分別係新加坡依然係國際城市，對外接軌，將來子女唔喜歡新加坡可以再去外地讀書生活。
一國一制既香港係大陸城鎮，我真係擔心子女將來越來越難走出去。
新加坡唔會捉人禁錮？請問你識唔識Amos Yee (余澎杉)？
講到以言入罪，新加坡行先香港好多年。。。
1個讚
新加坡移民要求仲高過外國吖
得工作簽證一家大細搬去、到時拎唔到PR好似兩頭唔到岸
我都鍾意新加坡、起碼言語文化夾、但小朋友唔夠叻去到都辛苦
係，就算攞到PR 都未必攞到citizenship.
至於小朋友讀書，如果無PR, 亦好難入public school，要考AEIS。
讀國際，學費貴過香港。
相信大多數想移去新加坡的香港人都係睇中呢點。
1個讚
如果早晚會送細路過外國升學又唔想受香港洗腦教育, 馬來西亞和泰國既國際學校都好好
馬來西亞無研究過，但Bangkok 較好既國際學校，同香港國際學校學費差唔多，學費個range 好大，較有歷史同規模既學校入學費都要幾萬，每月學校萬幾，同香港讀國際差唔多係香港讀國際咪重好。
前題是你想離開香港? 前題是小朋友在香港長大, 本人什至覺得價值觀人生觀都會被扭曲…
馬來西亞IS學費可參考
香港IS學費可能都是萬幾…但入場費呢? 我冇特別研究但起碼100個做債券吧
香港 IS 小學都萬幾了，重要係最普通的 IS.
d人話泰國，馬拉，台灣 IS 好d的同 hk差不多，但其實並不是 apple to apple 咁比較。
而且hk的 IS 國際風氣已經越來越低
香港唔係間間要比Entrance Fee. 亦唔洗100 萬債券。有部分係可以選擇比capital levy唔洗買債卷, ard 每年兩萬幾，refundable 債券 一般二十到六十萬不等，間間唔同。學費由八千至兩萬幾，視乎年級同學校。
ESF 學校債券只係幾萬，學費每月萬幾。
ICS 廿幾萬可退回債券，每月萬幾學費。
CAIS 五十幾萬可退回債卷，唔買債券可選擇每年不可退回兩萬幾levy，每月萬幾學費。
原來香港IS門檻已越來越低了…如果唔介意香港繼續生活, why not香港讀IS…相信可避免洗腦式教育既
我之前因為有Offer 去Bangkok 工作，所以research 左一輪當地IS, 因為孩子已經中學，所以學校學制同公開試成績絕對需要考慮。
行IB 既學校師資相對有保證，因為IBO 要review 先出IB 牌，而行IB 既學校，學費基本上同香港分別不大，而且公開試成績平均香港既國際亦好好多。當然BKK最吸引係地方夠大，但除非工作需要或移居就值得，如果只係孩子一個留學，我會選英國寄宿rather than泰國。
唔理解香港IS 風氣低所指係咩？係指IS 學生有本地催谷文化？定學生質素差？
但英基好似要有英國護照喎
係，所以孩子已經讀緊IS , 等佢大啲成熟少少就去外國留學。
ESF唔洗英國護照，不過大部分國際學校要有外國護照同本地護照比例要求，一般70:30 ，所以有外國passport 入學相對容易，但無外國passport 亦可以入到，只係學位較少。
岩岩有朋友轉過國際考英基先咁講…所以轉了耀中
我冇留意泰國, 有睇過馬來西亞同台灣.
馬來西亞同台灣, 如果係係首都的 is, 萬零蚊一個月的小學水準都好好了.
但香港萬零蚊係最basic, 而且內地人好多. 睇過朋友仔女個d 班相, 一班得個兩個外國人, 其他都係中國人臉孔.
當然我覺得原本香港的國際學校無論師資, 國際標準都比泰國, 馬拉同台灣好.
係我心目由, 香港唔只敎育, 原本係好多嘢都比其他東南亞國家好. 但已經唔可以同日而語.
梗係唔係啦，我屋企人讀緊ESF.
ESF 相對其他IS ，passport考慮因素唔高，因為本身外籍學生比例高。
最難係唔夠位，waiting list wait 兩年先有得interview. 除非由幼稚園入，就好好多。