請問有無人移民後唔適應當地生活想回流香港？
1個讚
但你攞左當地居留權/passport嗰啲野未？
攞左居留權但未入籍，我見個個移民後對生活都好開心。
咁你隨時返嚟都得啦, 係怕將來要再走多次, 呢個位要諗清楚…
我適應左，唔想返香港。你有咩地方適應唔到?大家可以傾下。
你移左去邊？通常唔慣都係天氣朋友飲食呢D。
而家除左加拿大內陸省份，全世界移民都會越黎越難。
我係瑞士，哩到講德文，語言又唔通，食物又無嘜選擇，我睇youtube講加拿大烈治文好好，又有港式茶餐廳，又有好多商場，比較下加拿大好似幾好
語言唔通就去學
你搞掂左溝通問題，有朋友有當地生活圈子就好快適應，到時唔想走添
你話加拿大Richmond果啲，去群返唐人有咩為呢？要改變自己心態先
4個讚
Richmond 咪第二個香港，大中文傳媒咪又乃工，一肚氣。
2個讚
你係唔係獨居？我識人去德國做嘢，又係唔識德文，但佢同個包租婆、roommates、仲有同事都傾到幾句，佢興趣都多，旅行、煮野食、yoga都啱，基本上佢個人都好西化…
學其他jm講，性格心態都好影響
有朋友嫁去德國，知道佢溝通會用德文，但都有華人朋友。我見佢成日煮好野比屋企人食，例如炸蝦餅、水煮魚同包餃子。歐洲我唔係好熟⋯咁有冇打算學德文呀?如果溝通唔到，個問題都幾大，明白你心情。
我有學德文，但係都好難學，發音文法都好難，尤其發R音，覺得冇可能學到，所以覺得係英語國家會好D。
香港變成咁，都唔係好適應了
4個讚
你去咗幾耐？當初為咩要走呢？
R音要練習，其實你唔係呢到大，唔好諗住自己會變成native，同埋成人嘅口腔肌肉已經講慣廣東話，所以唔同小朋友可以學得咁快同咁好。
移民心態要改變，或者嘗試吓欣賞呢到嘅好處，唔好成日諗住香港可以咁呢到無得咁，你只會愈嚟愈負面。
其實你當佢係 L + he 混音會唔會容易啲？
一但發到一次，你以後都識讀架喇
講真德文直接過英文，只係因為由細學拉長左唔覺辛苦姐
英文發音好多exception都要特別記
我奶奶跟我過來澳洲
佢好唔習慣
特別係呢段sars2時期
日日同我講香港有幾好, 想番去
但佢講緊嘅係無SARS無黑警以前嘅香港
如果我喺呢邊搞得掂, 真係唔想佢喺度
朋友話德文有喉嚨音，佢同我講似咳d痰出來，咁諗會唔會易d?
其實唔需要完全發到德文個R音 人地都會明白你講咩 唔好執著呢啲嘢
你住瑞士城市定鄉下？ 識唔識渣車？ 呢啲都會好影響你生活
1個讚
而家溫哥華多倫多比香港更愛中國，短期內都唔會改變到
1個讚
12月去完溫哥華番黎，richmond同大陸係無分別，全個區超多大陸人，我親戚車我地去飲茶都diu話果邊d人唔識揸車，亂咁揸
最失望係去咗間好出名港式糖水舖，裝修環境食物都係港式，但全部waitress只會講普通話，英文好似都唔識講
如果真係考慮加拿大，去victoria環境同人好好多！
1個讚