有仔女嘅新抱同奶奶會多好多接觸，同不滿
咁冇仔女嘅sis同奶奶關係又係點嘅呢？
我結婚6年，同奶奶一直保持距離
唔會whatsapp/電話聯絡，一個月食一兩次飯(疫情前)
結婚頭半年差唔多日日都會打比老公傾心事，半年後媛和好多。關係一直相敬如賓，第二年開始不停煲湯比我同老公飲
湯料係補血補腰補腎，話對生育好喎
第三年大仔出世啦⋯⋯
2個讚
差不多
跟大圍咁
有時會share下資訊咁
結婚幾年，小朋友未出世，不過我由第一次見6299嗰陣（決定左結婚先見家長）已經係叫佢哋做阿媽阿爸，所以我真係當佢地係自己父母咁孝，再引導佢地當我係女咁錫哈哈。
我老公同父母就唔close嘅，所以我希望佢哋可以close啲（比著自己都唔希望十月懷胎個仔唔親自己）所以疫前我堅持每個星期去99到食一次飯，平時會幫兩老淘寶、傳話、解答下佢哋啲生活疑難咁⋯⋯做得一家人始終係緣份黎嘅，我會盡力維持家人嘅距離。
當然如果對方父母好難頂，我都唔會keep contact 啦～
11個讚
99好照顧我，當我係半邊女，我同99 freind過同自己阿媽 
5個讚
99每個星期3-4日，臨放工召我地返去食飯
拒絕要理由，講唔出理由就唔鍾意、扭計呀咁
好鍾意你呢句
我一直都麻麻地我奶奶，所以唔想同佢太close…不過呢幾個月疫情問題又覺得人生無常，或者應該主動啲對老人家好啲…
1個讚
我同樓主你差不多, 又係結咗咁上下, 但之前同6299一齊住過一年半。我99份人冇乜嘢, 但就同我一樣好內向, 所以… 除非過時過節出街食飯, 如果唔係平時我都冇乜點搵佢
同住嗰陣關係有冇差少少呀？
我覺得好難當奶奶係阿媽一樣咁對佢好、關心佢
所以都冇expect佢要當我女咁
保持距離就算
我覺得我99同我媽咪個外型有D似，性格同講嘢的語氣都有D似（我媽咪走咗十年）
所以我特別珍惜呢個99，望住佢有時覺得好似望住我已離世嘅媽咪
加上99對我真係好好，甚至好過我爸爸對我，所以基本上同99相處冇問題，我有次約99去文華high tea ,初時都擔心冇話題，但係大家係度互講自己老公問題講到唔想走！
8個讚
同住的關係其實唔係太大影響, 反而問題係出自同住的姑9, 所以我同c6最終搬咗出去住。
我覺得好難當奶奶係阿媽一樣咁對佢好、關心佢 ← 呢個真, 我都好佩服有人可以稱呼99做"阿媽", 係真心佩服
姑奶姑仔呢啲都係煩架喇一齊住仲死…
我婚前同老公講明我只會叫「奶奶」，但奶奶話太老土叫我叫阿媽就得
咁我又無謂堅持啦…不過心態上都只係當佢「奶奶」
雖然未至於當我女咁錫，但都唔係當工人咁洗。
c6一向訓到日上三竿，所以我都跟住佢起身，就算6299起屋企都唔會早起。
未婚時99對c6服待周到，碗都唔洗洗一隻，依家我嫁左入去有時都會洗碗，99會叫我出去睇電視，咁我都會堅持要洗，一人做d幫輕下，c6見我洗就會入黎爭住做，99見c6洗又會入去爭返黎做，哈。
1個讚
保持距離係最好，外人始終係外人，我大時大節先見面
3個讚
我以前都幾抗拒一齊食飯，成日同老公講不如你地食算啦…反正奶奶只係想見自己個仔啫呢兩年就冇咁抗拒，因為我會自閉玩手機
未生仔前same, diplomatic distance…
而家生咗就日日見
我媽媽過身廿幾年，我好羨慕老公有老爺奶奶錫，所以我入門後好努力做好新抱，對佢哋好至可以期望老爺奶奶都對我好。
又或者因爲老爺奶奶冇女，所以冇比較，覺得我對佢哋好細心，比佢地果仔更孝順
1個讚
冇小朋友真係冇共同話題
唔會點接觸
我都好懷念無小朋友時唔使見老爺奶奶嗰段日子，現在有小朋友佢哋成日黎要同個孫影相去威真係好討厭
2個讚
我都係咁叫，不過咁耐，我都極少私下揾佢…有d人可以同奶奶傾電話，我連阿媽都冇，見面傾又唔同