我又無因為呢個原因，而覺得好彩生個個係女，但我覺得湊女對我嚟講方便啲，我哋會一齊行街試衫、又傾啲女人嘢
樓主唔好彩啫
我身邊啲男士都有好多好好好錫屋企人喎，老公同我哥哥好顧家好孝順好識做，都係睇識唔識教同成長環境影響啫
1個讚
我覺得上一代啲老母自己攞黎，重男輕女丫嘛，男人做慣大少，點會無端端照顧返"妹仔"
唔該如果生仔嘅教好啲佢，唔係過廿年放佢出黎殘害人地個女
6個讚
係架，生仔好聽，生女好命
我好驚個仔第時娶個衰老婆呀嗚～～～
冇得驚，整定
1個讚
生仔孝唔孝順，好睇個仔本身性格，如果由細到大都有同理心愛父母，會幫手處理家務，長大後點都唔會對父母差
1個讚
就算同樣係孝順，仔同女嘅表現方法都唔同
女真係貼心 d，冇事會陪行街傾計，病左會噓寒問暖，煮嘢煲湯
仔就會管接管送，整屋企嘢，我細佬每次去到我媽屋企就會巡屋，睇下有冇燈膽要換，有冇水喉漏水，有冇電器唔妥，阿媽電腦手機要唔要 update 等等，有個仔都好㗎，會幫女長輩擔擔抬抬
2個讚
教出個乖仔，一旦遇人不淑就毁晒一切，聽晒老婆話，踢老母出街都做得出；
生個pk仔，如果有幸娶個好老婆，慢慢變好又得，立即好好又得，得咗！
身邊人辦多的是
3個讚
係…男親戚第一個女朋友好鐘意買野同去浦，分手時親戚欠成十幾萬咭數…
第二個女朋友好有愛心又慳家，結婚之後對奶奶又好，真係一個好新抱救左全家。
1個讚
我覺得d男士麻麻地
係呀媽無教好
2個讚
有時都係父母自己攞嚟
1個讚
我呀媽上次入咗醫院，我老公一次都冇嚟探過
我係女性, 但我覺得唔可以咁講。首先, 男女天生本身唔一樣, 第二, 成長過程大人都灌輸左好多"男仔要獨立堅強"既諗法俾小朋友。我覺得都好有關係。
另一方面, 如果男人太顧家, 大家又會話佢"媽寶" “裙腳仔” “冇主見”。你可以咁諗, 如果真係覺得女人咁好, 你大可以同其他女性一齊。不過你唔會咁做, 因為心中你自己都知道女人係煩過男人好多。
我有三個哥哥一個弟弟，我父親從少很少理會我們，因為他要工作，我母親只係鍾意錢， 我們每日只得夜晚一餐食， 街市買啲現成餸， 第二天中午我們是食隔夜餸長大，母親沒有給零用錢我們，維持到我們成年， 到我們長大後，父母也是重男輕女，仔很少回家看他們，有的是都會問父親取錢養兒。
成長的童年母親的角色都好緊要。
我相信男士都有好照顧父母的。但我早幾年因家人及長輩相繼有病，當時成日出入醫院，通常女會親自照顧父母，做仔的等d姊妹老婆或工人做，最叻吹水，男人照顧老婆比例遠多於父母。