小朋友開始青少年反叛期，有無咩心得分享如何應對
吾好硬碰硬，俾多啲耐性，有咩等大家下左道火先再傾
謝謝你分享
雖然好紙上談兵，但有得參考下，打下底都好。因為到實際應用時，情緒最影響自己，不停提醒自己都年輕過，都激嬲過下父母，回想起，都唔知點解。
呢個年紀唔想同大人講野，問又唔肯答，問想我點幫佢又話唔知，都唔知點同佢溝通好
苦惱
最怕聽到佢地對自己講啲好傷人既說話 
即係你們關係一向有問題
我個仔亦正值呢個階段, 我都摸索緊點同佢相處, 亦經常同佢開拖, 可能我係一個比較強勢的阿媽, 所以都仲壓得佢住, 不過每當吵完一鑊後, 佢會講出佢想點, 而我又會識得比多少少空間佢, 鵝佢少D, 雖然好多野睇唔過眼都要忍, 閒時又多D同佢開玩笑講下阿爸壞話, 等大家可以融洽D, 希望等到佢大D識諗咁囉
要多啲關心佢，但唔好成日做啲重覆既事，要俾D耐性，不過最緊要唔好俾佢打太多大陸game，有啲人可能會教壞佢
我既情況就係差不多咁，由開始發現佢變之後都㩒住自己唔敢再鬧佢，但係佢成日鎖埋自己係房打機同佢d fd傾電話，問佢一句野好普通既野（例如點解唔食野啊）都覺得我好煩，有時想同佢出去玩下去行下街都唔肯去，連佢以前鍾意既野都唔肯去玩
無錯呀，成個隱蔽少年咁，食飯沖涼瞓覺乜都要催，街又唔願出，以前啲興趣無晒，佢個世界就得返部電話，阻佢打機嗰個眼神嗰種怨氣，我真係忍唔到要爆佢「點可以咁樣堀住阿媽㗎！」佢就唔會鎖房門，所以我都可以隨時入去攞杯水比佢睇下佢做緊乜，不過都無得唔比佢打機，佢會駁都無特別野做點解唔可以做佢自己想做嘅野(即係打機)，咁我都只可以由得佢…