宜家唔係唔信佢手車，係唔信其他司機，車嘅機件有問題，條路有沙有油漬，點避？
各位忽略左個問題：
事主老公飛車相信係想減壓。
初為人父，好多野其實係不知所措，有機會因為影響自己生活而不滿，亦有機會因為經濟壓力胡思亂想。
如果想「強硬」叫佢唔飛只會有反效果，講其他人案例都未必有幫助，應該係搵出佢有壓力既原因先，如果係驚影響社交就易解決，經濟問題就兩公婆一齊努力啦。
2個讚
如果係我
我可能會諗下 佢係鍾意電單車? 鍾意刺激? 鍾意同電單車班朋友出去?
睇下搵唔搵到替代品比佢
唔渣2個碌 渣3個碌果隻電單車又得唔得? 果隻安全d 又有型d
再唔係貴d 換架私家車又得唔得? 皮費貴 皮肉重貴
睇完好想樓主舉報佢
超速同醉駕一樣…會累到人
2個讚
我地經濟完全無問題 …
壓力？ 無講過，如果係咁，可能我未懷孕已有壓力，以前都有出車，有無飛無證據，但應該唔會慢得去邊。
我覺得佢鍾意圍威喂咁同吹水認叻。
三輪同46都唔考慮因為車位貴 ， 玩26因為平咋
點解咁多野都係我估估下？ 因為佢唔會同我分享負面野，乜都收埋，完全收埋。
會寫上塊面，但原因、感受，唔會分享。
再問就發脾氣
唔問就放任攪到今時今日咁
我覺得好似教緊個青春期少年咁
咁應該係你老公成長環境令到佢有呢種性格
以前我都試過飛車，係好開心既，不過年紀大左反應慢左就慢慢失去興趣(加上架車又唔係快)。
一係咁，9個月B應該開始想講野，如果可以令到佢覺得有個B好開心可以同朋友show off既可能就唔會飛咁多車。
無show off bb ， 反而無比車友知，話廢時煩
傾完，佢形容炒車起返身，同我炒單車起返身一樣，都係唔會放棄
純粹鍾意渣，唔係去鬥車
結論：佢會堅持呢個興趣，小朋友同老婆唔係考慮因素
我再解釋，又開始無視我。
已讀不回
其實我覺得, 最大的問題唔係飛車本身, 而係佢無視家人和愛佢的人對佢的擔心
呢個係極度自私的行為, 我好懷疑佢愛唔愛妳, 愛妳的話, 我覺得唔危險都好, 會聽你講唔玩
好明顯佢無係對方角度諗, 我行我素
有冇其他軟手段可以用, 例如你話佢似青春期細路, 咁就緊係用"父母" 去管佢
話佢父母知, 鬧到佢狗血淋頭都好?? 行唔行得通?
1個讚
話比佢家人知更會有反效果，萬萬不可
佢話好愛好愛我同bb…
你明, 口講無用, 口講都要配合行動,
我夠可以係度講, 我都好愛你。咁代表乜至得。
1個讚
你唯有講多D如果佢有咩意外你同小朋友點算…
我覺得只可以令佢諗多D你地﹐
令佢對飛車猶豫。
1個讚
係都要渣住我三年前炒車做例子
當時，我都叫做半個「業餘單車手」，會出去馬路練習。有一天，係公路踩到最快時，碌到粒石仔，就咁就炒左，頭盔爆了，撞到頭暈暈，皮外傷亦有。幸好唔駛入院，自己爬返起身走人。
之後，甚至而家生完，我都繼續有踩單車無放棄，而當然時間、體能關係少左好多。只係玩下就算。
我唔知點駁佢，而駁左又有咩意思？
佢話：所以我好小心玩
同意呢個呀
1個讚
得罪講句，人地可以做到為小朋友quit smoking/賣珍藏模型…呢啲其實邊度迫得黎，係個人有自覺，發現原來有啲嘢比自己更重要，身邊人再提點先會當頭棒喝，先會願意作出取捨；你老公飛車呢個行為其實好嚴重，正常人做咗父母都會突然怕死，但佢相反…自己危險有咩事搞到自己老婆仔女都算，條馬路上面仲有其他駕駛者…
你要冷靜堅定平心靜氣提醒下佢宜家要擔戴嘅責任係乜嘢，注意返小朋友未出身之前佢條命其實都唔係佢自己嘅，望佢自己覺悟啦
係… 平時揸車見到啲電單車群鬥快又cut 黎cut
真係想講要死死遠啲唔好害人
2個讚