新加坡係有完善既法律同制度既國際城市，教育水平高，生活環境比香港好。每個地方亦有自己既法規，但我唔會覺得生活上受到專制。
坦白講，我好欣賞當地政策。
佢確實係一個小國，有一個小國既隱憂，特別係今次疫情後既經濟影響。
新加坡當然係國際城市，但同時係專制國家。好似響未有政治問題前都冇香港人覺得生活上受專制。但一旦涉及到批評政府，就會見真章，例如之前有個新加坡少年因為響網上批評政府而比人拉左。
當然如果唔睇政治唔理政治既，唔會覺得日常生活有問題架。
3個讚
True, 某情度上佢似以前未有政治問題既香港，而佢亦無香港既問題，因為佢自己係一個國家。
政府以自己市民為本，做得好，有誰想參與政治？
當然同以前既香港比，一定香港好，但今日既香港已經變了樣。 
1個讚
總有一日會有一個暴君, 賣國賊的出現.
每一個專制政體, 都會有呢一日
新加坡好d，起碼唔會偷偷地捉咗你禁錮，又唔會扮民主，講到明乜乜乜唔得，你照做就犯法，但香港係講一套做一套
我覺得有分別，起碼佢唔係講一套做一套好似大陸咁
仲有，大陸好興係捉返去禁錮，無公開審訊，死咗都唔知咩事
同埋新加坡應該無大陸咁，過濾資訊，唔啱嘅唔比發出，唔會某d網站去唔到？
佢今日可以好好，但權力使人腐化，只要威脅到佢，我相信一個冇民主唔慣比人監察既政權乜都做得出
絕對有，只係報紙冇報導
有啲教授會教教下突然下個 sem 冇出現
網站都會上唔到
1個讚
即係。。。被消失？
1個讚
有咩網站被禁？
甜網 所有甜網都上唔到或裝vpn
2個讚
我以前有個大學同學係新加坡人，佢都話好羨慕香港嘅自由，我當時又冇問太多，冇乜興趣知道個分別，我傻下傻下
另外早兩年我食一間街坊店，係新加坡人開，同佢傾偈，佢透露話新國好多嘢好黑暗，但普通人唔想抗爭，怕失去安穩生活唔出聲
就係佢話我知網站被 block
至於被消失嘅教授係我睇新聞嘅，好似同香港當年傘運有關
2個讚
明白新加坡有新加坡問題，但同今日既香港比，香港更恐怖。
如果要移民，重要揾食，有幾多地方可以容易就業？
唔係人人有幾千萬投資移民，工作移民新加坡唔算難，香港人做返文職相對容易，新加坡人工高唔過香港但高過好多亞洲地方。
絕對明白新加坡唔係最好選擇，但至少呢一刻好過香港，我亦睇唔到香港既將來。我都經常諗小朋友係香港成長好定去新加坡好？
移去新加坡嘅話不如唔好移
真心
2個讚
無乜資金，想走，有細路，重要揾食，可以有幾多選擇？
台灣？難揾工而且人工低，而且唔保將來下任總統取向。
泰國？退休移民就得，要揾食而且有細路，唔多適合。
英美澳紐無錢唔洗諗，重有邊個地方可以諗？
當連華記正L樣呢單嘢你都唔覺得生活上受到專制？
睇唔到一國一制下既香港會好過新加坡
新加坡都係一國一制呀
大家都是紅色，不用分那麼細
如果新加坡真係好過香港，就唔使一直眼紅香港啦
1個讚
新加坡自己係一個國家，一個國家當然一國一制。
正常國家都係一國一制喎
但香港本身係一國兩制，亦係一國兩制下先可以保持國際地位。當香港失去一國兩制只係一個大陸城市。
新加坡自由度較以前既香港低，所以超越唔到香港。但今日被操控下既香港，自由度仲有幾多？
如果光復唔到香港，香港的確只係大陸嘅其中一個城市
但就算係咁新加坡嘅自由度咪同香港差唔多
只係批評一下政府，就將一個十幾歲嘅小朋友收監
同中共有咩分別？
佢哋嘅生存環境好過香港只不過係維護自己政權嘅其中一種手段
反送中仲睇到新加坡大部分都係藍絲
真係唔覺得好過香港幾多