可以走，得人因果，我記得的
記得因航炒左講香港加油，萬事小心個機師
真係痴線
應該係個老闆紅
我都係親身經歷，仲記得我雙眼入晒TG，當時太古開晒門叫我同其他人快D入，仲俾水我洗眼，叫我放心休息，冇事好先走。
講真，喺香港地，除咗全外資、自資黃店、少部份華資（其實都有紅資滲入），有邊個夠膽講自己間公司、自己𢭃嘅人工冇藍、黑、紅滲透？ 我只係講，就商場而言 （apple.to apple)，比太古更黑、更藍、更紅嘅多的是。如果硬要拉埋因航，咁藍就藍，黑就黑啦，冇乜好拗~
我諗依家個「攬炒」並唔係我哋造成喎⋯⋯
中共似乎想攬炒多過香港人，
由始至終，
我哋嘅方向其實係「反對同中共攬炒，保衞一國兩制」
前幾個月和你sing 大家仲可以sing完去食下嘢，依家和你sing 似係班狗想製造擾民效果，目的就係要多D人好似樓主你咁諗，然後spin 走哂武肺帶來嘅經濟傷害
5個讚
我冇家底，兩老退休，我要養佢地
冇份工當然手緊有壓力，唔係我唔駛搵食，係事實惡法已經係你面前，我諗冇人唔需要搵食，但咁正苦有冇保就業救失業? 如果經濟差，正苦收手，唔硬推惡法，我哋會變成宜家咁咩? 佢有冇因為大家已經咁辛苦，俾我地香港人抖下氣? 個主導權唔係我地到
唱歌唔貼地， 可能係
但咁應該點繼續抗爭 (唔係串，係真心想問)
冇得遊行，冇得貼文宣，如果連出嚟唱歌口號都冇，咁其實仲有乜做到，對表達正苦不滿
其實抗爭冇大台，唔係我哋話點就你一定要點做，同樣地你覺得呢個方法唔work，但有其他人覺得可行有用咁
家要養要搵食，但如果冇左自由、人權，有人覺得呢個已經好大問題，我哋冇得judge邊個先係重要D，而且從來阻人搵食，民不聊生，唔係我哋有能力做到
國家亂人民才上街，唔係人民上街國家才亂，呢個係上年一開始6月到宜家的狀況
3個讚
樓主大致是: 香港人唔好出去抗爭/唱歌，因為黑警可以攞到好多OT， 市民和平示威或到商場唱歌去表達對社會嘅不滿和訴求 ，唔用呢種方法 ，還有什麼途徑呢 ？請舉例舉例說明， 否則, 非常本末倒置。
1個讚
大家商場唱歌，黑警自己衝入嚟打人拉人趕人，點解講到變左係大家搞到經濟差阻人搵食?
從來商鋪落閘，唔係大家出嚟唱歌叫口號，佢哋仍然繼續開鋪，係到黑警進場，搞到佢地即刻關門，邊個先係罪魁禍首，好清楚。
4個讚
對於呢個正苦，我係非常痛恨。我只係一個深黃眼中乜都唔做、只係掛住揾食養家嘅淺黃，我又點會有方法對付？（真心，唔係寸）
Maybe i should just shut my mouth up. 打搞晒了
你錯誤理解我了。的確，六個月前，「市民和平示威或到商場唱歌去表達對社會嘅不滿和訴求 」，但今時今日，在我角度，初心已變
其實你既諗法正正就係中聯辦想你諗既方向，但點解唱歌變咗攪事？點解唱歌要俾人拉？黑警唔一定要出嚟驅散人羣，俾大家唱完歌舒一口氣唔係更好咩。要攪清楚如果政府黑警唔係咁離譜就唔會有人出嚟抗爭，希望你明白壓力應該係俾政府嗰邊，我地而家妥協就等如綏靖，市道好時你估政府仲會唔會理你。
我認為最緊要你覺得舒服，無人可以介定邊個黃唔黃，你認為邊個位置適合就去做，就算網上做文宣都無問題，只要唔好放棄就得
睇吓黑警幾離譜，我地係咪就咁就算？
1個讚
請分清係警察令鋪頭做唔成生意，而唔係唱歌令鋪門閂門。
5個讚
我想講，從來冇人要同你鬥黃
而且你有難處，明白有經濟壓力
但個正苦咁大問題，係咪要啞忍，你退一吋，佢進一尺，到後來妥協到一國一制咁，外國佬仲會留香港投資?
香港冇左獨立關稅地位，到時香港乜野都唔係
經濟差好難捱，但會有好轉既一日，但香港民主自由，冇左就係冇左，冇得返轉頭
3個讚
本人中過無數次催淚彈， 由最初法國製造至後期的中國製，胡椒噴霧直射皮膚，橡膠子彈喺身邊擦過，看到無懼無畏的年青人在眼前被捕， 我初心不變 ，周圍嘅人亦初心不變！
4個讚