乘二
曾經深愛過一個男人，我為他犧牲了很多
他一個眼神，都令我很大壓力，
兩個人並唔夾
我是樹上的鳥，他是池塘的魚
大家的需要唔同，勉強愛下去，只是在互相傷害
離開了他，遇到了老公，沒有愛得死去活來
拍拖結婚十年多，沒有太大的起落
但平淡、舒服，自在
夜晚D細路訓左
大家坐在梳化各自玩下電話，
一起食下生果、零食，
我打個眼色，他沖下茶，咁又一個晚上
16個讚
如果得八十歲
已經過了一半
過去的傷痛都過去了，放下就自在
加油
好好愛自己，他肯回家，心裏還有你們。
一世人流流長，少不免行錯路，肯回頭行返啱，
就算了吧
今天經濟穩定，已經好好，疫情好返D，一家人去多D旅游，製造快樂回憶
之後還有很多路要走，但求有個老伴啫
得閒扮下靚，食下好嘢，買自己喜歡的東西，好好愛自己！加油！我也是40+，上有高堂，下有兩個小孩，壓力很大，但每日都氹下自己
有時候食個雪糕，買下無聊嘢
9個讚
我過左30無耐,同你感想一樣…我身邊都有唔少人離婚,好似之前有報導話過香港有3分1對伴侶係會離婚收場 
有咩唔開心可以上黎傾,唔好自己屈住…
對，人生好多過客。
要珍惜愛你的人。
反而從來無諗過結婚係為左愛情/真愛。結婚只係搵一個生活方式、價值觀配合到嘅人生活落去。好科學好抽離咁諗，單配偶制只係一種社會制度，不一定適合所有人類嘅本性。當然，響文明社會入面，配合唔到呢個制度嘅人，會被配合到嘅人鬧佢‘禽獸不如’。
2個讚
唔會。其實已經唔信愛情，反而覺得自己可以獨立。不過，其實我希望同丈夫可以建立關係互相支持。他對我有愛，責任，只係，我覺得唔係浪漫的情
1個讚
你好有智慧，我看了你的留言幾次，思想！謝謝你！
他是我初戀，24拍，27結，30生，31時出軌，我33知道，34抑鬱，吞藥，入院，至今未完全戒藥，但我呢幾年生活已經好正常，只係情緒易低落，人比較玻璃心。
有一次，我記得自己崩潰了，由佢架車跑左出去，真係絕望了，顛了，冇著鞋喺街跑。唔知自己跑去邊，果刻已經覺得末日。佢追來，抱起我，上返車。我失控地哭，情緒已經崩潰左。
有一次，我話，我有情緒病，你有信心我可以好返咩？
佢：有
我：你只係為咗女兒留返係度，唔係愛我。
佢：唔係
呢句「唔係」，我一直唔信，一直執著。我執著佢係為咗保留個「家」比女兒，而不是愛。我一直把自己和第三者比較，比自己下去，自卑，憤怒。這些執念，令我好辛苦，唔愛自己。
我而家已經好多多。但2014-16，真係地獄一樣咁生存，不是生活。
3個讚
唔值得相信嘅，唔應該係愛情，係人吧？！
物件放久了會折舊，人會隨時間而變老。世上那有一成不變的人與事？
世上唯一不變的就只有變化吧
樓主你的故事我相信是很多人的寫照，我也有近似故事。
有時會諗係，其實係咪自己個價值觀先係錯？係咪其實我對婚姻的想法太過理想化？
睇左樓上各位的留言，很多都是提醒我們要讓自己活得好。
如果不在乎對方，可以話都死左心，咁當然是可以自己輕鬆自在，如能相見如賓當然係bonus，但至少是心目中對方都不會牽動到自己情緒。
如果仍在乎對方，可以一句無心的說話都令人成為執念。
我都想大家輕鬆舒服的過生活。樓上有位jm說各自玩下手機，食下零食又一晚。我好替這位jm高慶，因為佢兩公婆是真正的輕鬆自在，互相信任。但經歷過婚姻問題的jm，尤其是衰出軌的，恐怕只成為了驚弓之鳥，少少風吹草動都會引發風暴。
1個讚
我當時也是杯弓蛇影，好冇安全感，好苦，苦自己也苦對方
我相信他的婚外情已經完。用了一段時間去慢慢重建，而家好好多。而家，講笑，一齊坐低睇電視，食薯片，去街，也好正常了
樓主，“當時也是杯弓蛇影，好冇安全感，好苦，苦自己也苦對方” 你呢句令我好感觸 
2個讚
同意，有時我覺得無得同最愛一生一世係一種遺憾，只係因為大家無長遠地相處過，一齊後有幾多磨擦唔知啫，知道可能仲後悔。
JM抱抱妳，希望大家都可以有真正輕鬆自在的一日，有個朋友都提左我，無野係無可能嘅，一齊加油！
1個讚
我呢幾年都睇開咗啲野
唔好太執著身邊人的想法同事
閒時愛自己多點，洗錢係自己身上，甚至做一啲事為自己好，所以近來set個目標自己，做運動送個靚body俾自己
大家一齊加油
8個讚
未到40歲, 但過左30生完小朋友
有好多野都改變左
可能真係人人必經既階段
3個讚
我老公冇出軌, 至少我唔知啦, 哈哈, 宜家無辦法之下分隔二地, 我知道自己有啲細路已經足夠, 佢喺度反而好大壓力, 反而活得唔自在
我老豆喺我細個試過有第二頭家, 家中啲親戚有唔少都有外遇有二奶, 所以我自小對於男人都冇乜信任, 人就係花心嘅動物, 包括自己。只要身體健康, 經濟穩定, 湊好啲細路, 有自己嘅愛好, 發展自己事業…男人？只不過係一個隊友吧
2個讚
老公唔算係我好愛嘅人, 佢唔識浪漫但係好有主見又顧家, 對小朋友係無乜耐性但係好著緊佢地發展同埋思想教育.
好愛我 & 我好愛嘅人, 拍拖遇過, 心足了, 要過人世真係未必適合.
因為講到柴米油鹽, 回歸現實嘅時候, 相同性格未必係好事.
2個讚
我情況同你好似
所有人都以為我人生好完滿好美好
我內裡既傷根本唔會有人明
所以我連傾訴既機會都無
都係, 兩個人相處總要有一凹一凸, 點樣係對方身上搵到可以學習既地方先至可以令二人關係更加長久. 以前都會事事睇唔順眼, 唔明點解佢唔可以做好D, 但諗返轉頭, 自己又有無為佢改變好多? 如果只係改變少少, 咁我又點解硬係要佢改變多多來就我? 當自己唔再執著, 關係真係好好多.
至於朋友, 其實每個階段都有唔同人既出現, 有D可以維持到幾十年, 有D就只有一兩年貨仔, 佢地既出現, 就是在個段時間俾我情感上既支持, 雖然唔長久, 但又不至於非常可惜, 始終大家行既路唔同, 有緣認識無緣繼續係平常不過, 總會搵到同路人.
1個讚