【萬寧全新超值優惠 — 收據在手，即享92折
！】
銀包入面冇嘢多，係收據最多
…但你有冇諗過，啲單竟然可以當優惠券用
？而家嚟萬寧購物，只要出示任何連鎖超市或連鎖便利店收據，即可享
92折優惠#！今次優惠更包括嬰兒奶粉（初生／1號除外）同紙尿片
，等各位父母可以慳住買小朋友必需品，買得更著數
～快啲襯長假期前同屋企人去萬寧補倉
，以優惠價錢將心水產品一次過帶返屋企
！
優惠只限2020年4月28日。
此優惠適用於萬寧全線香港及澳門分店，澳門分店不包括藥行售賣藥物。
結帳時出示任何連鎖超市及便利店收據，即可享此優惠。
此優惠不適用於購買萬寧禮劵、初生配方嬰兒奶粉、電話咭、短期推廣、化妝／醫學美容／保健專櫃產品、處方藥物、出位價產品及換購價產品、無折扣貨品、會員積分及印花活動換購品、塑膠購物袋徵費、易辦事Easy Cash提款及八達通增值服務／澳門通加值服務。
此優惠不可與enJoy Day、萬寧現金優惠劵、銀聯優惠及其他優惠同時使用。
如有任何爭議，萬寧保留最終決定權。
佢同屈仔真係鬥減, 不過都睇返一下, 係咪真係有平先買啦
攪咩玩鬥呢d
可能少咗自由行生意。
溫馨提示：萬寧都係藍店
唔緊要, 大家自行決定…
屈仔早幾日都有玩收據
請問連鎖超市/便利店的定義係咩？
7仔, OK, 百佳, 惠康, 都係呢D啦…應該
有冇黃嘅連鎖便利店or 超市？
家興 算唔算連鎖超市？
大嘅誠哥嗰幾間，或者網上都有黃店Hktvmall, 光時嗰d
有幾間分店都算卦…唔知丫
百佳買完收據有coupon，在屈臣氏購物有95折
所以萬寧就92折…都係果句, 格價先…
我都有呀！聽日過期去用左佢 
我盡量都幫襯誠哥
萬寧好似係牛奶公司藍架
請問光時即係邊間呀？
藍店幾抵都唔買啦
7仔、惠康、IKEA、萬寧係撐警怡和，Vango、華潤、U購係中資華潤，OK有話打壓工會罷工（not FC），福建360、深藍Ztore/鄰住買就唔解釋啦，CitySuper據說高層深藍見連登post，一田屬於深紅基，千色店、UNY係深藍恆基。大門橫丁有bad News澄清見wolipay。
光時、HKTV就唔講啦，百佳、屈臣氏屬於誠哥，759無表態但應該算360對家，價真棧、大生無表態，後者有post被指藍無證據，應該算無表態。
如果罷唔到，就盡量逐漸減少代替啦，未罷到既同路人都係手足，而且要靠你地先可以罷。無買開都罷唔到。
光時就係光時…
萬寧喺藍底 🤦🏻
幾平都唔會買，快啲執哂佢，我做唔到啲乜，唯有抵制藍店。
