我阿媽會打俾佢奶奶…我初結婚時都諗緊駛唔駛咁做架
不過諗住可能年代唔同啦…而家新抱同奶奶關係應該冇咁close (除非要幫手湊仔)
同埋老公都會whatsapp奶奶傾吓計,咁我就唔需要聯絡佢啦
相敬如賓,保持距離
我奶奶一向不問世事 從來唔干預我地兩公婆既野
我由結婚開始一齊同住咗3年
初時有少少拗撬,因為佢聽埋啲3姑6婆講要比下馬威新袍喎
咁我死唔就範 佢無我符同又比啲仔鬧佢佢就冇再搞事 一直都相安無事
但最近我有左bb,佢好似癲咗咁瘋狂呷醋發脾氣,乜都要管乜都要理,睇我勁唔順眼,講句嘢都要有骨落地,同枱食飯用手擋住唔想見到我
唔知佢搞乜,但明明佢自己係勁恨抱孫
未有時日日都問我係咪唔想生
依家有咗佢好似接受唔到咗
我都有個三姑六婆同我講叫我對奶奶好啲 (當住奶奶面前講), 話咁樣我老公先會錫晒我我心諗而家咩年代呀,你係咪調轉咗啲嘢黎講
你奶奶呷醋係因為個個好照顧你就晒你?咁搞笑嘅…
我連拍拖都少煲粥,唔好攪
係呀
因為大家都好緊張又撞啱疫情
所以62想衛生上做足啲咁 佢哋由唔帶口罩(因為深藍)到因為我有咗個個主動帶
我99就不停話唔會帶 話係我哋誇張咗疫情話根本就冇嘢 覺得自己係眾人皆醉我獨醒咁
老人家中招先大鑊喎…竟然唔驚
你真係算見得少
我生bb前每星期見3晚
生bb後又係每星期3次
99份人冇乜嘢,係長氣,懶叻,姑汗
每次上嚟同我仔玩都搞到間屋亂晒籠,
不過念在佢真心錫孫就冇咁反感
無小朋友時無乜野
但自從小朋友出世後就多多意見
成日講埋啲迷信野
成日都話以前點點點
一係就話人地話乜乜乜
最麻煩係成日搶住我個B
好想我個B跟住佢
好密返去奶奶屋企食飯?
我見阿媽都冇咁密
我99都係極迷信 成日想我地用佢啲旁門左道湊b
Bb有濕疹話入銀仔落利是封擺佢床仔就冇事喎
吹脹
仲有我一出院就話我bb聞慣左麻麻陣味要bb同佢一間房訓
嘩…呢句真係一秒令人扯火
加埋產後荷爾蒙,基本上係崩潰
比佢搞到產後抑鬱
奶奶好新潮唔似奶奶,仲黃到金咁多年黎都好啱傾又唔麻煩,未結婚時上去食飯餐餐都九大簋咁
嘩!佢講呢句真係太過份囉!
岩岩都想甘講,我都係結左婚兩三年後先同奶奶交換電話
不過佢對我都好好既,其實唔好勉強要佢當自己係女,客客氣氣,結婚5年相處得幾好
我有小朋友後真係頂我奶奶唔順,無小朋友時無乜嘢,但有咗個孫就成日攞我個小朋友黎當玩具,湊又唔幫手湊,我向我老公反影過佢又唔理,所以奶奶影響埋我對我老公嘅感情,忍唔忍個奶奶其實都好睇老公識唔識做
忍唔忍個奶奶其實都好睇老公識唔識做
絕對認同!呢個中間人要做得好都唔易…
有時覺得奶奶比自己父母更加親
我爸藍到發黑,呀媽就老豆話乜佢就話乜
由細到大關係都勁差
相反奶奶係黃,同真心為頭家,有d咩都互相諒解
唔會過份解讀佢講既野,加上生左後成日分享仔仔既趣事,關係仲好