公司執左粒之後一個月就有左
就冇出去做野
2人家庭收入少左一半
原本11萬宜家得返五萬幾
供樓去左萬幾 兩邊家用夾埋8千
宜家買野就住就住
之前真係想買根本唔會點諗
但都慳住唔會亂咁駛
因為冇做野更加唔想駛太多錢
產檢 t21 結構 周圍格價
去私院生又諗一輪 都未捨得決定
但老公對屋企人就好爽手
老公阿妹買完幾千蚊野俾奶奶 問佢夾錢 佢諗都唔諗就話自己出曬
老公阿妹要結婚 諗緊買結婚禮物 就話要買幾萬蚊金器 一世人得一個阿妹
突然覺得得自己一個喺度左度右度
好鬱悶
問佢私家定公立生
佢冇講咩淨係話好就一定私家好
即係拋返個波俾我自己決定 要去私家佢都會肯 但明顯傾向公立
感覺好差 覺得同佢對屋企好大對比
諗住生完出返黎做野
俾好啲既環境阿b 讀書學野
但因為冇屋企人湊到
所以老公想我留喺屋企湊仔唔想請工人湊
我話要出黎做野揾多啲 仲話我太鍾意錢
純粹揾個樹窿呻下
係呢句唔ok，其他冇問題。
你搵錢能力高就梗係返工啦，
遲下點環境都唔知，搵到袋住先有後路。
呢句唔ok即係點
生完都變左冇做野一年
都唔知有冇人請
佢冇講咩淨係話好就一定私家好。
呢句。
我小氣，應該會開佢拖。
我都係呢句先嬲到開po
其實想聽 私家啦一世人一次
今日先聽完佢講阿妹結婚一世人一次
如果佢果d爽手嘢，唔係經常性開支，我覺得尚可嘅，不過都細心計下唔好駛突，畢竟少左一半收入
小朋友愈大，開支倒水咁
我會表明立場我產後係想返工，依家請工人train 工人先，之後坐完月就揾工。至於私家生就舒服啲，如果你傾向生完會返工，可私家生，但如果你生完自己湊 ，我會留返現金喺身邊，政府生。
政府生都有好處，萬一生bb過程中有危險，政府有最好NICU，好多時私家兒科handle唔到都係轉介返政府。
係囉
供樓家用都去左一截
仲要儲錢遲啲阿b出世有咁多錢要駛
老公公務員 所以諗緊搏唔搏私家房
但宜家又冇得陪產…
唔知9月會唔會有
冇跟開一個私家產科做產檢 因為唔想揾返之前嗰個
如果去私家生都要揾醫生報價
最遲幾時落訂又未決定
如果我系你，我會揀公立生。如果順產，最多住3-5日，個度就要用多幾萬蚊。我情願留d錢俾bb讀私立幼稚園，幾萬蚊可以俾到一年學費。
最重要系你坐完月先可以搵工，到時香港環境系點都無人知，我會留多個錢系身。
不過你老公大細超我明白你點解咁興。
尤其係
自己阿媽係咁叫我去私家生唔好慳呢啲 宜家冇做野唔駛俾家用佢
先覺得最錫自己既人始終係阿媽
我係超迷戀我老公 有呢個落差真係好唔gur 
宜家有啲想鬥氣去私家生對自己好啲乜都唔理
你人工咁高俾我都揀做嘢，除非好想自己湊，唔請工人都請個姨姨返嚟湊，你哋放工接番手就唔洗有個外人喺屋企。
唔係鐘意錢，而係香港養小朋友開支大，而你老公又咁豪爽。
一係你問吓佢，唔做嘢樣樣要計住制唔制？到時無得扮大佬。
緊係想去私家就私家生,然後生完出黎做返野
2公婆搵成10萬，家用連供樓先得2,3萬
每個月仲有成7,8萬可以做洗費加儲蓄已經好過好多人
如果你第時唔返工，d 錢佢賺佢決定點洗你仲慘，女人點都要有錢旁身
一定要返工！ 你話老公搵多好多就話， 大家搵差唔多，一唔返工冇左一半家庭收入喎，其實差好遠。香港地有細路要生活ok又要比個仔上下興趣班，5萬其實好岩岩好， 到時一毫子都儲唔到。
佢係咪唔知屋企而家財政狀況呀？會唔會搵次詳細d傾一次比較好？等佢知而家屋企既問題，等佢洗錢前都諗下自己屋企先
好就一定私家好
我覺得嗰句唔衰，仲好似鼓勵你為左質素唔好去公家。
係我太直定大家諗多左？
你想去私家就私家啦，既然佢都對屋企人咁大方，對老婆都要囉
同埋空白期一年唔係咩問題，生仔係好合理既理由，加上你搵5萬都中層位置，公司應該唔介意
支持你生完返工
錢係佢搵嘅 暫時唔好管住
如果私家生佢無問題咪照去囉
好大共鳴，但我家庭收入又無jm 咁高
我老公出水電煤的錢，我負責其他雜費加食，所以由t21，結構到生咗出來的奶粉錢都係我比，心態有啲唔平衡，但無法，我照完結構已無出過私家check 了
雖然話公立back up 好啲，但公立服務真係唔夠私家好，我有個friend 做公立婦產護士，啲阿媽話要生，係唔理，等耐啲先去，尤其睇死你第一胎無咁快生到，結果個媽媽喺廁所生咗
Jm 如想私家就私家啦，同埋我相信你地有足夠財力同積蓄應付
其實如果打算順產，政府同私家冇乜分別
現在不要想太多，小朋友出世後要洗好多錢
不如慳返啲，等小朋友出世用
唔好為鬥氣亂洗錢