係呀，男人就係懶，就係小朋友，你當佢6歲就差唔多，你日日叫佢做一/兩樣…借啲意又加多小小…盡做啦…我都係一個仔，但我成日同人講我有兩個小朋友，一個10歲已獨立，一個43歲
43歲果個，上星期…有件朱古力蛋榚係雪櫃…有人夜晚晚偷食，偷食完…果隻碟完整咁放返入雪櫃
…試想像下第二朝我開雪櫃見到果隻仲有小小蛋榚碎既吉碟既情景嘛
都係果句，女人覺得啲野唔駛提都應該醒水…男人唔係咁諗架…真係要提架，我結左婚11年 12年黎緊…日日都要提…沖完涼條屎人毛巾唔好周圍放…前兩年我頂佢唔順，用箱頭筆寫係白紙再釘起佢條屎人毛巾 「用完再亂放就爛JJ」…三日後咪又黎過…唔通我走去斬佢隻手落黎咩
同你講呢啲係希望你可以調整心態…有啲野係男人眼中係小事（做家務）我地會睇到好大…如果因為呢樣野嘈，只會沒完沒了…有解決辦法架，請姐姐，但既然你地已經要慳租金，咁不如你行多步啦…唔係要你乜都做哂，而係寫低比佢知，佢需要做乜，我老公受架…雖然都係我返屋企開門果時先「醒起」要做…開開心心笑下又一日咪算囉
你講得好好，我估樓主仲好後生，希望樓主睇完好好去思考咀嚼一下，放多D心機落工作搵錢方面，好快可以請工人同有自己嘅屋企
係後生…冇架喇，我老公係吾會留錢個種人，月光族，有錢就整車買車用品，啲Bb衫玩具都係我比錢買，佢之前係破產人黎…岩岩先完左破產期…即刻買左架車…
冇架喇…佢會怨返你吾洗奶樽吾洗衫Etc
淨係浪衫都阿之阿阻，我返去就乜Q都吾做，我直頭連屋企都吾想返，炆炆地，返去見到都眼怨
樓主有冇諗過請鐘點？一星期兩至三日，當幫手做下清潔咁！
喂喂喂，呢個問題嚴重過唔做家務喎…
樓主，你成功了依家嘅問題會變得微不足道，女人要自強呀
屋企有狗…會吠陌生人
冷靜下先。感覺你都有少少抑鬱同燥底。我諗可能你同老公好後生就結婚生仔，未有經濟能力就組織家庭？
老公就肯定有責任，無論搵錢定湊仔都幫唔到手，不如首先諗下係你自己揀嘅亦無得返轉頭，點樣改善。
無論你媽定佢媽，老實講，都係冇欠你嘅，佢哋肯比你結咗婚生咗仔都仲住屋企，省d錢，已經好好，因為佢地係冇必要咁做。你媽媽失去左個老伴，你有冇關心過佢心情。加上個女一家返咗嚟住，又鬧交，會唔會佢因為咁好大壓力。
明白做人媽媽，係好辛苦，不過記住個家庭，嫁咩人生小朋友，係自己嘅選擇，自己先係最大責任。真係諗唔掂，搵專業人士幫下你
解決吾到，一完破產吾聲吾聲買左架車，都吾諗下自己環境，男人真係冇腦的
請工人，執過間房比工人同呀媽上下格床
你根本無得揀，只能想放法面對解決，亦不能依靠你老公同呀媽。
你咩都話行唔通，一定要2個大人改變，咁係無可能架，你只會迫到件事走頭無路。
再咁樣落去我真係就黎崩潰，一個二個都咁樣，吾癲都迫到癲，日日鬧交收場
如果有用就一早解決左件事，兩個都懶到出汁，呢個淨係打機同訓教，果個又係咁，我媽係懶到煲緊野都走去訓教試過煲窿野都係咁，搬返黎時都有話請工人，跟住又話吾請喎
樓主，你依家當局者迷，試下睇下上面JM建議嘅方法，相信佢地全部係過來人嘅肺腑之言，你試下行出一小步先，唔好再怨天尤人，我哋個個都喺度支持你
就係佢地懶，所以咪請工人囉，有人幫手做好晒d家務湊b ，佢地鐘意24小時訓響床到都無問題。
總好過而家你變左雙職工人，仲要驚呀b 唔知食左用左d咩污穢野。
我唔係話你錯或無point, 但你一直只怪責全家人都無用，件事係唔會解決。同我地呻，無問題，但1定要行動去解決件事。 現在我睇情況，只有工人可以幫到你。
你出錢解決件事，唔到佢地say no.
除非你連請工人既錢都無，咁我只能聽你呻同情你
為左自己個b，自己呀媽同老公，仲有你既情緒，行動啦。而家請工人都仲要等到年尾，你仲要頂多最少半年架。
請工人啦，咩問題都解決哂。
但要改變呢個問題，仲難過解決家務湊b問題，老公自己揀day 1 識佢就知佢係咩人。。而家先要變。。。。真係難上加難
其實答案大家都講哂你知！
做人有要求係好，但都要量力而為！
辛苦既話咪拖少日地囉！自己做左而怪人都無做唔做，得既！但辛苦個個都係你自己！
對方係唔會理你的！
試問呢個世界有邊個唔中意住靚靚大屋有人服侍？只係有無能力同財力既問題者！
所以樓主你都係慳返啖氣啦！
呢個世界無人幫到你的，只有你自己改變心態先幫到你，否則你只會繼續屈屈不歡！
btw老公係自己揀既，一係就分開，一係就只能怨自己壓錯寶！
其實你媽媽都好慘。。不但要收留你地一家三口，仲要俾你日怨夜怨。。本身自己一個人自由自在，宜家想打機睇小說都要俾你管
一把年紀仲要喪偶，每日幫你湊仔十幾個鐘，你估唔辛苦？仲要佢幫你洗晒d野
欠左你咩。。。個仔係你架！自己洗返好正常
至於你男人。。其實世上個個男人都係咁架啦～佢肯對你負責任已經好好幾多人襯老婆大肚出去偷食而你男人只係態度差，同懶懶閒咁諗會唔會舒服d？
我地未搬返黎前都還好因為租屋細冇洗衣機要自己洗衫，搬左返黎就懶到呀媽都吾認得，我老公又成日覺得我呀媽湊B係老馮咁，比如我返工佢放假，佢要出去又會話我老母成日出左街點湊小朋友