背景：仲未高齡，已有一個小朋友7歳，住屋財政冇問題，雙職父母，可以請工人，長老可幫手，五年內會移民
我一早巳經好想生第二個，c6就由抗拒到依家Ok接受(其實都未至於好似我咁想)。我地同意自自然然，唔計排卵唔計日子，冇備，有就有冇就冇。去年已經試了半年多都唔中，之後經歷社會事件，武肺，又停左一輪冇試。
依家湊一個，其實都算舒服，上左小學，自理能力又好左，連工人之前走左，我地都搞得掂。大人又舒服，錢又好好洗，一年至少三四次旅行…如果突然多一個，又好似由頭黎過…
但我真心想多一個伴，大個係相親相愛又好，老死不相往來又好，就睇佢地緣份。但生得黎隔成八年…又唔知會點…
隔咁耐先再生，係咪真係會好辛苦？
會移民，生；留港，唔生
我個仔依家7歲，又係諗咗幾年生唔生多個好，上年諗住順其自然，依家就有咗5個月
其實都後悔冇早D生，等佢哋年紀差唔多，會玩得埋D
不過我仔仔係細心照顧型，鍾意照顧人，所以我都相信佢會做到個錫BB嘅好哥哥
如果經濟冇問題，自己又鐘意小朋友，我覺得生多個都好，唔知佢哋大個係咪仲會咁close,但成長過程多個親人我覺得好好多
我同我細佬都相差好多年
如果為伴，我想講細個無乜同佢玩，佢bb時我已經係小學，當時屋企環境一般，有時我又要做功課，又要幫手湊佢，其實感覺唔好受。而家我地大個，講真傾計又有代溝。又唔會成日聯絡。
加上而家咁既環境要諗清楚先。
又可以問下小朋友有乜睇法。
有聽過小朋友嬲阿媽生多左個細，攪到分薄左資源同成日話阿媽偏心。
有錢就生
我覺得有錢就生，同埋移民就生。
問下阿大鐘意唔鐘意先, 隔7年, 佢真係未必肯.
小朋友已7歲，再諗下加十月懷胎即係兩個小朋友最少差8年？其實都比較有「一齊成長」嘅感覺⋯⋯唔會玩得埋。
如果諗住移民，我會生，因為外國地方大，搵朋友玩未必咁易，好多時都係留係家，有個伴會好啲，而且地方大。生多個都唔迫
贊同!
同意
計好數，又想生。
兩個小朋友年紀近啲，好些。
湊仔好需要體力，心力。
早好過遲。
C6囉…早年一直抗拒，最近先開綠燈
等等下過多一兩年就高齡啦…
最緊要有共識
有些事情整定
放鬆啲
其實我都留意到大個個都係咁，
我又唔指意佢會幫手湊
佢唔抗拒就ok
問左佢又冇咩好想或者好唔想…哈哈
我個仔而家7歲, 我個女就啱啱出世冇耐。
有得揀㗎想做啲生第二胎， 依家都未算遲。 小朋友起碼唔會咁容易呷醋。
現在一年去三四次旅行
生多個可以維持這個生活質素嗎？
需要換樓嗎？
如果生活質素有影響，七歲小朋友由相對好環境去一般環境，他會習慣嗎？
從小朋友角度看，多一個人爭寵，照顧
去少了旅行，買少了玩具，分分鐘住都細了
但細佬/ 妹不會/ 有排未識得和我一起玩…
我大仔7 歲，細仔5 歳
有日他叫我生妹妹
我和他講了以上説話，佢即刻叫爸爸諗都唔好諗
我大仔8歲時先生細b
開頭都有d擔憂會唔會年紀差太遠
而家細b已一歲，我覺得差8年真係完全唔係問題，而且因為大仔已有自理能力，甚至可以幫我手掉下屎/尿片、或者我要行開時幫手睇住細b，真係輕鬆好多
同埋大仔好錫細b，我地大人鬧細b曳曳佢會維護佢
，而且暫時兩個都可一齊玩玩具，捉下迷藏咁，相處冇乜問題，我仲諗定到細b讀幼稚園/小學可以叫大仔幫手教佢功課
可以問吓仔仔意見，我大女同依家陀住呢個差八年，但佢超期待bb出世。主要睇父母點培養小朋友價值觀，去少次旅行，生活少啲享受，好多嘢變成要同人分享，但會多咗一個家人，值唔值得？至於父母偏心，其實可以避免，兄弟姊妹關係如何，好睇父母本身。