如題
箍緊隱色美，一開始覺得唔係好方便但係慣左之後就已經冇感覺，已經完全唔覺得自己箍緊牙
係食野時要除牙套麻煩d，除此之外都覺得方便既，唔會整損個口。而家科技進步左，箍牙時間同用傳統方法都唔係爭好遠。每2個月見一次醫生，整體都好滿意，而家就黎箍完
用左$39k。
d牙箍係一套咁樣做好多副慢慢俾你矯正d牙齒，大約1-2星期就換一副，慢慢移位，要帶足時間先可以箍得靚（一日大約要帶20個鐘）。我呢個牙醫都算好，如果因為自己懶cool得唔好嘅話都無得賴，但佢又比我免費做多一套調整返箍得唔夠好個d位，可能係啲牙啦唔夠貼嗰啲佢都比我箍多一套。我知道有啲牙醫會額外收錢做微調，所以箍既時候最好問清楚點樣收費。
有一次我真係貪方便食咖喱魚蛋嗰陣唔除到副牙箍，食完之後成副牙cool好似油左瑩光筆咁，仲要洗唔甩
好彩嗰一日咁啱可以即刻換一副新嘅
1個讚
我係倒及牙 亦係cool 識隱美
cool 完好多年lu
當年好似都要28k not sure…
效果好好
1個讚
我倒及箍完1x年⋯⋯⋯1x年前都用左40k
倒及一般即係咬合不正，嚴重要做手術
當年經醫生判斷後，落最傳統鋼箍⋯⋯帶足兩年，我仲要懶無帶固定器，so far…都keep到
見議睇多一兩個醫生，最好搵矯齒專科（普通牙醫都會箍）不過專科真係專箍牙咁滯。我當年醫生，唔剝牙唔洗牙，要自己出去搞掂哂先返黎搵佢
適齒美未必人人適合，睇多一兩個醫生再決定，因為搵錯醫生慘過嫁錯人，其他牙醫唔會執人手尾
3個讚
係，當時我都睇過幾個牙醫先決定
不過個陣佢地提出既箍牙方案好唔同…係爭勁遠！
最後都係靠朋友介紹左個隱適美箍牙既牙醫比我我先真係做
我都用隱適美cool，cool完幾年了，跟從醫生指示，年半就已經cool完，依家夜晚仲帶緊固定器，醫生話好似女人戴bra咁要戴一世
我好聽話一直keep住戴，係有少少麻煩，每日都要洗牙套固定器
2個讚
same case, 醫生話定型cool 以少戴6年以上，唔戴1,2晚再戴返都真係有d 緊 
2個讚
我係過來人，分享吓經驗
我細細個已有顎骨不正問題，下面排牙突出咗（應該都算倒及）所以門牙合唔埋，只靠大牙咬嘢食。外表睇上去下巴好似腫腫地咁
2002年14歲時去搵菲臘牙科醫院，佢地睇過我個case覺得我適合做Case Study所以收咗我
當年我先箍牙兩年，再做咗一個都幾大嘅手術去矯正顎骨，再箍多兩年牙先搞掂。當年菲臘牙科醫院仲免費幫我箍埋牙，只係俾咗幾百蚊材料錢。而手術費都係好平，好似一千內。最後拆晒牙箍個人靚咗，不過因為手術切走咗下惡幾嚿骨，所以下巴好短，側面睇似無下巴。但正面就無乜嘢，靚過未整已經好開心！但整個過程真係好漫長。
不過事隔太多年，聽講而家已經無免費箍牙呢回事。但如果你個情況夠特別，佢哋都可能會收你幫你做惡骨矯正。你可以去試吓，但要有心理準備要等。
當年follow我個case個醫學生而家係顎骨矯正專科都有啲名氣，姓葉。如果你想搵佢Pm我，不過我唔知而家佢係點。只知當年佢跟我個case跟得好好，好細心
4個讚
要做埋手術真係好大件事
不過最後靚靚真係咩都值晒
依度有無pm?
係 戴固定器會keep得耐好多
個醫生形容得幾好
好彩咋 唔係有啲螢光色 諗起都想死
我book咗一個暫時 可以pm我介紹嗎？
我應該早啲去 實不相瞞我都一把年紀 
而家好似四萬幾蚊
嘩 當年都咁貴呀 
好多謝各位JM呀
我都一把年紀 生完bb之後 啲牙好疏 又加上倒及牙 感覺愈來愈嚴重
希望我可以箍隱適美嚟矯正啦
我暫時book咗中環梁苑莊 （成個療程好似五萬）
我未開始睇 好緊張 
睇咗第一次之後再update大家
我唔識Pm
不過應該都開得名
我當年個醫生叫葉學韶
1個讚
咁update下各位先
我去咗第一次檢查 因為倒及牙同天生無咗啲牙 箍牙就45000 整多兩隻牙就加多45000
我都唔知箍唔箍好
我都識人箍過invisalign，自律啲戴同勤啲洗牙套就得，整體黎講算好方便又唔痛
啲牙隙好大 做左三十年人都接受唔到
想去整整佢