我小朋友就黎兩歲，我同我先生係先懷孕後結婚，佢媽媽係有精神病、儲物症，成日儲雜物係屋企鬧我先生扔佢啲野，我生完bb要我欖火盆，產後已鬧交搬走，後尾我地一家三口搬左出去住…仲大分歧，成日兩個鬧交、打交，仲鬧到入醫院，搞到我產後抑鬱，有自殺傾向要社工跟，後來可能個人放鬆左，呢啲念頭已經冇左，冇再要社工跟。
因為自己搬出去住開支大，小朋友要搵姨姨湊，入不敷支，我地上年12月搬左返我媽度住，可以慳返筆租金，問題就黎，我呀媽都好似有精神病…我吾肯定係咪…佢本身正正常，但近呢幾年好沉迷手機遊戲，本身有睇言情小說（實體書），而家有手機小說，睇到個人發左瘟咁，半夜三更吾訓教係度打機睇小說，次次我起身去廁所都見佢玩緊電話（凌晨/朝早6-7點），佢係有工作的，最近美容院停14日吾洗返工，係屋企仲鬧交多左，本身佢已經懶，次次返去一開門一定係攤左係梳化，地已經吾掃吾拖，成日都係我收工返去做，做到我就黎都痴埋一份，佢而家都有幫手湊，但係咩都吾洗，連bb個水樽都吾洗，我次次打開都見到飲管位係黑色口水漬，吾係次次都等我做丫嘛！
我老公仲黑人憎，郁啲就發脾氣，踢一踢先郁一郁，小朋友發展慢過其他小朋友，20個月而家先識行路，講野吾識講，叫佢幫下手教下眼耳口鼻，轉頭就係度禁電話，我話你係咪想個仔要返個啲特殊學校呀？
吾理吾聽，返工攰呀，乜都吾理走去訓教，又係我執頭執尾，我收工返到屋企已經夜晚12點幾仲要做一堆野，淨係叫佢浪衫都多多怨言，已經係洗衣機fing乾埋啲衫架喇，吾洗佢扭架喇，我地要返輪班，岩岩我返工前先嘈完交黎…問佢一兩句野，已經係平心靜氣問佢打緊咩機？ 純粹係問佢打咩Game姐，都要發我脾氣，態度差到不得了，欠左佢咩？ 佢有興趣我不能有興趣，佢話興趣係架車，架車係朋友平價讓比佢，行得走得又要整呢樣個樣，本身吾係有錢，我啲興趣就因為生左個仔乜都冇得做，而家連係屋企整曲奇麵包都要比人鬧，買野都要比人鬧。
我話我同你生個仔真係折L墜，你咁吾滿意你就死返去同你老母住咪L係度嘈，咪教到個仔學哂你啲脾氣！
我真係好辛苦，好想離開呢個屋企，我覺得我既抑鬱症狀開始返返黎，真係好難受，吾知邊度搵人幫我。
4個讚
之前有諗過，跟住我老母又話請工人貴又盛，佢話佢同事個親戚開雇傭中心，話請工人個家底要有廿皮喎！ 我話吾洗佢吾信，再加上我屋企亂過屎坑都冇位比工人訓，得兩房
1個讚
你媽咪鍚小朋友嗎？
如果鍚，點可能由得bb 水樽黑晒都唔洗
Btw, 揾張紙寫低所有家務
然後同老公一人一半分咗佢
白紙黑字做證據
一定要佢完成d 家務
吾只…搬返去開始成日鬧交，因為都要睇日子湊去比姨姨，只係次數少左
唔洗做野比著我都懶
人係有惰性的
不過同屋企人住實有好有壞
自己學識平衡
遲啲環境好啲睇下會唔會搬番出去住
比自己計劃下可行性大唔大
安排幾樣野比你老公做
至少做兩樣
唔好咩都攬曬自己做
係佢家姐即係我姨媽同啲社工都建議我地搬返去先，佢自己都同意左，我未生前都係一齊住，係準備生Bb前半個月搬左去奶奶度，跟住搬出去成年
我老豆死左後我呀媽開始神神地架喇已經…
估吾到痴到咁…
你媽媽果度…我坦白呀，可能唔岩聽…其實你媽媽係屋企鐘意打機睇小說到通宵，你無權過問架，佢幫你照顧你小朋友係人情，唔幫你係道理，同埋佢唔係唔幫，只係唔岩你心水啫
字裡行間見到你燥燥地，要知道，其他人（包括你老公）唔係你肚入面條蟲，你唔講，佢地真係唔知你想點，同埋你既standard係點…可能你認為個家大家有份，點解要你日日提…男人十個有九個都係咁，你唔講佢唔做（我屋企果件都係咁）
寫低每日要做既野，你同你老公夾手夾腳做好佢，放慢腳步，屋企既野永遠做唔完…但頭家一散就無架啦
小朋友果度，其實你地多啲同佢講野好過「教」佢乜乜眼耳口鼻，小朋友係一個多人同佢講野既地方自然會模仿，你正面啲，佢又會跟住；你多野講，佢又會跟住…而家20個月，好快幼稚園，小朋友會變開籠雀…
放鬆啲啦，船到橋頭自然直
31個讚
樓主，你真係要認真諗諗解決方法，依家你睇吾到任何出路，因為冇人真正對你伸出援手，亦冇人去作出改變去配合你。
首先個問題係你需要同其中一邊個媽媽一齊住，你選擇咗自己個媽媽，即係你奶奶個問題更加嚴重，如果你唔可以搬出去自己住，即係你已經冇得揀，既然係咁，你要自己作出改變，吾好去怨去嬲任何人，冇人要為你同你個小朋友負責。
吾好求人清潔自己做返，辛苦但冇辦法，與其係又要做唔係又要做，不如試吓開開心心咁去做啦，你嘅努力終有一日有回報。
7個讚
係佢兩個搞到我日日都大把野做咁，前排2月幾時，係地都吾會拖，我要日日收工返去拖，到而家都係咁，放工已經攰到死仲要返去執頭執尾，有啲野吾洗提都知要做…懶咪吾做囉…講緊我老公
其實阿媽俾你返黎,又有幫手湊B,
佢本身自由自在慣,
我覺得佢已經算係咁.
明你好重負擔,
不過都真係唯有再降低D 底線,
除非你叫得郁你老公
1個讚
我已經好耐冇見我99亦吾打算去見佢，因為佢真係痴線既…冇理由我日日收工返去凌神12點幾1點仲要返去吸塵拖地，我仲要飯都未食既，真係會好炆，玩具次次都係我抹，我老公次次見親佢都打機玩電話，睇啲車用品都吾幫手，連學校都吾幫手搵，乜都我做
不如試吓由關心著手，你爸爸吾係度你媽媽其實內心可能好痛苦，我明白你好辛苦，試下去感激你媽媽比個地方你哋一家三口住，將自己同底線在set低啲，吾好要求自己咁高，你老公果邊就算把啦，你叫佢幫忙咪即係搵交嗌，男人就係咁。
叫老公做可能都唔放心/唔啱你心水
所以我通常選擇自己快快手做埋
又唔洗勞氣叫郁佢
