我都好想舉報佢… 淨係改裝已有得捉，講真，可以點舉報？
無錯，我而家突然好怕死。
以前，我炒完單車都笑笑口話「小炒怡情，大炒更勁」，而家，賣左幾架 （我都係單車迷）， 唔想再玩危險果類路段。
早排踩，發覺刹車唔係好得，我停埋路邊抖，以前？ 照衝，越快越爽！
我係廚房割親手指流血都唔方便抱b , 有咩大事，更加唔知點照顧佢。
2個讚
好同情你。。。可能只要等佢長大
2個讚
要有一個人生活的覺悟
真係只可以自求多福… 無得逼… 逼唔嚟…
要佢要玩就買重保險有個保障先…
佢鐘意… 去合法嘅賽車場地飛得唔得?
或者話… 對住呢D 男人… 愛佢只可以縱容佢去做佢想做嘅事…
衰DD 講就係哀莫大於心死…
老實, 作為一個人, 危險駕駛非常不負責任! 唔理佢係26 定波子都極之唔要得!
街外人嘅我會想叫佢要死死遠D 唔好害人…
1個讚
香港無車場…
同埋佢地係啲食完飯即興想出去游車河吹下水，唔同
同埋就算話渣到 150， 呢啲係佢地心目中正常速度，「好快咩？」「下渣80我不如唔出」… 係游車河，唔係賽車 …
電單車好危險
我老公趁我去旅行就買左架電單車
跟住唔夠半年出事…車都變廢鐵
好記得係情人節當晚，跟住好似拍戲咁收到個電話話出左事係醫院…
好記得當時仲係正常嘅警察，佢都唔識講野嘅
我出門口前收到第二次電話，佢話「你出門口未？我諗你要快d了…」係咪會嚇死
原來佢話要轉醫院
買重保險安全啲
1個讚
渣開46就知渣26好危險
路面有灘油 有粒石
一派車後邊煞唔切就88
我跟親26尾都好小心
以前我都想渣26
係好型 好free 好刺激
但次次一想學 就睇到報紙新聞
咩爆頭 劏肚咁。。
其實你可以試下做下剪報
嚇下佢睇有無用
我覺得對男人黎講飛車係一種浪漫，我諗起以前d電影？
一係你參考下d明星/藝人點會冇再飛車
買保險同裝備係必須
1個讚
真係太危險
你以前踩開公路單車，半業餘估計你馬路食埋風尾平路都時速40幾50，出車就只想快，果陣叫你踩單車徑同埋jojo踩10幾20你都寧願唔出啦係咪？
佢有佢既興趣，你可以做就係同佢講，唔係要佢放棄佢既興趣，只係為左仔女，要每次出車都平安返黎，只係叫佢應承你呢樣，動之以情，潛移默化唯有。
可以搵下炒車片send俾佢睇下。到你地bb出世相信會好啲，真係多左個人佢要花時間湊
至於你講時速，如果高速行150真係好平常，吐公無可能渣100。我以前坐車尾，講緊只係街車都睇住隻錶去到140，最緊要唔好有路口照飛。子時有車小路轉出/入而唔打燈，而果啲真係估計唔到。幾年有單就係錦田度，架啡鈴橦架轉入油站架大車，個26就著火88左。
所以如果你睇片都可以留意埋咩路段飛到160 。如果一啲雙線雙程窄路都咁，不如同佢買重保險先
2個讚
我係一個鍾意揸電單車嘅太太。條路順又冇車，唔覺唔覺就會上到200…… 超5km係超，超100km都係超速，要出意外行緊50km都可以跣胎。佢飛車，自然有香港法律處理。佢最大嘅問題係俾唔到信心你。首先我唔會令任何人擔心，佢俾你睇到車cam係佢抵死。你不停share d 飛車英雄魂斷大帽山嘅新聞俾佢，問佢手車勁定死者手車勁，同樣情況你救唔救到車，etc。d佬唔驚死，最驚冇面。
1個讚
46，26係咩？
46 = 四個轆
26 = 二個轆 = 電單車
學到嘢，thanks
我屋企人之前都係有join電單車會，久唔久都會去飛兩轉，有時都會小炒下，個時我都開過聲話要小心，佢仲好堅持話電單車嘅死亡率低過私家車。直到車會有對夫妻開開下比人撞到，香哂，得返個仔係度，佢就無再開過…有時有d嘢一次就夠
3個讚
幫佢買份大額人壽先…
1個讚
老公渣開電單車，佢話勸唔到㗎。
既然勸唔到，建議改變自己諗野個方向，用關心佢嘅態度，見佢似落街出車就提佢著好裝備。我老公話頭盔一定唔好貪平，要買好啲嘅。另外，最好有埋胸甲，保護好啲，冇就送畀佢啦！
1個讚
超速出事既保險冇得賠架