如果你同老公一向財政獨立, 佢只係將自己儲起既錢洗左係屋企人身上, 其實都代表佢好重親情, 都係件好事, 點都好過佢將D錢洗佢其他地方, 例如儲玩具. 至於佢係咪支持你係私家醫院生, 只要佢無say no, 你就當佢同意, 唔好諗太多同懷疑太多,
係公立生的確無私家咁舒服, 試過成晚都聽到BB房傳出喊聲大合湊, 真係完全唔駛訓. 不過話分兩頭, 公立有固定探時間, 唔駛擔心成日有3姑6婆走黎探你, 即使日間訓唔到都可以休息下.
我當時都有考慮係私家生, 但因為怕有事都係轉介返公立醫院, 所以打消了念頭, 而我係孖胎, 2個小朋出世時都因為太輕而各住加護病房2個星期, 如果當初係私家醫院生, 真係唔知要幾多錢先可以出院. 咁當然唔係人人都好似我咁麻煩, 但可以講公立醫院對初生BB既照顧真係好好.
至於生完之後係咪做番野, 我覺得你可以試半年先, 期間再睇下家庭開支既分佈, 有無野係可以減少而唔影響日常生活, 有小朋友當然開支會大左, 但未必係你想像中咁大.
間間醫院唔同，我果間係好殘，同埋我估你唔加錢，可能係去二等房，唔會有私家服務
同埋因為太多人排，家屬，公務員排，我識人排到出院都排唔到（比錢priority最高，有剩先比公務員排）
都冇啦 佢不嬲乜都就曬我
點解私家順產唔好既
咁就算啦，無理由佢做10件事都以你為先，只得一件有猶豫你就話佢唔啱㗎嘛。反而如果你係好想私家，不如你大方講出嚟，大家商量囉
你老公之前都高收入, 可能真係一時未改變到個消費模式,
大家開心見誠攤出嚟講吖, 大肚婆唔好屈住
一生小朋友就知邊個最錫自己，一定係阿媽
我係你我會去私家生，費事自己個心一直有條刺
呀妹結婚買幾萬金器好正常啦
依家對靚少少既額都要咁既價
送禮幾千都少事啦耐唔耐既話
唔好因為老公一句而亂諗野
男人講野有時真係冇我地諗咁複雜
佢又唔係唔比你去私家
你照直講你既request 就ok la
如果打算順產，我會排公立醫院，到時有得轉就去私家房，雖然產後bb跟自己，但膳食同環境比大房好，無咁嘈，都叫做休息到。
私家房無人理架，佢分開左d 私家房出d, 房可能係 blk a, 但婦產科可能係blk b, 所以你想去私家房呢個諗法， 首先你去睇醫生時問下會唔會無咁就醫護對腳， 可能婦產科入面有私家房既， 問下先 
佢唔直接叫你揀私家定公立, 會唔會係佢唔想俾咁多錢去私家, 但又唔想去公立之後有咩唔好就怪佢呀
之後搵唔搵返嘢做呢方面, 可能佢未識得驚, 未意識到收入少咗一半, 對成家人的生活質素有重大影響
我覺得要選好個間（我未生小朋友唔識公立定私好）
類似你講一世人生好多次仔咩
選間好既自己都安心d
你出去做野搵5萬，梗系搵5千請工人湊仔啦…
每個月有多幾萬儲埋，以後可以比小朋友讀直資私小，出國讀又得…
有錢就有得揀，無錢無得揀…
其實送金器俾阿妹結婚好正常
樓主睇你收入應該一係專業人士一係工作能力好高，咁梗係出去搵錢啦，同老公有拗撬嘅時候講句嘢都大聲啲
我講野可能好老土， 不過經驗話我知。。。。
。。。傾下計啦
兩個人，唔同家庭長大，好多唸法都可以好唔同，就算結左婚生埋小朋友都唔會改變哩個事實。搵個機會，好好地坐底傾下，對將來嘅睇法，要明白現況。可能佢未真實知道屋企有好需要錢，平心靜氣講明白。
我另一個經驗話我知。。。。。錢嘅野，膽心唔黎，但係小朋友出左世，我作為男人就會發揮小宇宙，又會搵到錢。
粗體字最緊要兩個人一條心！
兩個人，無小朋友，搵11萬，俾兩邊老人家家用先加埋8千??
仲要無野做老人家叫你唔好俾家用 
有積蓄，個妹結婚洗幾萬蚊無問題喎，又唔係個個月佢都洗咁多o係佢地身上。同樣，你又唔係年年生仔，洗幾萬蚊o係自己身上都無問題。
對男人黎講女人生仔佢唔會知係乜野，淨係要知有無泊車位。你老公俾你決定仲想點? 如果佢叫你公立生，你又會話佢孤寒，佢又唔係唔俾你私立生。
你覺得佢對屋企人好? 我淨係覺得你對自己好好，而你老公係覺得對屋企做得唔夠。
假設男家雙親健全，只有兩兄妹，佢搵5.5萬，只係俾4千(估)屋企 
佢都係做d佢覺得大哥要做既野姐。
好認同呀， 最多等bb 大少少先出嚟做野囉
我住過公立私家房，係兩人房，全程只有我一個人住，好靚好舒服。
你要搞清楚你間醫院生產流程，同樣係公立醫院，A院產婦作動就可以入產房，先生亦可以即時入產房陪產(當然係疫情前)；B院要開到指定度數先可以入產房。有朋友作動到入產房捱咗>24小時，亦有朋友作動到生埋都只係3、4小時。
樓主, 自己有無積蓄? 有無話PREFER開刀定順產? 我自己一早就講明生一個, 開刀, 私家先有得揀, 所以一定去私家, 所有錢都係我自己出, 有得揀先係老闆
不過我同意如果順產可以考慮公立, 除左生果下, 公立生完就擺個B喺你隔離, 私家可以有人湊幾日