以前話湊大一個小朋友要400萬，而家到底要洗幾多錢先夠
貴有貴養，窮有窮養
好奇一問，大家平均一年為子女付出嘅洗費係幾多？有冇人會計呢啲數架？
1個讚
實有人咁計，到時又攞返咁多 
我就無計咁清，小朋友一年最大洗費都係補習興趣班，大概洗3-4000蚊一個月，宜家停咗，又慳返啲
1個讚
老實唔會計
1個讚
無得計，因為係自己決定生既
真係有呀，我同事嫁個時佢媽要求拎返養育費。
大約十五萬一年
真係賣女咁…我就係聽過有人逐樣都記低，計清楚曬
吓？邊有得計架呢啲。
如果我係佢，我會一次過比一筆數然係老死不相往來。
我屋企有記家庭開支習慣，小朋友洗費大約萬二至萬五蚊一個月，包括學費、興趣班、買書、買衫等同小朋友有關開支。
我諗計數唔係為左將來問個小朋友攞返，講真依家養個細路當藝術品咁，佢第時顧得掂自己都偷笑啦。
計數係用嚟減少開支，睇清楚自己洗左d錢響邊度，係咪有浪費，可唔可以減少。就算係阿女條數，我地都每個月monitor住，睇下會唔會over budget. 因為家庭除左開支，剩低既就係儲蓄，冇儲蓄既家庭係冇將來架…
我見樓上好多jm冇記數習慣，我認真建議各位建立呢個習慣，真係會受益無窮。
3個讚
十分十分十分同意
當年我大學畢業出來做嘢，一生人第一次有收入，好多大計要點儲錢去做 d 咩，點知幾個月落來，明明冇用過咩大錢，但點解硬係冇錢剩嘅？當時男朋友而家老公就教我記數，幾細嘅數，即使搭車幾蚊都記低，到月尾一睇就明白，唔需要使大錢，細數加加埋埋都會變大數，錢就係咁用左，之後就知道記數嘅重要，同埋用錢時謹慎左好多。呢個習慣我一路保持到而家
養成記數習慣係學懂理財嘅第一步
2個讚
我有大約計，但好多嘢好難界定是否仔女嘅洗費，好似一家人去旅行，我冇界返一舊數入落仔女度，一家嘅買餸錢，我亦都唔識點分邊 d 關仔女事，有 d 嘢，例如因為多左個小朋友要換大 d 屋、換大 d 車、請工人，等等，明明係關佢哋事嘅，但大人都有份享用，又好難入晒仔女數
我好清楚計落仔女度嘅，基本上都係教育洗費同醫療費用。教育洗費我喺大仔出世時起左個 model，計下唔同嘅 scenario，讀咩學校會用幾多錢，最後結論係如果用我理想嘅途徑栽培佢，即係從細讀國際學校、一路可以有適量嘅興趣班、大學去外國留學嘅話，四百萬係掹掹緊（只係講教育洗費，冇計其他養育嘅洗費），而且呢個預算唔可以豪使，國際學校只能讀親民嘅英基，唔可以讀漢基，興趣班只能有兩三樣，冇得請教練一對一咁培育佢做奧運馬術選手，大學都只係普通嘅州立大學，讀唔起哈佛耶魯史丹福，也唔可以揸小跑車追女仔
1個讚
我屋企都有做record mark返d家用洗費，有時真係唔知點解就洗左好多錢，有mark數先睇得返，起碼要慳錢都知要係邊到慳。
暫時新婚又同99住未有仔女，扣除家用二人洗費最多既就係食，佔左整體洗費既5成。
1個讚
我分開咗自己一條數，屋企一條數，比阿爸阿媽我當自己支出。
暫時屋企最大開支唔計住屋就係阿女，食果d返而係小數。
其實響香港，如果冇小朋友又搞掂住屋，每月洗費可以好少。
無計, 因為知道一計就會唔開心~
我駛喺小朋友身上可以話係"豪", 衫褲書簿玩具興趣班眼都唔眨…有時買衫比佢一個月都成萬蚊
生女要貴養嘛, 所以真係幾貴…
駛喺自己身上反而會計住…
1個讚
同感, 對個女冇計, 對自己就計到足!
我諗法係…
衫係消耗品，增值能力有限。大人買仲可以著十年八年，但小朋友大得快，出年都可能唔岩著。我會將支出量化為小朋友學習費，例如一套衫等於上兩堂畫畫、兩份手工用品、一對roller skater等等，然後再考慮係咪買。當然有時會失手，見到好鐘意都會買，但我會響其他野度慳返，避免超出小朋友budget.
因為我心裡面有個信念…我今日留幾多，就係我個女第時既起步點，所以尤其響小朋友洗費方面，應洗先洗，應慳就慳。
3個讚
都係嘅, 不過我見到女仔啲靚衫又忍唔到手了~ 特別係5歲之前啲衫真係太可愛, 買到停唔到手! 之後其實已經買少左好多好多, 因為日日返學買左都無時間著~
而家就衫照買, 其他嘢都買…haha… 最多唔用就post上網賣, carousell都幫我唔少!
雖然衫可能幾年就唔啱, 但我會影低d相, 睇返都好開心~
12k包學費校車費補習學野
如果我係佢會問呀媽做乜要生佢，好慘！一出世就欠債一世，都唔知點還