黃家長,抵制內地交流團

以我所知,你企硬學校係冇得迫你子女去嘅

但我估長遠會出好多招數例如話計評核分,要你細路唔去但日日返學,藍老師針對等等

嘩,攪咩分化?

唔好誤會,我意思係啲家長如果唔想子女去內地交流團要企硬,尤其是洗腦嗰啲

多多包涵

1個讚

所以真係要揀理念背景同你一致嘅學校!

我教書朋友話好快係compulsory

教育局壓落嚟

亞仔小五定小六時有個深圳交流團,即日來回的。我開頭都唔比佢去的,話危險同冇回鄉証。但學校打黎問長問短,又話要向教育局解釋,又搵埋社工黎勸。其實我都唔介意佢唔去留校自修一日,但個社工勁煩,又話好安全又乜又物。最後唔想搞到校長(校長是個好人,不是奶共校長),所以妥協比佢去。

所以就算理念好嘅學校都會受壓

但教育局好怕家長,佢自己縱慣,用家長壓力欺壓老師,所以而家只要家長企硬就得

1個讚

講真,好少老師因政治針對學生既,黃藍都未見過。

暫時,好多交流團都可以㨂去或唔去,唔去既學生,當然要返學校。唔可以又唔去又唔返學架。

又咁講,都睇下交流既目的係咩?如果有主題又學到野,又未必因為係內地就一定好抗拒既。不過暫時都未比小朋友參加過內地交流團係真,都係因為內容唔太吸引。學校都冇咩話唔比唔去之類。

唔申請回鄉證咪唔駛去囉

可以去,但係要好清醒。我個黃絲朋友大學一直有參加類似活動,初頭一定好食好飲招呼,跟住帶番參觀祖國強大乜乜乜。不明真相一定會比洗腦話宜家中國點點點好。背後D污糟野又冇人知。

1個讚

內地交流團,一去不返

我讀書時都去過,應該係香港初代洗腦團。團費特平又有得玩又有得食,又好多景點帶你去睇,果時仲有個中聯辦主任會跟團安排。除左錢,唯一付出就係每日都要聽佢個國情講座,最尾果晚就分享返你對祖國既睇法。我果時都有唱好中國架。

我覺得如果個人冇返咁上下定力,同埋冇睇咁多中國新聞,知佢咁多衰野,應該都幾易被洗腦。

前老師想澄清下:

  1. 教育局係用錢利誘學校舉辦同根同心,學校唔一定要搞
  2. 家長選擇子女唔出席,唔需要理由,無須向教育局交代
  3. 如果選擇唔去,要照返學校係正堂做法,因為唔可以少咗上學日。但多數返半日
  4. 同根同心基本上係利益輸送,送錢畀投到標嘅機構,咁你自己諗下咩機構會入到標
10個讚

好彩我哋學校係自願性質, 你想去都未必有位, 哈哈

我都去過,果時u 都好興,不過一聽煲冬瓜就進入sleep.mode,好在果時唔計分

其實如果想下一代知道中共既問題,就更加要去交流團,等佢睇完好既一面再比壞既一面比佢睇,受過正常教育既都唔會接受到個反差

無回鄉證,唔會去
如果強制去,就算俾哂錢到出發果日我都會同佢請病假

1個讚

有食物敏感, 唔食得大劣野, 上面咁多食物安全問題。

一定唔去啦!以前淨係驚治安唔好,e家過關比公安捉仲淒涼,尤其中學生千奇唔好返大陸。

我仔而家中三,小六果年學校取消咗個畢業宿營,改去深圳一日交流,好多家長反對,最後我個仔係冇去深圳嘅,記得都有小數一樣堅持唔去。