小朋友歲半
最近心思思想生多件
一黎佢有手足陪 成長路上有兄弟姐妹係一件無比幸福既事
但老公唔批準
佢覺得湊一個已經好辛苦
加多一個要降低生活質素
但我覺得生多件未必會係咁
生活可能無咁豐裕
可能又捱多幾年無覺好瞓
但我覺等捱完就可以
老公覺得加多個 對現有既仔仔 會少左時間
但我覺得對父母時間少左
但多左手足既愛
而父母既愛都唔係減少
只係時間少左
而且湊兩個對我地黎講都學會時間分配
今年我已經33
老公好似敷衍我
佢話等多兩年再算
但兩年後我35 生出黎已經36
我怕太遲
如果只有一個
我不後悔
只係覺得有啲可惜
生幾個小朋友一定要兩公婆有共識
既然你老公好反對
生只係你一廂情願
我係你我唔會生
我明白
低只係覺得失落同可惜
我係男人
，分享下我嘅角度。小弟有兩件，哥哥兩歲半，妹妹歲半。（我地好勤力架
）
本來我都係只想要一件，同樣係怕支出大，生活水平要降低。太太最後說服我，有個伴成長好開心，我地會老會死，佢地兩兄妹將來有家庭都仲有對方哩個血緣親人，就好似而家我地各有兄姐一樣。
但生活係咪有問題呢？事實唔係，所有野都係supply and demand, 有需要自然會用多幾分力搵錢。由300尺所謂豪宅，搬去700尺村屋仲有天台，為左有多d空間比小朋友走動；由打一份工變成打一份半工，再變成work at home, 但我唔覺得辛苦，反而好開心，成日見到仔女。只要為左仔女，就會去做！
船到橋頭自然直，係真嘅，睇你地咩心態。
老公唔想唔好諗，生左有排埋怨
我都好明白你既心情
我老公又係唔多想生多個BB
一來會降低生活質素,宜家供緊樓重有5年先供完
二來屋企地方唔大，又有請工人姐姐
所以都心大心細
我高齡生兩個， 我老公好中意小朋友，佢好肯照顧大女，諗住生咗第2個會冇問題，有我老公頂.
但係生完細女我老公好少湊細女，大女都少咗理，我成日1打2，好辛苦，我大女同細女差兩年幾，照顧兩個咁細嘅小朋友，比照顧一個辛苦多好多倍，搞到我有產後適應障礙，日日都想佢哋快D大. 如果你老公唔想生第2個，你都唔好勉強喇，湊一個初生+一個小朋友真係人都癲！你要預起碼捱1年.
依家我細女21個月大，兩個可以一齊玩就開始冇咁辛苦
其實我覺得無乜嘢值得可惜
生兩個佢地以後未必有手足情
我識有Twins都可以完全反面，大家平時完全無聯絡+互相憎恨
兄弟姊妹大個左都係各自各一家，唔會一廂情願美化個圖畫。自細好羨慕人地係獨女，覺得好幸福，所以生左一個。生B要夫婦有共識，如果其中一個唔想，將來可能怨另一半，亦有可能將股怨氣發洩去第二個小朋友嗰度。
有無人幫手？傾好分工未？無答案我真係唔會諗
Exactly我老公家情況。
佢三兄妹，大哥最大，妹最細，我老公夾中間。
老爺早兩年病重，經常出入醫院，
乜都係我同老公搞，陪診，出入院，請工人，教工人煮飯等等，一星期去咗老爺家4，5日，我連自己娘家都唔得閒返。
老公個大哥同細妹好似當自己冇老豆咁㗎喎。
老爺2018年尾過身後，老公都唔太肯再同所謂嘅兄妹聯絡，佢話佢有條刺係心。
所以所謂嘅手足情真係… 唔好太完美化…
我覺得真係你地兩公婆溝通好有共識好d，如果唔係生左出黎反而影響夫妻感情… 好似有少少本未倒置咁～ 好好同你老公傾下喇～
我老公想生第二個，我堅持一個夠，冇共識所以唔會生
我有兄弟姊妹，我明樓主嘅理想
我都好慶幸有人可以分擔父母年老後要面對嘅問題
但係兄弟姊妹手足情唔係必然
簡單而言如果父母相處唔和諧
兄弟姊妹長大左都唔一定有愛
如果你生左第二件老公怨你或者唔幫你
係咪有條件去實現你想要嘅嘢？
好多父母美化咗手足情，其實小朋友大d都係同朋友玩，跟住又有同女朋友/男朋友，結婚後有老婆/老公，呢d先係陪伴佢地終老嘅人
今時今日如果係香港，寧願多d資源比小朋友，好過將資源分散
當然如果係千egg心抱就另計
最緊要同先生有共識，因為兩個負擔大左
再同老公傾下， 我自己有細2年既細妹， 細個時候會覺得媽咪偏心細妹，但開始長大就覺得有佢陪伴係好開心 ，好似閨蜜一樣咩都可以傾， 我覺得佢喺我生命中非常重要 ，遇到問題困難，佢一定會對你最好
我自己有個細妹，我老公都唔係獨生子。我地好彩感情都好好，所以一直都諗一係唔生，一生就要兩個
我自己都係咁諗
一係唔生
一生生兩個
雖然話唔預二個大左感情一定深厚，但起碼童年都有人陪住成長，我覺得妹妹出左世，係有影響到哥哥性格，多左責任感，有耐性左，呢啲係好難教，真係生活自己體驗出黎。
不過如果你老公好反對，就唔好喇。因為生二個佢唔太幫手，你都會好辛苦。你老公先係陪你下半生嘅人，為小朋友著想嘅同時，都要考慮返身邊人。