Haha千祈唔好咁諗
我係家姐同細妹差十幾年，啊媽又係叫我照顧佢，好大怨氣
講真我都有自己私人時間，有時嬲起上黎仲會諗「又唔係我個女點解乜都我負責」
我完全明白
有個細佬同我差十幾年，唔只功課見家長，幾乎所有野都係我做，我有時都幾燘阿媽，點解我大d就乜都係我
咁當然要家姐好願意既情況下啦
我都唔會迫佢地做唔鍾意既野，我比較放羊式…
1個讚
做足措施都中，呢啲係命中注定
早生早甩身呀，同仔女既距離都無咁遠，等小朋友上小學先再努力揾錢啦
咩都有得有失，無意外比你升到高職位又會恨點解無bb，一切隨緣，努力當下
1個讚
你不如問所返自己轉頭，你想唔想自己仔女行返你條舊路，咁咁你就知答案
無人一開始就識做媽媽 都係慢慢學習。
後生唔後生唔係好媽媽指標黎既
岩岩讀完書就即刻bingo結婚組織家庭，壓力有幾大可想而知呢
香港物價貴又好現實 屋租生活費父母家用小朋友洗費等等 成日都話貴有貴養平有平養
有無屋企人support?呢點好緊要 有人幫手湊下或者自己病左可以頂下更
1個讚
原來你原生家庭係咁。好彩你真係遇到個好99。你係值得被愛!我相信你感到幸福會更加俾到幸福你小朋友。
1個讚
當然唔想，我就係因為自己本身都唔傾向早生早結婚，覺得畢業後點都要做幾年嘢先好成家立室，所以當自己面臨呢個處境嘅時候先咁容易受言論影響，雖然慢慢知道好多嘢唔係嗰回事，冇咁簡單，亦縱使決定咗我就唔會後悔，但畢竟係衝擊自己信念嘅決定，對於心情以致價值觀都要時間去調節翻。
如果十年前我二十出頭會覺得年輕媽媽不可思議
今日有左真心明白咩叫有仔趁嫩生，錢可以慢慢搵，但身體無以前咁有活力，加油，你四十歲時已經可以甩身重獲自由
後生媽媽都可以係好媽媽，過程可能辛苦啲，但只要肯負責任愛惜仔女嘅唔可以對佢哋有偏見
知道你有做足安全措施⋯雖然個結果係打亂左好多計劃，但仍要正面面對，至少老公同奶奶都支持你，有人support好好多。
之前都聽到case係有避孕都中，研究過結紥，但好似對身體唔好，易有婦科病，老公唔比。識男士紥左，個性情好似好獨特，唔敢冒險。
即使結左婚，每次做完都好期待m come，年年月月咁樣，好影響情緒。
既然生咗，冇必要考慮其他人嘅睇法，因為對你一啲幫助都冇。反而覺得既然現在做FTM，雖然會忙，但應該爭取時間去增值自己，網上好多course可以讀。利用2-3年其實可以讀個 master，然後小朋友讀書就可以從新出發。如果FTM嗰幾年用嚟讀書，其實雇主係唔會覺得你有真空期，你自己更加唔會脫節。考慮一下吧！
Agree可以讀書增值自己
我忽略咗e-learning. …已經即時down咗edX睇下有咩online course啱，master因為未有錢讀唯有擱置住先，多謝你！
大學畢業唔細啦，我當年有同學final year 開學大肚，佢男友係高兩屆既師兄，立即結婚，陀B做final project, 當然師兄好努力幫手，professor 亦好合作。
而家我哋個個同學煩緊小學野，佢小朋友已經中學，佢可以專心工作上位上得好快。
Coursera和Udemy都有唔少免費堂，但當然必須好有discipline，自己要堅持，這個投資一定唔會後悔但需要有強大嘅專注力。為了小朋友嘅將來，加油！
呢啲八婆家長幾遲生都冇用
都係教壞個小朋友
1個讚
其實早生係咪就等於不知所謂、等於連累下一代，都好睇個父母點樣去養育佢嘅小朋友。就算你30歲先生，但係都唔識為人父母，咪一樣係不知所謂連累下一代。
由於大家先入為主覺得早生=未定性=不負責任，所以先至會有呢啲講法，自己做好自己本分咪得囉。
至於經濟方面，一般而言經濟能力係差啲，但努力去做，就算唔大富大貴，都未代表會差，唔好成日轉新電話、買少d衫褲鞋衫褲鞋鞋、去少d旅行，其實都可以將呢啲資源放喺小朋友身上。
早生都有早生嘅好處㗎，至少有精力陪小朋友上山下海4圍跑先啦。
1個讚
Thx～
好彩本身唔係大花筒，但的確有咗bb之後買嘢反而捨得咗(俾bb）我諗都要認真plan翻好條數，都係以儲錢為目標。
我有信心可以做個稱職媽媽