唔好意思，呢個post會有少少負面。由我移民離開咗香港之後，發覺好難識朋友。好多時候喺工作，亞洲面孔嘅人會比較容易走埋一齊，無論係講中文韓文定其他，白人會走埋一齊，我諗大家文化背景的確係會有分別，同白人同事保持互相尊重打招呼，但係完全只係講公事。開頭我以為同一啲亞洲同事建立到啲幾好嘅關係，試過有付出努力去建立友誼，但係後來發覺，自己雖然一把年紀，但都太傻太天真其實對方只係想搵一啲人脈關係，簡單就係互相利用。我覺得好孤獨，酒肉朋友冇，傾心事朋友都冇，有時會開個ChatGPT傾偈。
隨緣！
人與人之間相處，都係一種緣份。
無需擔心，時辰到自然就出現，
2個讚
我都放棄同本地人做朋友，個mode根本唔同，但我唔覺得係佢哋問題嘅，只係文化唔同
我同少量香港朋友相處算，喺呢邊識嘅
樓主搵下啲嗜好for自己同識朋友？
我也覺得同本地人難做朋友，可以傾到公事互相尊重已經好好。我在思考點搵朋友，謝謝你的回覆
1個讚
有冇咩興趣，join活動？
我見有咖啡拉花聚，reading club，crochet club，香港人又有，local group 都有。
有共同話題，大家傾傾吓，再慢慢建立友誼？
1個讚
佢哋同事之間唔會好似香港咁變做朋友，不論夾定唔夾。好似有一間廠有個員工做咗五十年（由十幾歲做到六十幾歲）但可以去到farewell嗰晚先第一次同同事出去（pub慶祝榮休），咁多年亦冇其他同事有佢電話
我喺香港或英國就算係第一次識嘅香港人攀談得愉快已經交換電話，text下又好下次出嚟飲杯咖啡又好，呢度絕對唔會。本地人話交換電話就當係 potential sp 
相反喺火車上三九唔識七啲鬼會同你分享一生人經歷，有次個鬼佬連佢兩任老婆嘅相同名都比我睇，但唔會交換contact；香港人就算熱情地交換contact都會有啲邊界感，唔會乜都講晒比人知
文化不同
2個讚
你既情況有D似我女而家升中一既情況,
我都係勸佢識朋友要隨緣,返學/返工可以正正常常就已經好好(起碼無咩欺淩事件)
其實工作同交朋友分開,份工先可以做得長久~
我年輕時成日轉工,我同人好快就FD,當年真係識得好多人,成日放工就去食宵夜~
而家回想返係開心既,但係其實我成日俾人利用,以前有上司提點過我我係識做野但唔識做人,如果當年我自私D上進D,我而家會係某品牌既高層
2個讚
佢地本身deep talk朋友都未必好多。
好多都係family first，大部分活動都係family/小朋友嘅朋友一齊。
以為佢乜都講，好似fd咁，點知out of sight out of mind，冇見一排又好似唔再係真心friend，原來只係吹水friend。
有一輪同同事A一齊合作成日吹水。合作完左，隔咗兩三個月冇吹水，佢直頭連我嘅名都唔記得。（然後發現係好common嘅事，耐唔耐有同事問我知唔知另一個同事叫乜名。明明睇住佢地有時都會吹水）
1個讚
我以前同啲同事稱兄道弟，呢幾年各散東西但都嗰個group度 update ，上星期先一齊分享姐姐湯唯旗袍look
呢批好同事令到大家工作氣氛好好，我哋放工放假打麻雀BBQ踩單車去離島去旅行睇話劇食海鮮乜都有，最重要當然係詛咒老細啦
呢啲似係香港嘅環境先有
3個讚
我香港份工做咗十幾年，有幾個同事係好fd 可以deep talk 。呢邊我見白人同事會交換電話，有啲後生女會一齊clubbing 。我覺得lunch 時大家坐在一起好似好多嘢傾（我係聽的多），但我覺得佢哋大部分唔係真的好熟，可能轉工也冇乜聯絡。不過整體上白人之間好易打開話題傾。我工作的地方，非白人會自動走得埋啲，我後知後覺，以為呢啲可以做fd ，其實大家只係吹下水。做朋友要雙方也有心吧，我太天真了
1個讚
我個囡高中，有朋友，不過佢覺得大家都唔係真的好close 。係咪呢一代既友誼唔同左？
我有去游水同gym ，自己一個，好間中yoga ，但大部分都係婆婆級。平常放工煮飯，煲劇上thread ，所以冇乜社交，係到最近，發現原來自己死咗都可能冇人要通知
呢個就係最大嘅分別：我以前每份工傾得埋嘅同事一定有私下＆離職後聯絡，密嘅就keep住做朋友定期見面，疏嘅就互相 text 下或 fb 互like，廿幾三十年嘅同事都係咁運作
1個讚
外國人普遍嘅吹水能力係高嘅
1個讚
呢個情況只會係我中同GROUP&由細識到大既姊妹GROUP出現~
同事GROUP真係各散東西,無做野就無連絡 
佢地好現實…
反而以前做freelance識既,就仲有係fb留言傾計
我女同幾個小學同學好fd,有一個fd到日日都搵機會傾視像電話 
聽佢地講佢地各自上到唔同中學,都無話特別識新朋友,我覺得呢d都係隨緣~
無特別fd既咪專心讀書囉 
gym yoga聽落都好好，有啲人都係個度識到朋友，
會唔會係thread/meet up搵返近似啲嘅age group/background，易啲有話題/有固定時間相處耐啲？
1個讚
就算亞洲人，日韓台兄文化都同香港人唔同，
喺度有識到香港人，但都係中年後先識，啱傾嘅都係酒肉朋友大家久唔久見面update 狀況，同後生識嘅朋友話題真係唔同。不過我就唔需要朋友，有家人整整齊齊已經滿足。
1個讚
其實建立自己興趣係好重要，
一來自己有咗精神寄托，
有啲興趣係可以建立及維持一個社交圈子。
例如：行山、打波、釣魚、跳舞、返教會⋯⋯⋯⋯
1個讚