在親子亡國日子已很久, 2009年(下面已更正)汶川發生大地震, 我日日係BK聽有關新聞, 次次睇親圖片, 都哭成淚人,我捐了500元, 但平日的我是好節儉架!日日帶飯盒! BK媽咪說捐了只會給了大6貪官, 但我還是要捐, 所謂血濃於水, 當時美國紅星SHARON STONE罵大陸人是抵死, 我跟其他BK媽咪出十幾頁罵呢個史朗沙東. 到2014雨傘運動, 我仍然係一隻港豬,覺得班年青人不面對現實! 可以說我是淺藍C.
(補充現在小強國這麼強大, 我是一毛都不捐的. )
2019年反送中運動中, 我比班年青人感動了, 佢地團結精神, 無私心奉獻, 關心別人, 為自由民主付出犧牲&努力感動了我, 感動了全世界. 再傾吧!
82個讚
唔好意思，2008 年 ga
2009係重建汶川的新聞, 謝謝! 發生係2008年5月12日!
歡迎加入 
1個讚
Same, 一見大陸有事就捐，汶川地震、紅十字會、山區兒童長期捐，比人話我好心做壞事。後來知道原來根本冇幫到人，全部cut . 依家連無國界醫生、保良局都cut 。
由反送中到疫症，佢哋一啲都冇幫過香港人！特別係香港年輕人！
當年李察基爾撐藏人、莎朗罵大陸，我都好嬲佢地「想搞亂中國」，由年青人被暴打致傷殘、721白衣幫、員佐會集會高叫「x你老母」、曱甴！曱甴⋯
香港年青人，好可憐。
15個讚
紅十字會/無國界醫生我都CUT曬, 方法好簡單, 將張信用卡跟銀行說, "遲"帶花了換過張新嘅, 就過戶不到, 佢地係之前抗爭動運一次都唔出來, 運動中有多少傷者, 都無人急救, 後來啲人出來嘈要 CUT 捐款, 才扮野出下來. 現在我已有急救牌, 可出去做急救. 不過好多示威者比黑警打到頭破血流, 屈斷手腳, 砸爆胸骨, 我地EMS幫唔到. 
13個讚
心痛… 真係好心痛…
朋友的女兒是護士,說女兒看到的所見所聞, 黑警虐待示威者, 手&腳同時上手扣, 像狗一樣在醫院拖行, 醫護過不到自己良心, 大罵黑警, 他們死了你們負責嗎? 你看很多醫護人士撐班抗爭者呢!事出必有因!
20個讚
歡迎你
我都相信好多醫護係黃，有少少人性既都冇可能唔心寒吧？
睇住咁多小朋友咁既既傷勢
唔知以為果d係強姦殺人犯呢？
4個讚
我以前都捐俾強國，又汶川，又宣明會助養中國小朋友
個時未有黃藍之分
今日？我一亳子都唔會捐，cut埋宣明會
點解強國係咁強大有$，點解連自己同胞山區小朋友都養唔起，要我地外人捐? 侮辱左強國囉
14個讚
我個時打去話Cut助養，佢問我咩原因，我話香港咁嚴重人道災難，你哋都唔出聲，又唔幫助，我睇唔出有乜需要你哋呢個機構
20個讚
以前強國冇咁專制
咁似我嘅！地震當年我又係透過我小朋友學校捐咗$500。反國教、佔中我好唔中意黄之峰、三子，仲好支持689。之後開始睇到中共對香港打壓,再加上去年反送中運動，班狗賤行，正苦對反對者的不公義等等，已變得深黄！
11個讚
一直以來香港人幫過大陸幾多，冇香港都唔會有今日的中國，好似當年華東水災，幾多香港人捐錢，咁多年又起過幾多希望小學，班強國人從來都冇感恩過，而家仲反轉豬肚，真係忘恩負義
9個讚
以前覺得689很好, 將班大陸大肚婆趕走.
黃之鋒的樣子很似河童.(主觀感覺)
殖民地政府總督都不是民選;美國總統是民選,也不見得很好。
現在真是迷途知返, 我醒啦!
現在共慘黨今非昔比, 用恐怖手法逐步將香港嘅年青人殲滅, 佢地死曬啦，將來我地就賤過地底泥!
國內搵一班小粉紅移民過來,到時我哋又老 ，如又有病 ，真係只能比人撳住嚟打, 說你是: 漢奸
走狗, 賣國賊, 勾結外勢力, 牛鬼蛇神…所以我趁著仲未老到行唔喐, 一定要撐班年青人,抗爭到底!
22個讚
歡迎你！都有留意到你係對家嘅留言，比班癲婆圍剿，覺得你好勇
，我哋呢度好多人都唔敢喺隔離留言，嗰班人好似癲狗咁咬住人唔放，不過估唔到你以前係淺藍。
無計啦, 我全家都係藍的, 家庭食飯去黑心酒樓, 得我一個唔去, 家人有物業, 有股票, 有公司, 佢覺得D年青人搞亂香港, 我說年青人拯救緊香港, 等香港喺共產黨的魔掌之下沉淪得慢一點, 我成日都同佢哋鬧交㗎!
我唔知自己係淺藍, 係啲黃絲朋友, 把我歸類為淺藍, 基本上我亦明白到, 黃藍是政見, 黑白是良知,做人最重要有良知!
衣加無捐比紅+字/無界E生, 去黃店問下有沒有手兄單未找, 找一張半張.
14個讚
你可以醒覺，已經好好，我身邊有D自私冷血藍屍，真係都知正苦，黑警有問題，但因自己私利，仍然掩住良心去鬧D細路!
我都係會搵方法助養小朋友
幫到幾多就幫幾多
我真係一方面好驕傲香港有班咁高質素的後生下一代，但又好痛心佢哋！
佔中，我應該係淺黃，但我個時只關注件事，但冇做過D乜，宜家諗返真係好慚愧
到宜家我自認深黃，真係可以做既事都想盡力陪D手足一齊做
12個讚
汶川，我有捐錢，有朋友講同一番說話，話會益曬啲貪官。我嗰時心諗，就算100蚊俾人層層貪，貪到最後得返1蚊我都希望佢哋有1蚊喺手。
雨傘，我心態係支持後生仔，但我仲係好港豬，純粹係雞蛋與高牆我認為要支持雞蛋。我無做啲乜嘢去幫佢哋手。
到今時今日，我都醒嘞，我發現如果我乜都唔做，啲後生仔真係會死得好慘！
我係無能耐去堵路，我無勇氣去私了，
但我要捐錢、捐俾星火、捐俾612。我要幫襯黃店、抵制藍店。
上次區議會係我一生中第一次投票。
我希望我都可以出一份力，雖然做到嘅好少，
但我會做，會繼續做落去。
20個讚