你又洗咁嬲，你應該直接說:
「係吖，我都覺得私家好d，唔知養和產科好？或是仁安好d呢？我到時揀好後，比個價錢你，等你有個預算。 」
你幾多歲？當年我都係生完湊到入PN先番工，都搵得番之前人工，安心養胎先啦，唔好太激心。
1個讚
大家拎盤數出嚟計下啦
你最好揀去私家，否則你可能因為呢件事嬲好耐好耐.覺得你老公唔錫你. 再者你老公係公務員，又唔怕失業,自己湊到上幼稚園才出黎搵工都唔遲,反正呢一兩年出面環境都唔好
1個讚
我係公立醫院私家房生既，只係生完有私人空間，產前都係同其他人無分別（當然好睇你邊間醫院生啦）
其實比到錢都係出面私家生好過
男人衰要面，家庭明明少左收入，但又唔想比「外人」見到睇少佢，咪扮冇嘢繼續豪洗囉。好在佢叫你睇餸食飯，即係都知衰既，呢個角度睇仲有得救
你好理性知屋企環境，bb就出世唔可以再扮少咗收入都冇影響，因為bb未出世就已經樣樣係錢，真係要攤條數出嚟計。
字裡行間見到其實你已經有自己睇法，相信你拆得掂，加油。
都係嗰句,工務員唔驚失業,扣除供樓和家用仲有兩三萬,足夠過簡單舒適而安穏嘅生活,BB時期使有限錢,反而最需要媽媽俾嘅安全感. 遲兩年搵錢唔會對家庭財政影響好大
得番五萬儲蓄
，要搵娘家求救。
陀之前你地冇傾好？
老實講，個屋企係佢，佢點洗$去佢屋企我唔過問。你咪照問佢欏$去c家生囉！
叫你自己湊，咁你開條件包括要有工人姐姐、負責所有家用，佢計得掂至算！
利申：ftm兼有姐姐，好開心！
Exactly, 最重要喺侯產室同產前病房都係同其他公立病人一齊，咩service 都無
妹結婚要送幾萬蚊金器好合理
送野畀奶奶要一個人出晒就…睇買咩同埋妹經濟能力啦
呢兩個例子都唔係太過分丫
私家一定好啲呢句未必啱，但佢咁講得即係都肯畀啦
五萬收入，供樓家用去左兩萬，仲有三萬淨，兩個人如果唔大洗，聽落環境好好啦
可能佢對生小朋友後開支危機感不足？
唔知生完既私家房係咪同私院一樣？
結左婚4年啦 一直都冇bb
點知一冇左份工就有…
啱啱有左見到支驗孕棒結果都唔信
驗左2次先同老公講
認同想去就去，無謂為呢啲小事影響家人感情，以後慳啲洗都可以. 反而湊b嗰度要諗下點就真
呻下好呀，一人計短二人計長。一齊傾下，可能易想通d。
其實我認同你老公個妹嫁，2-3萬金器都可以。一生人結婚得一次，又得一個妹。老公搵5-6萬，其實買2-3萬比個妹，都差不多了。不過咁啱因爲你失業，所以感覺唔良好我都好明白。但可以試下體諒。千萬唔好自己一個鑽牛角尖。
至於生BB，你自己想法呢？如果你都想私家生，咪私家囉，佢都話比你決定，你就唔好唸佢偏向想你點，男人講左你決定就你決定。好少好似女人咁「假民主」或「反反覆覆」。我自己就覺得私家和政府都好，如果政府當然慳好多啦。但你以自己意願為依歸就好。
另外，工作方面兩個人真係要傾下，我覺得女人有工作比較好，唔只係為錢，都可以放鬆下，做FTM唔易，係好困身及需要超級耐性，我自己冇咁叻，做唔到FTM，我覺得每個人做返自己專長就好，如果你工作可以搵5-6萬，不如返工，請姐姐照顧、放工就更可以和BB多d quality time，對BB對你都更好，同先生心平氣和傾傾吧，我相信你地既出發點都係為左個家既，可以把返工/唔返工既優點/缺點全list出來討論，應該可以理出頭緒。
祝願你們好快有共識，開開心心迎接新生命既來臨。
4個讚
我覺得係你哋自己洗惯咗錢，一般家庭有5萬收入已經好好用，如果想keep住以前生活質數，梗係返出黎做嘢，不過真係要好好安排BB畀邊個湊。個人覺得如果想舒服d同揀開刀生，就去私家生。
1.有bb情緒起伏是大，唔好諗埋一邊
2.我係公立生，唔算差，但諗返轉頭，都有d無咁貴的私家，都係私家生好，生完媽媽真係要休息，係公立好難休息。
3就咁聽覺得你老公都錫你，唔係真係咁大細超，不過男人無諗咁多野，將你的憂慮講出，佢未必可幫你，但會尊重你的決定
4要睇娘家有冇經濟負擔，你想唔想全天候，可唔可以支持你做全職媽媽
5 可能以復工大前提，搵份工作時間較少的工作。
其實老公係公務員已經唔使擔心啦…
除咗呢句，有無其他事令你覺得佢慳你果d洗費？
我生前生後都係住一人房，bb就放係自己隔黎
好處就係靜啲
因為我未住過私家醫院比較唔到
如果係公務員家屬你都可以揀下有公務員隊既醫院，唔同醫院都唔同，揀啲少人生既醫院
（我果時威爾斯生，真係太多人生，多到啲人可以免費upgrade去私家房）
生果時，我係諗，點解我唔去私家開刀
不過無下次，一胎夠哂數
私家順產就算吧啦，公立係公務員可以揀醫院
1個讚