身邊人你呢句講得好好
我係覺得有啲可惜
迫自己諗一胎好處
一胎可以好快luck身
可以擺晒資源俾仔仔
可以努力工作
可以換間大屋俾自己
可以儲多啲退休金嘆世界
只係諗下諗下又覺得可惜
因為未發生你會幻想好美好。而家湊住二件，係煩好多，我發癲指數都高好多，仲要我老公已經算神隊友，所以所有野都係你睇我好，我睇你好，獨生又羨慕有兄弟姐妹，有又羨慕獨生，所以如果決定唔生，就唔好諗太多，我有時都會諗唔生妹妹，生活就鬆動啲，我真係唔駛做，但諗黎真係嘥氣，所以算喇，留返啖氣暖肚
2個讚
你先生覺得辛苦，即係佢都好肯湊，似乎唔係唔鍾意小朋友喎
不如分析一下利弊先？
我老公獨仔嚟，開頭都唔想生第二個，
但後來佢回想返自己嘅生長過程都係自己一個咁，
就唔再抗拒了
依家會覺得好彩生咗兩個，可以由佢哋自己玩
我明白一個同兩個有辣有唔辣
但開頭結婚相識
大家都講係想生兩個
依家生左一個就話湊得好辛苦
我覺得湊兩個未必係湊一個辛苦程度既兩倍
大仔又可以陪下細既玩
視乎點教
我係咁諗
兩胎既係咪都係咁？
不過我認同要捱多幾年
生活經濟要取捨
我想 但老公話等仔仔再大先考慮
我怕到時大家先想 我生唔出 生得出又老 無力陪玩
生兩個好似好理想, 佢地可以自己玩
我會考慮自己嘅負擔能力, (如果另一半唔係好幫到手) 負擔能力唔止係講經濟上, 仲有精神上, 升學路上, 興趣培養…比到咩支援佢地, 呢個年代唔同舊時啦, 除非樓主完全接受到天生天養, 咩學校收就讀咩學校…否則跟兩個小朋友讀書真係好辛苦, 要三思
我成日都同朋友講"生第一個係無知(唔知咁辛苦), 生第二個係莫大嘅勇氣!"
1個讚
一樣, 個仔歲半
宜家同老公傾緊生唔生第2件
各有利弊,好煩惱
我覺得手足感情好是緣份。我哋有3兄弟姊妹，細個感情一般。父母偏心，兄弟姊妹不和一段時間。不過人到中年又會互相照顧一下。所以都係講彩數。不過，我對將來世界係負面的，所以就想無謂帶多個生命來了。
2個讚
真係唔好太美化所謂手足之情，父母偏心的話對小朋友黎講真係冇手足仲好，心理影響亦都係一世。現今呢個社會，少個錢都唔得，真係好現實。得一個我都冇本事自己湊，生多個仲可以咩？既然一個已經咁內疚，何必仲要生多個？我情願將我所有嘅愛所有資源比曬一個，亦不至於放棄自己其他嘢。
1個讚
其實我覺得無必要太過美化所謂嘅「兄弟姊妹情」。
講真陪你下半世嘅人係你老公，如果你老公唔想，就唔好勉強。夾硬生佢會埋怨你架。
我以前都好羨慕人地獨生～覺得佢地好幸福～特別係佢地父母等仔女出身後退休兩公婆自由自在周圍去果d真係好寫意
我都見過有兩公婆好早退休，個獨生仔結咗婚之後生左2個，由第一個開始已幫手凑（個仔有工人），佢地有兩層樓，一層比仔一家住，一層自己住，每日朝早就一齊去個仔屋企凑細路，又出去飲下茶去玩下，真正弄孫為樂。
生兩個係手足之情定仇人都話唔埋… 見得太多感情唔好，紅白二事先會見到。
1個讚
我自己都係生兩個，主要原因亦都係唔想將來阿仔得自己，加上最大既原因係，我老公支持亦會幫手湊。
而家你小朋友仲細，你既忙碌只會係照顧佢既起居飲食，但到小學時，即使你係一個幾咁佛系家長都好，小朋友既功課都會令你忙到癲。到時老公既參與係非常重要，一個忙大果個，另一個要照顧細果個。
我家姐生一個女，有自己既朋友，停課期間嚮屋企亦可以自娛，又唔覺佢話悶如果有細佬妹陪就好呢d想法。而我果兩個，呢排就兩個一齊玩，時而嗌交時而老友，都開心既。
所以冇話生一個好定生兩個好，小朋友長大後自然會找到自己生活方式，冇得比較。大前提就係唔可以因為生BB而破壞兩公婆既感情，所以老公唔贊成，千祈唔好生。
2個讚
我第二胎宜家五個月大
雖然忙啲, 但好多時候反而輕松左
因為大B開始識幫手同细B玩
有人爭, 連飯都食得積極左
平時唔玩嘅玩具又玩多左
細路仔有個伴真係開心好多
由一開始乜都唔肯share, 到宜家部份肯
我覺得呢啲sibling education係俾錢都買唔到
兩公婆慢慢商量下
1個讚
希望我兩個女都會好似你咁
其實生第二個出来係為左第一個有個伴
唔會話偏心邊個
有時見到仔仔一個人
出街見到其他小朋友又想行埋去一齊玩
就會覺得對佢有虧欠
好明白大家講既利弊
我知道夫妻感情最重要
依家或者唔係一個好時機
1個讚
最緊要兩公婆有共識, 諗好人手分配, 經濟負擔
我係一胎媽, 想生第2個, 不過未諗掂人手安排, 我同老公都番工, BB半歲時請左姐姐幫輕, 但我知道湊1個同兩個好唔同, 又無長老幫, 所以都唔敢諗住
睇得出你好有愛心，但唔係個個都好似你咁諗。
細時兩兄弟、大時兩家人
我生第二個，本來都係諗著大仔有伴。結果細仔成日蝦哥哥，搞到哥哥有情緒問題，小學生日日話希望搬出去唔洗再見細路，我又無閒處理。
最後我放棄份工，全家睇曬心理學家，先終於搞掂。
老公間中都會怨我生多個，不時話「如果無生，我而家就已經做緊咩咩咩」。好在我地財力有預夠，可以找工人，出入可以坐的，又有錢睇唔同既醫生，又可以俾錢讀唔同類型既學校，先無咁辛苦。
一句：老公唔肯，到時怨你仲影響埋夫妻感情，你就知道乜嘢叫真正可惜
我屋企都係金火田仔成日蝦哥哥，一時打交，一時一齊笑，你地肯一齊去睇心理醫生都好好