我係做旅行社，都係專幫學校攪遊學團嘅，教育局係會有好多資助比學校，以極底的團費吸引學生參加，我自己都跟過去好多次，坦白講我就唔覺太過洗腦嘅，都係吃喝玩樂，睇下景點，而學校一般都唔會迫學生參加，因為點都有批雙非單非學生參加，比幾百蚊當去旅行返鄉下，不過教育局實在攪太多呢d 團，有時有d 相熟老師都會同我講教育局要佢地交人數，其實由去年開學到而家，學校已經少左攪國內團，一來唔少老師都黃，二來好多家長唔想比細路返大陸，以往可能旺季一個月有10團返大陸，而家可能得一，兩團，其他全部都轉哂去新加坡﹑韓國等東南亞地區。
下！而家已經咁有冇搞錯，係咪政府學校？
我唔會做回鄉證比小朋友
我教書朋友話而家就自願，遲幾年唔敢講
搞過幾次都冇去，冇諗咩洗唔洗腦，純粹覺得有咩可能會俾個仔跟學校上大陸，佢就玩得開心，我係香港實日日提心吊膽，唔見左點算。
大陸咁危險點放心俾佢地自己去
如果去過合法遊行都最好唔好。
我同事個仔俾人在大陸關扣住左成幾個鐘。
雖然無事但都嚇死。
以我所知, 有間小學P5/6 真係強制性要返大陸架…
不如大家幫手爆埋有咩學校好鍾意推內地交流團，同埋係真自願定一定要。
我先，之前睇WKF小學網頁好多內地交流團，好著重中國文化紅色內容，自反送中之後刪除晒，扮好國際化。希望佢係自願性質咁參與啦。
其實我見過好多大少少嘅
上完去都勁憎大陸
WKF 梗係紅啦
邊有得強制丫，我冇錢報，報左個日病左，唔見左証件etc
我身邊嘅做法係直接唔申請回鄉卡.
你吹得我漲咩?又唔係犯法
大學讀書參加過，好平嘅價錢包埋機票食宿。最後一日主辦單位收集返每組意見同感想，我地組認真咁提出一d安排上可以改善嘅地方，被香港呢邊嘅人彈返轉頭話唔可以咁寫。由支筆最好嘅同學仔重新寫過一大遍淨係讚美歌頌無內涵嘅感想出嚟就過骨了。
係？好似知道啲實際情況咁喎
有咩其他例子？我只係咁岩搵學校睇過啲資料
無回鄉證得唔得?
一定要去的話, 返來要好好同小朋友做家庭教育, 免被洗腦.
我都覺得蛇咬唔去吹我哋唔漲
只要發展小朋友嘅獨立思考能力同保持好好嘅家庭關係，其實去幾日camp係唔會影響小朋友嘅認知。如果個交流團係有正確理念，多走多看絕對唔係壞事。
我覺得問題係唔想益佢
1個讚
以我同咁多間學校合作過，就冇乜聽過話強制性要學生一定參加嘅，因為大把大陸學校舉手參加，只有少部份學校每年都會攪類似畢業旅行，全個六年級都要一齊去，年年都係返大陸，當然呢d 學校我就投親標都唔會中嘅。