好難接受，但唔到你唔接受
出十幾萬貨，埋單收2萬7？
仲有另一單
疫情之下，吉舖林立
龍門+45%頂租沙田屈臣氏舊舖
3月9日報導
點拆？
由運動開始到現在，已經10個月。我由一個只可以對住電視鬧仆街政府，但又什麼都做唔到嘅師奶，變成左一間公司入面所有小朋友嘅媽媽。
「良心」係呢場運動上係好重要，當我遇見「良心老闆」嘅時候，我好慶幸能夠有一個機會去幫下大家。亦因為咁而識到呢班小朋友，呢樣係我最感恩嘅，表面上係我照顧佢哋，但實際上佢哋對我比我對佢哋更好。佢哋同我講「只要媽媽想繼續行落去，我吔一定會陪妳」。所以我係到真心多謝「良心老闆」讓我遇見呢班小朋友。
係呢個疫情期間，無論「運動」、「手足」、「黃色經濟圈」係處於一好重要位置，但「良心」更重要。大家叫他「良心老闆」，莫非佢就唔會錯，唔會貪，由於佢係「良心老闆」就唔可以將佢做錯嘅事講出嚟，等少啲人受害？
C+Club 係本身我公司嘅公司名。係喺2019年11月2日先正式開張。（所以唔係坊間所傳出本身公司有經營困難）。
所有事嘅開始係由2019年12月13日開始，張俊傑先生經我朋友曾小姐聯絡我，希望大家可以合作開工作坊，教年輕人整餅，等他們有一技之長。張俊傑先生同我講「小朋友人工由佢俾＄60/小時」，其他支出扣除成本，如果有利潤五五分帳。人手方面由佢轉介過黎，出貨由義工家長去做運輸，亦有義工家長黎做曲奇。而我當時覺得係好好嘅，因為我係一心諗住如果係有盈餘，咁就可以繼續做落去，繼續幫手足。就係咁，C+Club 開始轉型。
第一個合作計劃係喺聖誕節，張生一開始同我講會出兩款曲奇，每款777件，合共2款共1554件。第一日開始課程係12月17日開始。但去到課程第一日就收到通知由777件貨變1300件，即2款合共2600件，每一件貨係唔止一塊曲奇，每一塊曲奇，由量粉，印模，手繪都全人手。但12月23日開始要出貨，鋪頭每日由上午九時開始運作，有小朋友係留到要坐通宵小巴走。我哋仲有4個通宵班手足做曲奇，佢哋專門印曲奇，佢哋四個做到雙手係起晒「枕」。由於出貨量超出我預算，所以聖誕曲奇係延至1月1日至出晒，係呢到我想同返各位同路人講返聲對唔住。
到完左聖誕節又繼續新年曲奇，當時我已多次強調不要超額接單，但最後都一樣係超額。我們唯有繼續密密做。但去到最後出貨，問題開始出現。張生表示唔夠貨，每次我們都落足貨，但每次落完貨冇耐就已經話唔夠貨。而到3月份嘅時侯，發現龍門分店有當時新年龍門期間限定的黃罐曲奇售賣（但以時間計算，那些曲奇是已過期），哪一刻就開始知道，我們當初係無出少貨，而係有人要多貨。
而新年前後嘅時間，除咗整禮盒出貨，另外亦要接你嘅到會訂單。我哋地方淺窄，真係無咩空間曲奇同到會同時出貨。
張生你話：
我無良心 ： 係邊個接單接到唔肯停，大家為咗你唔肯截單做到幾夜。我同阿寶做呢兩個PROJECT，一日假都無放過，我屋企有兩個小朋友，我見到佢哋嘅時間，基本上係無，我唔係話我有幾偉大，但我係有付出，因為我知係我度做嘢嘅手足更有需要。係邊個喺手足想出去「發夢」嘅日子，都想啲手足唔去「發夢」返黎返工，幫你出貨。初一、二、三都想大家繼續出貨。你同人講我出糧出條數大，手足係你轉介過黎，我叫朋友黎幫手，全部係義工，無收錢。大家都係諗住幫手足，但要俾你懷疑我哋黎呃你鐘。你鍾意做Show無問題，成日要我哋去影手足做嘢嘅相俾你Post都無問題。但你係當手足係手足，定係幫你做配角，去突顯你嘅光環？
我貪得無厭 ：你係精算師，你睇到盤數，我哋第一日開班係12月17日，盤數所有支出，我都只係計一月份嘅人工，支出。而開業時嘅設備、投放資金我哋完全沒有計算在內。小朋友早、午、晚嘅膳食係我同合夥人自己出，你可以問下班手足有無挨過肚餓，有無食過冰凍飯盒，每日都係我煮俾佢哋食，煮完我就去整曲奇。第一日20人，早期高峯有40人，平圴每日有約25人。你做開飲食，你不如幫我計下條數。
我唔知足 ：我11月2日先開張，你自己同我講，我開張嘅日子係你生日。我新開張就要向你救求? 救我盤生意? 所有客人俾嘅錢係直接入龍門戶口，唔係入去我戶口，客人入多左數，不論心意箱定銀行入數，我都唔會同你去計，只會按貨量去計貨款·。我都想知我點唔知足法。
盤數咁耐以黎，我都係3月5日搵你個會計師傾，你先開始回應。錢係你收，你連貨款收入有幾多都無俾我，你係精算師，你又有會計師，但點解都今時今日你都講唔到兩個PROJECT嘅收入有幾多。
我唔出黎同你見面? 我真係唔敢出，我無後台，但你每次上黎帶住叫雄哥嘅人出出入入，唔通我唔驚咩。仲要連陳聲師父都俾你恐嚇，我無後台，我只不過係一個普通嘅師奶。而我啲小朋友亦怕我有事，個個叫我唔好出。而且有咩嘢唔可以係WhatsApp講，每次同你喺WhatsApp講，你都只係重覆話睇唔明條數要出黎講。
個個黎做嘢嘅手足都好清楚，我唔會收起食譜，所有食譜我貼係牆到，無論曲奇食譜又或係蛋卷食譜。我好清楚知道自己係想幫年青人，我唔介意佢哋帶食譜去其他黃店整。但當我知道你點去鬧「一起果醬」嘅老闆，話人哋做咩聘用已離職嘅龍門手足，你仲話啲手足係「狗」，我覺得我有需要講出黎。咁你叫大師兄去你哋到做，再用同一食譜同樣品牌材料，同一個食譜去做曲奇。你又覺得自己係點樣嘅一個人?
「手足廚房」
「手足廚房」成立Instagram 及Facebook 專頁由2月12日開始。成立「手足廚房」時，我們絕對沒有沾「龍門冰室」的光，在 Facebook上，龍門冰室屬於替本公司寄賣曲奇之其一店鋪。所以不是傳言中，本公司靠龍門冰室名聲起家。
由2月至3月，「手足廚房」共出貨值十幾萬嘅貨款給龍門。但我們與龍門對數時，不但沒有將新年所賺的錢給我們繼續運作，連「手足廚房」出貨共十幾萬貨款亦扣除一半，最終「良心老闆」得出連之前兩個 PROJECT，可給我們的金額只有二萬幾，但呢個金額我不能接受。至於你本人在Facebook post嘅入票紙，時間為 21Mar2020 20:39:50，金額為HKD 27,061.14，你並無告知本人有關事宜，本人亦會將有關款項退回。
張生：你話你扣除一半貨額係因為你已入股本公司。
第一 ：入股本公司之文件未完成。
第二 ：假設你已入股本公司，你佔30%，本人30%，另一股東40%。你點解可以將「手足廚房」嘅收入扣除一半？
第三 ：你係精算師，係多間分店老闆，係你未扣除成本、開支就直接扣除我哋「手足廚房」嘅貨款?
第四 ： 係你個會計師同我講，你唔想我同「光榮」、「渣哥」、「杜生」合作。你亦只係想我哋只供貨給你。呢個是「黃色經濟圈」不是「龍門經濟圈」。你有咁多分店都要告急。咁其他小店呢?
呢到我亦希望大家知道，「手足廚房」在二月至今是以「自負盈虧方式」生存，亦沒有接受其他人仕或機構資助，全靠各有心人購買我們的貨品及其他小店俾我哋做寄賣點。當然，財政壓力係有，但我亦希望可以係我能力上做到都繼續做落去。
本人Sara亦希望同大家講解一下，「手足廚房」現時情況：
由新年後到依家，每日都有15-20人返工，每人時薪$60。
只要小朋友早返，我哋係會準備早餐俾小朋友食，午餐亦一定有。
工時每日 8-10小時
租金 ： 兩萬幾
有人話我哋係人血饅頭，我都想大家計一計。所有曲奇、蛋卷都係人手製作，無論同客人接洽，包裝，都係手足落手落腳去做，再加上材料費，運輸費各樣支出。
我哋哋方有限，設施有限，出貨量唔多，收入同支出唔成正比，唔好話賺。就算好多人同我講：「Sara你咁樣唔得，你要減人手。」我都唔想少任何一個，佢哋個個都叫我「媽媽」，試問我點樣揀。但行到而家，係我極唔願意嘅情況下都要做決定。
張俊傑先生，你要點話我都好，唔緊要。最緊要係我班小朋友明白我，清楚我為人。我對得住我「良心」。我無對唔住任一個「手足」及「同路人」。
最後我想講嘅係，作為同路人當然希望抱著不分化，不割蓆，不鬥黃嘅思想，但卻不斷被張俊傑先生你去壓榨，你嘅種種行徑令到「手足廚房」面臨倒閉。當然被係張俊傑先生你去壓榨嘅有心人唔淨只我哋「手足廚房」一個，到底係「分化」定「黑白不分」，請大家自行判斷。在此亦希望各位同路人可以引以為鑑。
有關於以上所提及而提出之問題恕不回應。
2個讚
其實我唔係好明，有d鋪頭只係貼文宣，大家都踴躍同願意支持。但龍門老闆假假地都叫入過紅磚，就算佢係利字當頭都好，我相信唔會一蚊都無幫過手足，但咁樣大家就接受唔到。
同路人無pk呢個根本只係大家既一相情願。如果大家做事手法不同就要批鬥咁其實同和勇割蓆有咩分別。。。
5個讚
生意糾紛同黃藍人血係兩樣野來嘅。
6個讚
我唔會批鬥，因為我哋冇分化本$
其實黃圈唔細，唔幫襯呢間，咪幫襯第二間
同埋我好簡單，偽黃、假黃同藍
我一定係要藍收左皮先
10個讚
我只希望，大家醒一醒
被業主吸血，冇人想
被「同路人」吸血，更加唔想
4個讚
我都覺得係生意糾紛
1個讚
x 2
分唔分化都好
事實要比多d人睇，大家自己判斷
而唔係將事實淹沒
邊個請手足做野，我就優先幫襯佢，因為咁做最直接。如果手足廚房一間舖仔幫緊15-20個手足，我會撐佢。
4個讚
佢D曲奇好好食
一單就話生意糾紛
同親龍門合作都有收少錢問題
我一定唔會幫襯吸血黃店
話之你宣傳到幾黃
搵埋蘋果鱔稿打造個人形象都好
黃店同時係良心店至好幫襯！
3個讚
如果覺得曲奇好食
可考慮手足廚房，由C+Club管理
張生做到咁大，我發夢都想佢係好人
…陳聲d事我都冇理，因為口同鼻拗，沒完沒了
又再一個C+Club？
唔通咁多人被中共收買，搞唱衰？
如果你想多d人了解件事，可能要出埋龍門既回應，或者由6月開始佢地做過既野，所有受害者既說法，咁先可以判斷。
利申：我自己too long didnt read, 有得揀唔食龍門，無得揀會食。
5個讚
多D資訊比大家判斷都好嘅，文章語氣又唔算話批鬥。
如果合作不愉快，支持搵光榮、渣哥，仲有膳心小館，甚至好似和你宵、和你包咁樣賣啦
黃色經濟都係自發嘅，消費者可以自己考慮唔同資訊（抵唔抵買，夠唔夠黃）來決定，因為每個人取向都唔同。（不過個人覺得盡量罷藍係大前提）
同樣，供應商如果覺得合作唔抵（或者唔夠黃之類），都歡迎更換合作對象。講出來比其他供應商決定同預防都係好事，呢D都係正常經濟力量。
如果市場唔歡迎一D行為，自然會失去顧客/供應商，呢個同「唔好食」一樣。原文都無批鬥語氣嘅，分享資訊等供應商同顧客自行判斷，都係好事。
1個讚
我會幫襯左小店先，亦唔會額外捐錢
1個讚
生意糾紛!
我吾會100%信哂一邊, 只要佢地都係黄色, 又出過力, 我都會支持去食去買.
但$就吾捐, 情願將$去幫襯的黄色小店。
2個讚
Up 希望多d人知
了解後自行判斷
same here
龍門同美心，點都要美心收皮先啦下話
3個讚