身邊嘅包括老豆, 老公, 細佬, 叔仔…等等…又唔係話佢地衰, 但無乜邊個大左會關心阿媽 (特別係結左婚果d, 都係聽老婆支笛多d), 大時大節見下已係比面, 阿媽有病, 去醫院老人院探病煲湯水嘅都係女… 都話女兒係媽媽嘅貼心小棉襖
8個讚
一dd人啦，我老公就好顧家好孝順，不過我都覺得佢係異數。
目測大部份男仔都係冇咁顧家，我屋企d細佬都係咁，大時大節都係我同阿妹搞活動，佢地肯出現已經好俾面。連我阿爸細個有d重男輕女，都忍唔住話都係生女好。
3個讚
我奶奶病
仔女都成日去探
我阿媽都有去探佢添
不過我有個frd係教到個老公一齊唔返奶奶度食飯
仲要搵奶奶幫手湊孫都冇黎尊重
我覺得係個奶奶問題，教到個仔老婆奴，仲要自己做埋工人
1個讚
冇辦法，男人天生唔細心，顧家點都唔會比得上女人，如果個老婆同阿媽唔啱，更加傾向聽老婆話
不嬲覺得生女好 
1個讚
男人通常比較內斂，以我自己為例，我老竇有事唔郁得嘅時候，我每日都去醫院，短側15分鐘。但係我阿媽而家健康走得食得，同我個妹一齊。我又成日唔記得打電話俾佢… 男人正常來講係比較大心肝。。。
我姑拉都好顧家…自己同個女囉！
之前老爺入院，佢已經有姐姐可幫手睇住個女，但佢去醫院探自己阿爸嘅次數就寥寥可數。相反之後，阿女學校嘅義工活動，佢就成日去參加。
奶奶有時會買餸給所有仔女，我做新抱都識整d野食比兩老，相反姑拉無咁做過囉，就算佢唔識煮，唔可以叫姐姐煮再請兩老食咩？
探病呢啲就應該不分男女嘅, 好似我老豆咁都有去探我嫲嘅, 但個INTERVAL疏D咁囉~ 同埋去都係兩手空空去, 想飲啖湯食個橙就MUN D啦~
男人係唔細心，你唔同講佢唔知，你唔叫佢唔做…之前我奶奶入院+療養院兩個幾月，我老公係個個星期去探佢…但「照顧」呢，就…都係我呢個新抱黎好啲
1個讚
好仔不如好新抱係岩架。
3個讚
我已經約定一個又係得仔既朋友, 一齊入老人院, 大家有個照應, 唔駛靠D仔.
3個讚
你好醒!
咁應該約夠4個, 可以打牌 
大部分探病嘅人，女就會動手抹身抹面、煮嘢煲湯拎俾病人，男嘅就多數係翹埋雙手企喺床尾得個望字，或者齋吹水⋯⋯
生仔好聽 生女好命 係咪呢個意思
7個讚
唔一定唔一定… 我要為男人平反
我覺得好睇個仔個老婆係點
1個讚
我大伯未婚，好孝順同長期病患奶奶同住，出錢出力，管接管送，但係我奶奶同已故老爺都唔係最錫佢，當佢透明。
我老公都係孝順，但頂多出錢，有亞哥照顧奶奶，就唔係好理，會去陪下奶奶
1個讚
hehe…我估你都係孝順仔, 我sample size唔大唔作得準, 吹下水only~
都有好多JM講男仔都好顧家孝順
我估結論係唔係阿爸阿媽錫個仔女最多，嗰個仔女就會第二時最錫佢
生女真係有本心啲
淨係見住c6已經係咁
我老公自己做人哋個仔都覺得女仔係會親近父母多啲，心思細密啲。
1個讚