你比更我叻，你現在終於可以走出陰霾。
曾經都有一個好愛我既人，但我傷得佢好深，當佢係我面前喊左出黎果陣，我真係「心如刀割」，人係要失去才知道咩先係最重要。
你先生當日見到你喊、再追你、再抱住你時，我肯定佢同我當時既心情係一樣。佢當時肯定己經㨂左你，唔係因為個女、唔係因為個家，只係因為你。佢講得出口，你就一定要相信佢。男人係唔會將就，外面有好多女人，比我地靚、年輕、聰明的肯定多的是，我地冇必要同佢地每一個比較，因為你對佢黎講，是獨特的。
既然你地已經走到現在，佢對你又好。我覺得你係時候放下那段痛苦的回憶，好好製造一d兩個人既開心記憶。愛係要維繫，但不是一個人單方面付出，係兩個人都要付出，多一點愛，多一點歡樂，就可以更鞏固兩人既關係。
你話你唔信愛情，其實我覺得你既愛情，一直係你身邊，可能並唔係最完美，但一定需要完美嗎？你地已經歷過浴火重生，一定會迎來更幸福的生活。如果可以，試下重新再愛上對方，好好珍惜所有，祝願你地將來，有更美滿的婚姻生活。
謝謝你的分析，講得好好。
做人不要太執著，希望可以有d正能量行落去。
老實講，呢句「唔係」你根本冇可能知道真定假，如果你永遠執著要證實呢句係假嘅，做人真係好痛苦。而且你越鑽牛角尖越質疑佢，你先生可能會開始懷疑佢自己係定唔係，到時「係」都可能變「唔係」，咁如果真係「唔係」咁你係咪反而會解脫？
放過自己啦
好多謝你嘅話，我會再三思考！
細細已經聽過
結婚唔係搵最愛、條件最好嘅人…
婚姻關係要搵一個可以一齊渡過一世既人
其實人越大越理性，好多時都係取捨，有得有失。知足常樂
年紀越大，我近年唔會再委屈自己，唔鍾意就講，唔會再就人咁多，人生都行咗一半，點解唔隨心而行
2X未婚男路過。
唔知道講咩啦，無論對愛情、婚姻咩睇法，都要盡力同珍惜。好多野唔係必然，做人都係對自己負責，順從自己內心就得啦
好同意
幾年前我老公都出軌，更傷我嘅係當我揭發佢時佢將責任推落我身上，但實情佢係歪曲事實去合理化自己行為，嗰d難睇嘅嘴臉我呢世都會記得! 佢睇死我會為小朋友唔離婚而講佢會keep住出面條女但會返屋企…
最後我要離婚但佢話唔離，佢話斷出面，然後直到而家過咗幾年，講真佢出面點我真係唔可能好清楚知道，我自己繼續杯弓蛇影，有時從其他地方聽到條女嘅名,個心都會揪痛一下，心裡打從幾年前已死了，但現實就係咁樣維持住！
我有時又諗咁仲係咪愛呢？
唔係話要死去活來、但變左親人咁、總係怪怪
人越大，追求越不同
我同老公放工時在mtr撞到，一起行回家，會好心甜，有個伴行7-8 mins
但又不會突登約一起行回家
愛人應該會約埋
可能我貪心
未到呢個境界
身邊人又懶、尤其有智能電話後、好似各自上網咁、和諧既、唔好話自己、都驚對方有一日會厭
都三十中
結婚都七年
都開始覺得 得返責任同親情同習慣
祝一切安好
岩岩睇完樓主嘅故事，我而家都經歷緊呢個時間，5 月中發現老公出軌，最後佢同出面斬欖，但我同佢嘅相處先係最大難題，點樣重新建立信任？點樣可以再愛多點對方，而家我都仲同佢磨合緊，真係好難一下子咩事都無。我都唔知嚟緊嘅路可以點行…亦都唔知自己條刺會唔會抆得走
珍惜每一刻先，
人生好短暫，
最近有朋友急性心臟病過咗身，
先發現無人知聽日事，
擁抱自己所有
岩既會係岩既時間出現，
急唔黎
樓住加油~THE BEAT IS YET TO COME
之前睇過一篇文，佢大約講，我地講“最愛”，但點為之最愛？是否我地自己美化左“最愛”，以為自己錯失過既就係“最愛”，之後。。。我忘了
我又好似叮左一聲，嗰刻，我好似好愛嗰個男仔，但我未能夠同佢走落去。。。所以我就覺得佢係我最愛？
因為我只會幻想他的好，美化左他。
其實，佢都會缺點架喎。
我係咪離左題？
講左自己既野
呢位jm講得好好
好認同都好有共鳴啊
我同樓主故事都好似，初戀，生完小朋友之後雖然老公未到出軌呢個地步，不過可以話係巨變同埋發現佢同同事行得好埋，好理解個種以為自己好幸福，原來係咁嘅，個種感受，而且又發現自己另一半原來有第二面，其實真係好衝擊
我好明白理解廿幾歲對愛情嘅想法，可惜呢d想法其實係不適用於婚姻，我地都要成長了，過程可能好痛苦，但如果雙方都仍然想為呢份感情努力，又既然我地都揀左繼續同老公一齊生活，其實而家同將來嘅相處先係最重要
發生左已經發生左，重新接受大家係要用時間，心力，精力，愛同信任要修補係雙方的，其實見到樓主字裡間已經好叻同老公一齊行出黎，辛苦了樓主，加油
30歲。
已經明白結婚嘅人未必係愛得最深最激烈嘅人
即使俾你同到佢行到最後都未必會係good story
但同依家另一半相處好好
佢係一個脾氣好好會照顧我嘅人
滿足同要明白咁係最好嘅結果
雖然有時會有遺憾