其實好多人嘅生活習慣應該已經有好大改變。
小朋友唔使返學，困獸鬥。
但係大人自己生活習慣其實改變成點？
我哋本來每日7:00起身，依家變咗八點幾起身…
10:00仲食緊早餐, 上下網, reply message.
跟住, 有陣時就出去買餸,
如果唔係就喺屋企做嘢, 同個女玩, 或者叫佢做功課. (因為佢做功課, 先至唔需要諗嘢同佢玩)
食完飯, 睇一陣電視就趕佢上床.
以前無時無刻都可以上網, 而家為咗做個榜樣比個女睇, 要佢唔得閒嘅時候先至上網. 大家有冇咁嘅情況? 幾時先至可以上網吹水? 睇吓FB/IG?
或者有啲乜嘢重大改變嘅生活習慣…
最重大改變就係日日困獸鬥，每隔幾日就好似上倉咁買定幾日餸，差唔多餐餐自煮，仲要日抹夜抹，無咩出街有咩都網購，係屋企真係變左老宅女咁，完全係日復一日…
我飲多咗酒… 之前一個星期都飲唔到一餐. 而家會心思思…
都係照返工，係冇約朋友食飯
咩都自己煮，包括壽司
唉，本身因為無工人（平時請本地姨姨，但武肺費事佢日日過嚟咁危險了），搞到又要返工又要買餸又要煮飯又要做家務，人都癲
我住北美，呢度有禁足令，餐廳只可外賣冇得堂食，好耐冇出街食了，幾乎餐餐自己煮，煮到開始懷疑人生
我兩個仔都大了，細仔都讀緊高中，佢哋會自己搞自己嘢，我唔理了，呢方面冇咩唔同，係多左好多時間喺屋企，一無聊就搵零食，屋企多左好多平時唔會出現嘅“無益”零食
反而係衛生方面大家都著意左，自沙士後我哋已經養成習慣，出完街一返到屋企就即刻洗手換衫，而家更會沖埋涼洗埋頭，買返來嘅嘢會喺車房先用酒精噴下消毒，然後先帶入屋，有朋友笑我太緊張，但呢 d 非常時期，做多步穩陣 d 好過了
我女呢幾個月黎係完全唔肯出門口，我感覺好似養多左隻狗，要定時餵三餐，佢仲會等你門，熱烈歡迎你回家
响屋企，我一直盡量食真食物，勁少食加工食品，好多都自己整，連dressing 同sauce都自己整。
但係我越煮越懷疑人生，懶到會買ready to eat meal同frozen meal…
以前會去試吓唔同食店，而家就試吓唔同外送，外賣。
網購多咗，網購買餸會買定一兩個星期。一來唔想買咁多次，二來要到指定金額先送貨，三來費事無啦啦又話乜嘢要搶，買多一兩pack做備用。
經常失眠
好耐無出街食飯，無去飲茶，好掛住啲點心
最大改變係好少出街、無得自己行街
作息時間都無變
最煩惱就係點樣娛樂個女。
有陣時真係想俾佢睇YouTube/電視就算.
依家整多咗好多蛋糕, 因為我要同個女一齊做, 消磨時間.
我就是想要私人空間上網吹水, 入廁所, 吹一陣水又出返去…
星期六，日同平時冇分別
多左係屋企煮飯，無約朋友
本身係FTM，一早會送小朋友返學，依家反而可以日日瞓晏d，唔使接送怕遲到，我覺得反而輕鬆咗
以前我weekday多數只係煮晚上嗰餐，weekend一家人會出去食下嘢，又會叫下外賣
依家每日自己煮，無叫外賣/出去食啦，好彩我都叫做鐘意煮，未煮到懷疑人生
呢個疫情更加能證明我好適合做FTM，因為我真係好宅得，完全唔會心思思想出去玩，小朋友同我相處又ok，完全無困獸鬥，95%時間佢自己玩
唔講呢個疫情，其實日子過得ok
我買了好多急凍點心有時在屋企扮飲茶
我個女未出世之前都已經係home office. 通常之前佢返學, 我就可以靜靜地做嘢. 因為我哋得個女, 冇人同佢玩. 之前同鄰居玩，但係近日嚴重左，鄰居同自肅。每日都幾見佢戇居居好孤單，好唔忍心。
煮飯真係多咗好多～因為冇嘢做屋企打掃密左好多，平時求其嘅位，因為有時間所以會慢慢清潔。屋企乾淨左。
我同老公都有部份時間home office，多左時間陪個女。
阿女所有課外活動停晒。原本日日電視放題hea做學校野，因為k3又有小學offer所以我都冇乜點理佢。但可能物極必反，一段時間後佢竟然會自動自覺睇時間上zoom，又會跟指示做功課，連睇卡通片時間都自己限制埋，一日睇兩個鐘就收手。因為太無聊太悶，佢最近自己學剪紙同摺紙，又突然彈返琴，當然係亂黎果隻，但我覺得願意自學係好既開始。
工人姐姐由原本日日都可以落兩轉街，到依家只有我或老公響屋企睇住個女先落得街，佢都用左唔少時間適應。最近佢聽多左歌同講多左電話，同時又同多左阿女玩(阿女話)，我建議佢做下運動，對佢身心都健康d.