其實
實不相瞞
佢已經炒左…
撞到頭，頭盔都爆埋
有短暫失憶，擦傷，扭傷
受傷仲無即時話我知話怕我擔心
我問佢仲渣唔渣
佢話渣
我呢排，心理壓力好大
唔知到佢好返之後會點
收埋個車牌 剪
1個讚
好慘。。。我諗要好強硬先得
如果我話離婚，我估佢唔會留我會順我意… 因為唔想我繼續唔開心
但係，我都唔想個女單親長大
所以離婚我都唔敢講得太大聲…
由我呢個麻甩佬俾少少意見你。
試下寫封信，和佢講你愛佢，BB都愛佢，唔想佢冒險，入面少少指責成份都唔好有，等佢自覺。
唔好直接講 或 做任何跟進，無得迫。
3個讚
唔使下下話離婚嘅
你話佢知你真係好唔開心成日喊，個人大壓力到點點點（要講d具體嘢佢知，例如，甩頭髮，作嘔，手震，集中唔到精神)，喊苦喊忽咁。得唔得呀？
其實冇得逼
要佢心甘情願
就算呢刻你逼倒佢
但佢偷偷出去飛咁你又會點呢??
1個讚
完全明明樓主心情
我老公鍾意開快車，平時我喺度佢都收斂下，我知佢私底下開得好快
講極都唔聽，成日都覺得自己好醒，唯有祈禱希望佢萬事平安
1個讚
一個麻甩佬睇到信會有咩心情？ 覺得感動？ 覺得啲女人好煩？
麻甩佬覺得寫信係感動定煩？
我同佢一齊九年結婚三年，寫過無數信比佢，實體、 whatsapp , 講真我連佢有無睇哂我都唔知。好多時佢當我發脾氣，由我發完就算。
今次我都有話佢做乜唔第一時間同我講意外既事，佢已讀不回我。 之後第一個訊息係叫我去動森賣菜… 我除左嬲佢飛車，仲嬲佢無視我
跟住佢話因為唔知點應我 ，同埋講：
「都發生左，你想我點啫？」 「我都唔開心架」 「你以前都炒過單車好傷啦，我又點呢？」
重點係入面唔好有指責成份，令佢有壓力，否則就會覺得煩。
因為飛車和食煙一樣，你無得迫，亦監察唔到。
記得表達你的愛意就很足夠，希望佢有一刻會自覺，諗下頭家。
如果信入面只是表達愛意和感受，無迫佢做乜，應該不至於煩，但亦談不上感動，只係一個可行方法，令佢自覺收斂。
而且，寫完信亦毋需佢回應 或 承諾乜，反正你其實監察唔到，這些事只有靠自覺。
4個讚
其實，講真，我一滴眼淚都未流過。
但返工完全集中唔到精神，係咁搵啲飛車意外新聞，睇啲人可以渣到幾快。
好似停唔到自己咁不斷迫自己睇咁
心裡面有好多想像
咁你話佢知啦，我怕你影響到自己
真係好難改變到其他人，不如你嘗試自己逐漸獨立，照顧到自己同BB，咁樣先可以慢慢增加話語權，叫佢盡返D責任，同埋亦都讓自己有退路。
擺明手車本身都吾得
迫佢賣車
今次少傷點知下次點架
一個字賣
1個讚
呢個情況真係難搞，我都貪玩學過電單車但最後唔敢渣，因為皮包鐵有時輕輕一炒就bye bye
試下同佢講，而家做左爸爸唔可以淨係諗自己，萬一佢出左咩事咁你地兩母子點算
唔好嗌交，係真係叫佢坐低諗下個問題
叫佢俾個答案你，佢仲堅持既建議你慢慢獨立離開佢
用比較溫和嘅方式去表達你嘅擔心，你愛佢緊張佢先會大壓力，如果表現得軟弱啲又可唔可行呢？如果嬲爆爆咁話佢，可能佢真係當你發下脾氣。硬攻唔得就要軟攻，真情流露咁，佢應該唔會想見到你成日都唔開心嘅，希望佢快啲醒覺。
Err…原諒我實際啲講句，我會幫佢買重意外人壽保險先，佢有乜事起上嚟，唔係話死左就完，一間殘廢左有排醫，起碼都叫有舊錢。
唔好怪我咁講，我真係有朋友炒左爆頭，做左開腦手術，然後個腦同眼都好唔返，要坐輪椅。
或者咁諗啦，當你要佢買重保險時，可能佢先會真正諗下飛車係會死人。
7個讚
係⋯ 我爸爸患長期病要留醫， 對面病床瞓咗個植物人， 因為炒車傷咗腦， 據聞做咗植物人十年。 老婆日日來探，日日來抺身、按摩手腳⋯
有一次聽到老婆講電話話：「我都想他快啲走，我唔駛咁辛苦，工又揾唔到⋯唔通攞個枕頭焗死他咩？」 都幾陰公。。。
1個讚
老實講，我都玩過早危既活動，但生左bb後一來無時間，二來個膽細哂唔想再掂。
呢件事引伸到，到底佢有幾為頭家著想？ 肯為我地放棄幾多？ 今日玩車，第日呢？
意外過左幾日，我就唔理佢幾日，只係有基本生活既對話… 因為我真係唔知再講咩好。
我知佢唔想，個個炒車都唔想！但我地做乜都講機率，搭巴士都會有意外，但機率低，飛車機率呢？
我本身好話唔好聽，有能力獨力湊大bb，但唔代表佢可以咁做。我係咪時刻要做好最差的準備？ 珍惜眼前人？
下？ 珍惜眼前人咁用架咩？你，有無珍惜過我地…
半生不死係最慘
1個讚