計掂條數 (包括間屋夠唔夠住，一年只去兩次旅行、萬一 touch wood 讀唔掂書/唔適合本地課程，會唔會供出國/轉國際)，身體健康，兩公婆有共識就冇問題。
年齡隔唔係問題，隔十年、二十年都有。最重要係兩公婆安排周全。兩個小朋友唔一定相親相愛孖公仔，但亦可以學識忍讓、尊重。你唔一定鍾意某啲親戚，甚至係 6299，但你亦識尊重、忍讓。
阿大一直習慣自己一個，觀察下問下佢口風。如有反感但你又好想生，你一定要比足安全感、輔導、傾心事。生完之後點忙點煩都一定要每日起碼十幾分鐘係阿大同你嘅獨立親子時間。
不過有一句說話係不錯，既來之則安之。
隔太遠，如果係我就唔會生
我同我妹就隔9年，細個時我係好想要個細佬妹一齊玩，但當我有呢個妹時已經5年班。
我係好錫佢幫手湊，幼稚園時都係我接佢放學，
好似佢亞媽咁。
你仔仔好快去到反叛期，高小已經會唔同，如果你掛住湊細嗰個可能會忽略咗佢。
唔會生啦
好地地搵黎搞
總係要執迷生2個有個伴既迷思
明明滿足自己想有2個
明明大既已經過左幼兒需要伴既年紀
呢個年代係將要搵朋友，建立友誼
而唔係去湊個細8年既bb
我正想咁樣答
移民的話生兩個都嫌少
移民的話, 地方大, 加上親戚朋友唔多, 生多啲熱閙啲
細路仔有人爭個性格會積極啲, 亦知道咩叫分享, 唔會咁孤僻
甚至可能會生三個, 外國好多人三個
大果個又可以學下幫手湊
當然, 移民就冇工人, 生多一個肯定冇咁多時間用…
我自己有兩個兄弟姊妹，但感情都一般，有個比較close，有個冇咁close平時都冇咩兩句…
直至年前家父病重過身，生前死後大家都分工合作互相支持…我覺得好彩我唔係得一個，如果得我一個點算。反對左生第二個咁多年既c6(佢係獨仔),終於都話好彩你有兩個伴
我覺得兄弟姊妹相處係點冇人知，但家庭教育，生活，父母都可以影響。
隨緣啦
我家母過身, 我最細, 兄姊無幫過手
之後除左同姊姊,其他都無再來往
感情好/分工合作人人不同
我個so call 一齊長大既伴, 搬左出去後,
10幾年都無再見過
細個已經唔好感情,
大個無曬上一代, 更加唔會再見
所以兄弟姊妹都要講有冇緣份
我C6 同佢個妹相隔10 年，感情好好。
我同哥哥相隔1年，er… 冇乜聯絡
當然生，你年紀唔大，又想生，何樂而不為。
我都覺得有伴好重要。
想生就一定支持生。隔七年再經歷所有野有煩，亦都會有幸福嘅事，而且多個兄弟姊妹喺一世嘅！
能力許可應該生
因為如果得一個仔女
到你哋老咗或四大長老老咗
自然多出入醫院
得佢一個放工仲日日去醫院或老人院好辛苦㗎
生多個，如果生性都叫有人輪吓班
我真實經驗
有段時期家人瞓咗兩年醫院
好彩有幾個兄弟姐妹可以分工
醫藥費又可以大家夾
其實無論幾多人話支持或反對，我估你心裡面都已有答案。
我自己有一個比我細一年嘅妹，由細都大都好好感情，有乜開心傷心我都第一時間話佢知。細個父母成日鬧交，又將我哋放人哋屋企湊，會被人蝦，我感覺如果無咗佢，我支撐唔到好多難關，人生唔知點過。
我認為一係唔生，一生就至少要佢有個伴，而家年代唔會預佢將來係咪獨力照顧父母，但起碼，父母離開了都有親人
🏻
我本身有一仔，社交有些少障礙，所以我一直期望佢有個伴，我亦好鍾意小朋友，可惜喺佢未夠兩歲，我就大病了一場，應該好難再決定生B，我因為咁失落了好幾年。當然，人人都有自己嘅故事同抉擇，生兒育女亦唔止係一個人嘅事。
所以見到妳有得選擇，替妳開心。
我生二胎時大嘅都6歲半，大嘅好好識幫我手，又好錫細嘅！我覺得佢有個伴，我老咗都會放心啲
同埋隔咗耐辛唔辛苦好睇你自己點諗，我陀第二個就好辛苦，但生咗出黎就好開心
我大女今年6歲，我7月就生第二胎
其實同老公傾咗好耐生唔生
但大女之前一直痴身，易呷醋又鐘意抱
所以推到咁遲先有
仲有今次係大女話想細佬妹要計劃
原本見場運動都唔生，唔想害下一代
點知第二胎就黎咗
緣份要到點都阻唔住
祝小BB健健康康
我都好希望小朋友有個伴
我同阿哥就係老死不相往來果種
但我都希望佢有一個機會，可以有一個人陪佢成長
佢連表/堂兄弟姐妹都無
如果我死左，佢就真係一個親人都無
當然佢會有另一半，有兒有女
但萬一佢無的話，都至少有一個親人係世上
重頭黎過係辛苦
但父母心思總係放係仔女身上
雖然世事未必如我地所願
但都希望自己能夠帶多一個機會俾佢
我同你情況有些似，本身我想生多個，但老公唔想，拖下拖下老公之後又唔太抗拒，但咁岩場社會運動，到我唔想生，但而家有左第二胎，我直頭想唔要，但老公唔忍心，驗血知道又係仔，心情低落
外面如何也不影響你自身家庭模式