大家有冇發覺街度冇垃圾桶呀，之前已經覺少咗好多，今日幾乎行均成個旺角竟然搵唔到一個垃圾桶，點解呢？見啲食煙人士煙頭周圍掉，咁落去條街咪變垃圾崗
點解會無晒垃圾桶？
真係唔知，連地鐵站出入口都冇
1個讚
為家居垃圾袋收費作準備，防止家庭把家庭垃圾放街上垃圾桶
1個讚
我思疑佢係要賴落去示威度，話人整路障，話啲垃圾桶好貴（係真係好貴一個，之前又大口換細口，啲錢都唔知俾邊個賺哂）。
但佢唔解決社會問題，剩係解決啲垃圾桶有用咩？咪一樣俾市民日鬧夜鬧？我就唔會賴落社運度勒，佢咪繼續分化囉，只會愈來愈憎恨呢個港共政府。 
9個讚
好多商場收埋左兩三個月
近排先拎返出黎
有幾次想掉垃圾要去廁所先有
1個讚
呢個現象已經有幾個月了……
1個讚
政府政策係減少垃圾筒，準備為收垃圾徵費，所以之後都減垃圾筒，不過可能會以回收分類筒代垃圾筒。
不過我覺得好癈，不如源頭減癈果啲新年禮盒包裝先攞命，拆幾層先攞到粒朱古力，大大盒朱古力原來先得幾粒
1個讚
係咪想學日本咁條街無垃圾桶，出街都要帶垃圾返屋企掉
[quote=“fatpigpig, post:5, topic:16343, full:true”]
我思疑佢係要賴落去示威度，話人整路障，話啲垃圾桶好貴（係真係好貴一個，之前又大口換細口，啲錢都唔知俾邊個賺哂）。
但佢唔解決社會問題，剩係解決啲垃圾桶有用咩？咪一樣俾市民日鬧夜鬧？我就唔會賴落社運度勒，佢咪繼續分化囉，只會愈來愈憎恨呢個港共政府。
[/quote]成個政府都係垃圾思維
2個讚
[quote=“toto8, post:9, topic:16343, full:true”]
係咪想學日本咁條街無垃圾桶，出街都要帶垃圾返屋企掉
[/quote]問題係完全冇事先聲明有呢個計劃，就鬼鬼祟祟收埋啲垃圾埇，見到有人抹完鼻涕紙巾就咁掉喺街，萬一佢張紙巾有武漢肺炎病毒就好危險啦
政府不嬲都癈㗎啦，冇咁大個頭又想戴咁大頂帽，又唔諗下啲新香港人質數幾高先得㗎！
1個讚
認同，首先要教育市民先，而唔係鬼鬼祟祟收埋垃圾桶
1個讚
反修例後，我樓下商場既垃圾桶都消失晒，換左大既黑色垃圾袋，近來才放返出黎。
我唸係唔想被拎去做路障。
1個讚
難怪尋日去商場搵左勁耐都搵唔到
去暗角先有
1個讚
因為劉江華俾人炒左
2個讚
其實上年已經計劃好今年開始收起街嘅垃圾桶。
唐樓嘅人好多都係拎落街掉，無垃圾桶咪掉返係原本垃圾桶個位，之後d人就掉紙巾膠樽係附近，硬件都未配合到就夾硬推。
人嘅質素又係問題，香港人行山都攪到成山垃圾，
點同日本人比呀。
1個讚
哈哈哈
我都有聽過咁上下既野…
上次拎住個膠樽,行左差不多十分鐘… 都搵唔到分類既垃圾桶
好多原本放垃圾桶既位，變咗放一個好似洗衣架晾住個透明/透粉紅色既膠袋，嗰個就係新既垃圾桶，大家留意下！有時佢會痴係個燈柱位咁架！