我冇特別計，都不外乎係興趣班，其他唔識計
應洗得洗。
真係好過份 成萬蚊用黎買衫
生女貴養都唔知係咩人up 又會有人信
其實生仔窮養、生女貴養個真諦唔係指洗錢，係講生個仔要佢捱得苦，受得挫折；生女要教佢做人高貴識得揀，珍愛自己。但時代唔同，依家無論生仔定生女都要捱得苦受得挫折，同樣要高貴識得揀珍惜自己。
4個讚
平時都無計住, 以家大約每個月3-4K左右, 興趣班, 買衫, 電話, 零用等等。通常只會慳自己, 小朋友洗費好少慳。
除左一般洗費，我覺得興趣班最貴
生女貴養
↑真係好多人咁講喎
年輕人你太年輕了，
你估個女真係會還？
點解淨係女要貴養嘅？
平貴概念相對嘅, 我覺得貴可能你覺得平~
我又唔係偷唔係搶, 我自己搵錢駛錢我覺得好爽, 有咩過份?!
我教女其實無特別講平同貴, 我主要係講"選擇權", 你有能力你可以買GUCCI, 亦可以買BOSSINI; 你無能力你就未必可以揀, 你可以選擇點駛點用自己嘅資源(儲蓄/衣食住行/買樓買車/做善事/生仔女…) , (揀衫已經係好低層面, 揀工揀老公…大把嘢都要選擇)。
能力而家係我比你, 大左你係靠自己, 能力多少都係你嘅造化, 亦睇你自己有幾努力。 貴養意思只係我o係我能力範圍內比佢見識, 物質層/思想價值層… 唔會大左比男仔一支波板糖就氹左去, 唔會見到物質嘅嘢覺得好稀奇。
2個讚
如果唔去外國讀書, 普普通通的本地培養方法, 200萬一個差不多
每月學費校車興趣班共兩萬幾, 未計保險, 食, 旅行.
#28解釋咗。
我又覺得貴唔貴養唔係重點。重點培養係正確嘅價值觀。
明白，也好同意
但點解淨係女先要培養正確嘅價值觀呢？仔唔使嗎？
唔好意思，唔係 challenge 你，只係我一直唔明點解好多人都話女要貴養，上面有 JM 話貴養嘅意思係比佢喺物質同思想價值上多見識，唔會大個比男仔一支波板糖就氹左去，講得好啱呀，但仔就唔使比佢係物質同思想價值上多見識嗎？唔怕佢大個比壞人一支波板糖就厄左去作奸犯科嗎？
女係物資上點都係會貴養過仔
我諗D人話男仔如果貴養就驚佢紈絝子弟, 捱唔到苦, 將來擔唔起頭家
相對黎講, 呢個世界會比較以物質引女仔失足, 甚麼援交, PTGF… 比較少引男仔啩
仔窮養、女貴養係老一輩既諗法，其實不太合時宜。
以前社會男仔要擔起頭家，所以想佢吃得苦、受得挫折；女就通常嫁人唔洗做，最緊要唔好揀錯男人跟錯老公，所以就教佢要珍惜自己唔好亂揀。
以前D人唔係女賤養咩? 重男輕女, 有飯男丁食先, 食剩先比女食
1個讚
今時今日都仲有好多人重男輕女, 我都聽過D CASE 兩姐弟, 女嘅就讀津校, 仔就話要留錢比佢讀私校同出國…
你講既以前係幾耐之前？由香港進入小康社會，第一生得起既家庭邊個會比自己女吃苦先得；第二，貴唔係講錢，係講思想高貴，識揀人。
可惜而家比人解讀為咩都比個女最好最貴先叫做好