大家有咩良方對付濕疹
2個讚
類固醇係最work
開始feel 到嚴重就要用
唔撳低佢等會更嚴重仲死
btw 大人定bb
芫茜煲水沖涼?
有年冬天我老公啲濕疹好勁，
我都係咁樣煲水畀佢沖身，佢話係真係冇咁痕同埋冇咁紅
但係都要搽類固醇藥膏㩒一㩒d炎症
我記得果邊有JM post 過條中葯方，嘗試明天揾揾給你
唔想用類固醇 
係大人
謝謝！
新鮮艾草煲水沖涼
麻煩你
邊到有得買艾草？
如果啱啱發,仲可以用輕手藥調好
但已經嚴重嘅話,用重藥先撳低佢
再慢慢調唔係好啲咩?
有時拖唔係好事
唔好咁抗拒類固醇先
個人意見
我係朋友種開俾我㗎 
不過可以留意吓花店有冇
我女搽喜療妥，好有改善
嗰時睇書，係一個日本醫生寫嘅，佢話喜療妥好保濕。嗰時阿女d濕疹勁到有點絕望，咁啱佢跌瘀咗隻腳，醫生開咗支喜療妥，就俾佢試吓
竟然又真係work
我仔細個濕疹好勁，用左 Cetaphil Eczema Wash + Moisturizer 發少左好多，沖完涼即刻搽 cream, 冇咁痕
我係嚴重到出水泡知道只係做保濕唔夠時就會查少少類固醇，出左水泡仲唔用類固醇驚有傷口唔小心發炎仲麻煩。
平時真係勁查保濕，我會用甘油溝水當toner揸左先，等個皮膚有d水份先，再查cream什至oil鎖住d水唔好被蒸發，但真係唔係查一次就夠，一feel到少少痕或者乾就查。
今年冬天覺得嚴重左，明明比之前更勤力咁查cream，同埋痕既位置多左幾個，有諗過關唔關之前d popo 周圍放催淚彈殘留既毒素影響
我係好勁濕疹
搽類固醇都禁唔到,要食類固醇先得
如果輕微嘅就做好保濕, 再唔得嘅就用細mg類固醇嘅藥膏…
用啲濕疹用嘅沐浴露
金盞花的lotion 有用的，可以試試
要搵到成因，如果唔係好易番發。真係好勁時唔好怕搽少少類固醇，好薄搽，退晒就分開幾日減量停。如果情況唔算勁，甘油加水唔錯，又或者好乾好痕的話用的的凡士林／油製的潤膚膏保護皮膚，其實唔洗搽咩好特別嘅野，因為要搞掂內在同環境問題。
例如最近轉季，早排濕度高，床舖塵蟎會滋生得好勁，要全部換洗加熱水洗一次，之後都要密啲做。
沖涼液最好都要轉，普通牌子個起泡成份對已經敏感緊嘅皮膚都幾差。轉用類似 physiogel 起泡成份溫和的，或者手工梘都可以試試。
如果有每日都食嘅食物，要停下，我之前每日食蛋治做早餐，結果一Check之下發現麩質同全蛋都敏感，最後停食左後爛面情況開始慢慢好，半年後先食得番。每人都唔同，所以最好同一類食物唔好每日都食，隔幾日食一次就比較好，同埋易幫你搵到問題所在。
搽野只係其中一個輔助，要快啲好番，內外都要兼備。
如果脾胃唔算虛寒，可以去藥房都買少少金銀花焗水飲幾次去一去濕同排下毒，如果怕太寒的話可以金銀花配菊花同杞子，就乜人都岩飲。
利申有學下 Beauty，護膚品成份，但唔係皮膚醫生，有多年各種敏感經驗。
6個讚
你喺邊個位出濕疹？好多時同免疫力有關架。盡量唔好用類固醇。類固醇係會好得快，好似打左麻醉針咁，但唔會修復到架
濕疹做唔做得運動？岀汗個下好痕但係岀完個人又會舒服晒
腳，由大脾到小腿
我係乾嗰隻濕疹，唔會r出水嗰隻。濕疹唔嚴重，但一發就好耐都唔好，平時濕疹發半夜會痕醒。我而家用bath oil沖涼，加埋幫濕疹位置敷Mask （敷完面再敷濕疹位置）/直接揸 sleeping mask。半夜就無痕醒。