未生第一個果陣已經1516，最後個天比左我第一個
仔仔已經大半歲，再唔追多個就變高齡產婦
但呢個時勢佗又好似唔好…
若時勢差果陣我仲未有小朋友，我諗未必會生，但而家已經有一個，所以就諗好唔好有下一個
諗生兩個，怕佢大個我地走左，至少仲有同輩的親人在世上，惶論關係好定唔好
但生一個就收工都唔錯，聽過來人講湊兩個辛苦好多，幾何級數咁上，屋企又唔係大，得一個姐姐湊，兩老唔會主力湊。又諗，第二個都係仔的話咪 
再唔決定就遲喇，無力湊呀到時
有無人分享下
2個讚
而家香港人預期壽命咁長，到百年歸老果日個仔應該有自己家庭了，所以我諗都係睇你有無心力照顧多個。
呢個問題我諗咗5年
最後上年年頭計劃，年尾先有咗
因為我一直想問大女意見先決定計劃
我老公一直想個女有伴，又想追仔
我地兩公婆都傾咗無數次先計劃生二胎
兩個有個伴幾好呀！加上呢啲野有時候都吾係話想有就有
我都有2個女女(2.5y/1.5y)
我有兩個，見到佢哋兩個一齊玩，一齊笑，幾辛苦都可以挨到。
我都隔左幾年先生第二胎，終於有個伴好啲
兩公婆傾得掂、養得到的話，我贊成生兩個，初初湊住係辛苦d，但見住兩個越來越大，兩個識一齊玩就會輕鬆好多。
而且見佢地d相處，係俾佢哋好好的學習和成長，點樣照顧別人，點樣保護自己，正面反面都有。
2個讚
自細有哥哥保護同陪住
大個仲會傾心事
我覺得好好
我都係，本身諗住個仔一歲開始計劃生，拖到而家兩歲都仲考慮緊
生啦，第時你同老公老左，需要人照顧，兩個人分擔壓力會細好多。
如果你收入穩定，經濟差時生先好，我有親戚sars後出世，佢個屆DSE將會係最少考生，入大學率最高
仲要諗埋體力同心力。。。
養兒防老呢個心態唔係咁好囉。。。
樂觀去睇就係嘅，之不過到時兩個夾唔夾到係冇人預計到。。。
人一定會老，總會有段時間好似bb咁需要人照顧，如果你同子女關係良好，佢地一定會呢個時候照顧返你。你生一個，佢就要獨力湊你，生兩個佢地咪可以分擔，唔係淨係講錢，好多人都有儲筆錢退休，其實陪伴的時間仲緊要。
但前面所講都係建基於家庭關係良好之上，如果你只係打算養兒防老又對仔女好衰，相信你老左，仔女都好大機會唔多理你/陪伴你。
1個讚
如果只係覺得可能會湊得辛苦
我覺得應該生
因為你列出嘅其他好處其實可以cover 你嘅辛苦
但如果係因為社會問題
我自己就唔想
當然, 真係照顧兩個細路嘅係你哋自己
自己覺得ok 就做喇
高齡風險始終都大
你個post大致分左3段黎寫。
第1段係政治環境唔好。若時勢差個陣你未有小朋友，你未必會生。依家時勢更差，卻因為已經有一個，而令你想帶多一個黎受苦，好似有點反智。
第2段提到"惶論關係好定唔好"，機會都係一半半。社會大環境差關係好仲可以互相扶持。如果關係唔好呢？你怕唔怕老左睇到佢地決裂/批鬥?
第3段提到你屋企空間又唔大，而且怕生第2個都係仔
分析晒3段既論點都唔係幾有生既理有。
1個讚
至少仲有同輩的親人在世上
呢樣好認同，兩公婆都有兄弟姊妹，所以覺得世上有人證明到自己有深厚血緣關係，其實幫到個人發展
香港社會同教育制度問題係難處，但要生要養係咪真係唔得要你自己計，睇下份工作有幾彈性，有幾穩定。
（仔2.9yr/囡0.6yr）
我好彩有工人同長老幫手照顧下
有個弟妹，對小朋友係好，但要睇湊點樣安排，同埋有冇耐性湊
我生第一個果陣都好悲觀 覺得世界就末日咁款 空氣又污濁 嘢食又好似就嚟唔夠 唔知邊度又打仗 （下刪一萬字）
生完第一個之後 佢有啲天生小毛病開始產後抑鬱 後來佢好番 而且佢愈來愈可愛 教佢嘢佢又識喎 咁漸漸走出陰霾 但都仲係唔想生
多個
隨住佢愈來愈大返學時 老師開始多投訴佢自我中心 唔識同人相處 不過我一直覺得應該大少少會好啲卦
後來相隔五年意外有咗個細嘅
生咗出嚟好好彩 佢哋相處得好開心 而且大果個開始識照顧人 學識遷就 知道世界唔係淨係圍住佢轉 識得分享啲愛
而生咗兩個之後 我個人唔知點解係樂觀咗好多 可能已成定局 有咩困難都要頂硬上嘅感覺 而且無得再花時間諗埋一邊 湊兩個撻落床已經秒瞓 悲觀諗啲未發生嘅事變得好奢侈
3個讚