唔好坐這山望那山, 通常都係你睇人好人睇你好姐, 好似其他JM講, 係心態問題姐, 言語唔通咪學, 德文唔係真係咁難, R音發唔到唔緊要架, 好多香港人口音都發唔到某啲英文音, 但佢地英文好好, 溝通一樣流利.
我係教語文嘅, 可以話畀你知, 克服發唔到嘅音最緊要係consistency, 錯唔緊要, 你一直用同樣嘅方法錯人地一樣聽得明
食物冇選擇全世界除左香港都差唔多係食返LOCAL野, 咁掛住香港嘢食咪煮囉
咁講, 加拿大咁親中, 長遠黎講瑞士穩陣啲, 唔係你下一代又要喺加拿大上街姐, 咁諗會唔會好啲?
1個讚
加拿大都咁多大6人，奇實哩度都好多，全世界都有佢哋D人。有次去唐人超市買嘢，仲比佢哋串叫我返Hk，又話香港人高尚D，果時反送中，佢哋好憎香港人。
有次同臺灣人傾計，佢將中國人、香港人同臺灣人分得好清。由嗰日開始，我冇再講大陸人、內地人，好有意識咁叫From China嘅人做中國人。
1個讚
我明呀 我之前係德國住過年半 學左半年德文超難 啲野又難食 日日都自己煮飯咁滯 你係瑞士係因為讀書 做野 定另一半呀？
乜料！勁嬲喎!!! 串返佢咁愛中共又唔死返上去!!!
2個讚
我係法國，黎左十年有多
語言係移居歐洲一個難題，我都係發唔到個R音，照發，唔理…黎一個全新地方，面皮要夠厚，唔好怕放膽講，法文都係好難，其實你講到啲重點字，啲文法其實可以慢慢再浸…就算法國人都成日被其他法國人捉grammar，所以我睇得好開，錯就錯啦，知道既話下次咪改囉（我又唔係專登講錯，right?!)
其實移民去一個少華人既地方係好好架，比你去多倫多溫哥華…咁不如返香港（搵錢易啲)…我仔學校有華人家長，頭都痛埋…我係呢度都無朋友架，我又宅，又唔鐘意埋華人堆（學校有華人家長真係好頭痛唔係講笑），咪上網吹下水囉
食物你要慢慢發掘，中超一定有，差在係邊…我要揸9個字車先有間好啲既中超…一兩個月先入一次貨囉…咸蛋/咸魚又可以自己整又或者超市有replacement…無哂臘腸咪用chorizo整煲仔飯囉，嘻嘻
網上都有中超，可以搵下，慢慢黎啦，幾多人想走都走唔到…
6個讚
我當然串番佢啦，我就係話叫佢返大陸
1個讚
其實食我都唔怕，最怕d信，又唔明，有時又收到D賬單以為要交錢，点知係捐錢。同D香港朋友講想返香港，佢哋個個都一樣，千祈唔好返。佢哋想走都走唔到。
2個讚
絕對明白
連自理都變得困難 要突然適應過 係非常痛苦
我前年relocate咗嚟north east England
呢到啲人口音非常特別
開頭跟同事成日溝通唔到
明明大家講緊英文 我可以一粒字都聽唔明
開會好大壓力
因為完全catch唔到
加上自己好內向
好挫敗
開始懷疑自己 究竟係咪做錯決定
到而家嚟咗兩年 雖然未完全適應曬
但學其他絲打話齋 心態好緊要
唯有接受挫敗
7咗都無辦法 下次唔再錯就得
至於朋友方面 我都係孤伶伶過嚟
有時用交友app識吓人
再唔係同朋友 屋企人Skype都得
希望幫到你
3個讚
樓主身邊有冇屋企人?定係得自己一個?
Google translation 幫到你…而家出埋camera translation…怕睇唔明？用個鏡頭睇睇，香港人咁醒，就算佢地譯得麻麻我地都明啦
你過黎做野定係移民？會唔會有啲平平地既語文班？法國拎長居要有一定法語基礎…當年過黎我只識bonjour merci…要上250鐘堂（免費）
我住個鎮都有法文學…水平麻麻既先有得平（幫助融入嘛）…120歐學一個學年，一星期兩日兩個鐘…當年學完就叫做有B1/B2水平
Geordie!!! 就算當地人都覺得唔易聽，根本唔止口音，係佢哋根本講緊dialects!! 我以前响北部返過工，佢哋自己當地人都有溝通問題
你講得啱，心態好重要呀！加油呀！
我而家都煩緊留响香港定走！
我有朋友去咗Vancouver ，老公主要响香港兩邊飛，仲未計出business trip…朋友拎spouse visa，佢覺得好悶，當地有朋友有車揸走圍去，佢都好掛住香港嘅熱鬧同多人。佢有屋企人過去陪佢但佢唔鍾意煮嘢食，唔鍾意做家務又唔鍾意响屋企。最後佢忍唔住返香港，話以後都唔走，佢話真係適應唔到外國同唔識學佢哋文化。
佢個仔讀咗年幾書都要返嚟。
Wye aye! Geordie.
有乜可能聽得明
1個讚
溫哥華已經成個香港咁，要熱鬧去downtown ，食物新鮮我真心覺得好味過香港既餐廳，不過你朋友「唔鍾意煮嘢食，唔鍾意做家務又唔鍾意响屋企」就難搞啲，可能我係香港係ftm，呢邊有勁大部洗碗碟機同乾衣機我已經做少好多，我已經好満足，我好喜歡看書，買部kindle 就可以睇中文書，感覺同香港既朋友同步，可惜呢度冇香港咁多藝術文化活動，我係呢方面失落喲
就係好似你咁講，其他朋友話佢Vancouver 已經係最好，佢哋話飲茶食川菜都好好味，香港人又多，佢哋唔鍾意煮飯都學整焗牛同海鮮。所以個問題就係我呢個朋友tune唔到心態，佢之前都係ftm，不過乜都俾兩個工人做，成日去街嗰啲。所以佢就點都適應唔到。
鍾意睇書，自己識享受慢活真係好重要呀！
文化藝術夠少呀？我仲以為好過香港。我識一個加拿大藝術家，不過佢都係周圍飛，見佢响美國發展得幾好。
西方人學廣東話, 講到怪怪地, 你都會明白, 唔洗太介意是否完美本土口音.
最重要係認真思考為什麼移民瑞士, 目的是什麼? 長遠計劃? 為了做德文教師? 為了食港式茶餐廳? 為了行商場?
如果沒有明確目標, 很容易迷失方向, 因挫折而放棄.
2個讚